لايك قبل ما تقرا وكومنت بعد ما تقرا.... قراءه ممتعه🍃
#ويامحاسن_الصدف
الحلقه :الواحد وعشرون والاخيـرة
بقلم :فاطمه سالم الورفلي
......................................
..............
عند سالمه وقتيبه:
-ومشي للمركز... قعد فيه لعند الصبح صبح ... وعلى طول قدم للنيابه الادلة والتسجيلات... اي اي تسجيلات... لي ما تعرفوشي كان قتيبه يسجل في سالمه طول الوقت... ويقص منه كلامه ويخلي كلامها... لعند اخر لحظه مسجلها...وخش لي سالمه... وقاللها شي خطير ممكن هي وقتها تستغله ضده.... هدا شي ح يكون
قتيبه :لا لينا الحق فيه... واهلا وسهلا بيك يا ضيفتنا توا قعدتي من عيلتنايا سمحه
سالمه خافت :شن قصدك!
قتيبه :قصدي ان غدوا ح ينحكم عليك بالسجن لعند الموت
سالمه بلعت ريقها بخوف :يعني
قتيبه :هههه يعني احسب وانسى
سالمه بعصبيه :ما تنساش انك حتى انت معانا
قتيبه بصوت واطي :هدا لو كان عندك دليل وقتها اصلا
سالمه :تو تشوف الا ما نفضحك تو تشوف
قتيبه :القانون لا يحمل مغفلين... ومزال الحبل على جرار العقبه لي خالد
سالمه بخبث:قصدك خالد مزال ما شدوشي؟
قتيبه :اي لكن ح يشدوه.... ما تخافيش هههه
سالمه ابتسمت وسكتت
قتيبه فتح الباب وطلع .. وشوي خشت شرطيه بتاخد كرسي... ولحسن الحظ... انها تتكلم بتليفون صغير الحجم.... ولما خشت حطت تليفونها في الجيب .. وقعدت ادندن...
-سالمه عيونها على تليفون وبس...
-الشرطيه... ادندن ومش منتبهة... وشوي وخطمت جنب سالمه... سالمه رفعت ايديها بصعوبة عشان مكلبشات... وخدت التليفون.... وشداته بيديها الزوز باش ماحدش يشوفه... وقعدت تستنى في الشرطيه تطلع... و الشرطيه على طول خدت الكرسي ومشت... واول ما صكرت الباب... نهضت سالمه التليفون... وفتحاته بصعوبة... وقعدت تكتب في الرقم... لين ايدها وجعتها.... عشان مش مرتاحه في الكتابه... وكتبت رساله لي خالد "خالد اهرب من جربه راهو شرطه يدورو عليك... واقتل قتيبه لازم تقتله "... وضغطت على بطمه ارسال... واول ما ضغطت... ابتسمت... وهووووب انفتح الباب... وهي خشت في بعضها... قعدت ترعش لين طاح منها التليفون... وخش الشرطي يجري... خدي التليفون...وشاف الرساله
الشرطي :محمد يا محمد ابعت كرهبه دوريه لجربه... وابعتلي اسماعيل بسرعه يا محمد بسرعه
محمد :دقايق ويكون عندك كل شي دقايق بس
" وشوي وجي اسماعيل "
اسماعيل :اشبيك شنوا لي حصل... خلاك حاير في حالك واحوالك
الشرطي يشبح لي سالمه وطايرتله :ارفع هادي للسجن الانفرادي... و ولا بني ادم يدخل ليها .. سارقه موبايل ومراسله رساله لي مجرم تبيه يهرب
