ويامحاسن الصدف

ثالت عشر

لايك قبل ما تقرا وكومنت بعد ما تقرا... قراءه ممتعه🍃
#ويامحاسن_الصدف
الحلقه :التالت عشر
بقلم :فاطمه سالم الورفلي
.....................................
..........
عند فجرية :
فجرية مسحت دموعها وتنهدت :مش عارفه يام مش عارفه... بس ما ترعشيش روحك مرات موضوع كدب

اجديده :غر بري شوفي تليفونك بس

ومشت فجرية بتشوف التليفون ولقت الصديق يتصل... طول ردت عليه...

فجرية تعارك :وينك يا مريوح... وينك لينا قريب شهر ونص... لا نعرفو على بوك شي لا حي لا ميت

الصديق زفر :وين بيكون يعني... اكيد يهيج في تونس وانتي تاكلي في روحك

فجرية نصدمت :تي تحشم على وجهك تحشم... اشبح الخبارة لي سمعناها حقا ولا لا

الصديق تنهد بلا مبالاة :شن بتكون الخبارة يعني... تزوج اكيد وحده طرف اغبر

فجرية طارتلها:راوح خيرلك يا قليل الربايه...راوح... تي اليوم جتنا وحده لا نعرفو اصلها لا فصلها قالتلنا بوك توفى وخدو كلاويه ... وانت زيد زيد دوح ياصايع افندي

الصديق نصدم :تي مني هي هدي؟

فجرية عقدت حواجبها:عاد وين نندري عنها

الصديق نزعج :تي باهي باه ودني وجعتني... تي تلقيها تكدب عليكم وانتي زيدي صدقي

فجريه :اي اي زيد طمن روحك... تي راوح باش نسقدو لتونس اقل ما فيها نجيبو اختك والجثة.. وانت واخد السياره و لا معبرنا

الصديق :... يتبع
...........................
.............
عند زينب :
قتيبه :من توا بيكون سكنك في العمارة لي قدامنا... اما سالمه ح نلعب عليها لعبه تنشغل بيها لعند يجي الوقت... لي يكون عندنا فيها دليل باش نفضحوها..

اني بدون ما نشوفله:وشن هي اللعبه

قتيبه :عطيني رقمها بس..

اني فتحت تليفوني وحطيت على رقمها وعطيته التليفون...وهو خداه التليفون... وخدي قلم ورقه...وسجل الرقم في الورقه

قتيبه مبتسم :تمام توا... اطلعي طول تلقي مخبز وفي جنبه فندق... خشيله وقوليلهم اني من طرف قتيبه... وخلي الباقي عليا..
...

اني :تمام... اني نبي نروح توا مالا للفندق... لانه راسي مصدع..

قتيبه :تمام... بنسبه للدبش وماكله كله ح يكون متوفر... بسسسس كل المطلوب منك انه ما حدش يعرف عنك انك هنا وبسسس... متفقين!

اني حطيت ايدي على راسي حاسه روحي مصدعه :اوك متفقين...

قتيبه :تمام... توا بسلامه

اني تنهدت :سلام

.....
..........
وطلعت من الصيدليه...وقصيت الكياس..... وصلت للفندق..وخشيتله ...