قبببل كل شي لايك قبل ماتقرا وكومنت بعد ما تقرا لازم توصلوها الحلقه ل500كومنت ولايك انطلقووو قراءه ممتعه❤
#ويامحاسن_الصدف
الحلقه :الرابعه
بقلم :فاطمه سالم الورفلي
......................
...........
واني نهمرت بالدموع... ونعيط... شوي وخشو عليا الممرضين ضربولي يبرا مهدئ... و بعدين كتبولي خروج... وطلعت من الحجره... وخشيت للانصير لقيت ولد...بس لي صار صدمني.... قعدت نسمع الولد يتكلم في تليفون..
الولد :اي ايي خدوه كلاويه وخلصوها المرا.... تي اي ايي الموضوع ساهل بكل... تي لين اني نصدمت... غر قالو بنته زبطتهم وتبي تهربه مشي خدوه منها وطلعوها من العياده مره وحده .... ههه تي حتى الولد لي معاها قالو زلبحو بي الفين وكتح ههههههه شعب جيعان ياشيخ ايييه المرا طلعت مرت بوها...
......
............
اول ما سمعت الكلام هدا جمدت في مكاني... يعني رحيل باعني!... وعلى خاااطر فلووس!... الله يابابا كنت حاس انه مش كويس... كنت حاس انه ماينفعش .... كنت حاس انه مش المسؤليه... كنت حاس انه مش قد المقام... وانه طامع فيا.... اسفه بابا اسفه اسفه على ان عارضتك وعليت صوتي عليك اسفه اسفه حبيبي... اسسفه... بس توا من بيا بعدك!... من ليا غيرك!.... قعدت نمسح في دمعه وتنزل دموع... حسيت بحد يشوفلي... رفعت راسي لقيت الولد يشبحلي..
الولد صكر الخط وقال:انتي ليبيه؟
اني :اي!
الولد هز راسه :اها يعني انتي نفسها لي بوها خدو كلاويه؟
اني طبست راسي وتنهدت وزدت نبكي بلا صوت...
الولد حط ايده على راسه:اسف اسف... مش قصدي مش قصدي... ااا قصدي كنت كنت نبي نتأكد بس مش هك اففف
اني رفعت راسي وقعدت نمسح في دموعي :اوك اوك ماشي حصل خير
"نرجع ونقول للمره التانيه... زي ماقلت في روايتي مبرر الخيانه بأنه البشر في اصناف ولي هم:غبيّ متذاكي .....وغبيّ ....وذكيّ ...و ذكيّ متغابي👌
يُهزم كلهم ....بـ إستثناء الأخير ولي هم سالمه ورحيل🍃... بس يبقى السؤال هل في شخص اخر!؟... ح نعرفو من خلال روايتنا "
....
........
الولد توتر وقعد يطربق في صوابعه :احم ماشي اني قتيبـة وهدا رقمي لو تبي ايي شي ما يهمك شي اتصلي بيا بس
اني شبحتله ومابيتش ناخد الرقم...
قتيبه تنهد وابتسم:خودي يا ... عفوا الاسم الكريم!
اني ابتسمت مجامله :زينب... اسمي زينب..
قتيبه رفع حواجبه بصدمه:زينب !... حلووو زينب زي اسم امي ❤😁
اني همهمت بضحكه بأرتباك وخديت الرقم....
قتيبه :اا وربي منحرج منك مش عارف شن نقول... اسف سامحيني اا كنت طول الوقت نقرم فيك و... "وانفتح الاصنصير شبح للاصنصير انحرج وشبحلي"....تفضلي اطلعي
