لايك قبل ما تقرا وكومنت بعد ما تقرا.... قراءه ممتعه🍃
#ويامحاسن_الصدف
الحلقه :الثامنه عشر
بقلم :فاطمه سالم الورفلي
..............
...
عند قتيبه :
قتيبه التفت مستغرب... شافها والعه ضي التليفون... واول ما شافتهم... طفت التليفون .. مشالها قتيبه... فتح باب السياره...
قتيبه :في منو تكلمي؟
سندس حطت ايدها على فمها بمعنى "اسكت ".. ودار بيدها بمعنى "امشي "
قتيبه برفعه حاجب :تمام "ومشي لي سالمه "
سالمه :خيرها؟
قتيبه بهزوه: تقطف... فوتيها المهم توا شنو ؟
رحيل :غر شن في خيرها
قتيبه تأفف:مافيش ... كالعاده تبي نطلقوها
سالمه ضحكت بهزوه :ههه ما غر تحلم
قتيبه ابتسم :تي اي مستحيل تصير هدي
سالمه زفرت وشبحت لسماء :باهي المهم توا...خلي نمشو لي صاحب العياده "خالد " نشوفوه وين ندفنو الجثه... باش نكونو مرتاحين بعدين... وزينب وسندس وقتها حتى كان مشو ورفعو دعوه علينا... وجو الشرطه فتشو... وقتها ما عندهمش حتى ادني دليل
رحيل بضحكه: يا عليك عقل حربي يااه ههههه
قتيبه حط ايده على لحيته :اووف كساحه راس خطيره
سالمه ضحكت :في اول درت روحي مدوشنه عشان كنت شاكه فيك يا قتيبه.. بس توا خلاص عليك الامان...
قتيبه ابتسم :ايي حلوو حلوو... باهي ومن وين تعرفوه صاحب العياده؟
سالمه :ولد خالتي... خالد
قتيبه نصدم بس دار روحه عادي :باهي كيف درتو... لان آمن التونسي قوي... وهدا غير الاجهزه والتطور هدا كله... ومش بس هك في العاصمة اخرى... يعني في نص البلاد ... كيف قدرتو؟
سالمه تنهدت :قدرنا ومشت كيف ما نبو
قتيبه :به كيف؟... فهميني!
سالمه :همم... كان بينا تعامل من زمان... طبعا اني ممرضه في ليبيا ... و واخده قسم الجثمان لي في الثلاجه.. ايي المهم... يعني في الاول كنا ناخدو في الاعضاء في ليبيا... يبعتلي خالد على طريق البر.. يعني يقطع تقطيع مش من الطريق المختصره فهمت!
قتيبه منتبه ... وهز راسه وقال :اي اي... كملي..
سالمه :خلاص... المهم القسم هداكا كانو فيه اني وزوز ممرضات... ودكتور التشريح... وكلهم ياخدو في رشوه بمبالغ كبيره... وتمشي الامور زي الفل... ورحيل طبعا "خبطت على كتفه وابتسمت... وقالت "... ورحيل كان هو لي يجيب في الجثمان... واحني ناخدو في الاعضاء .. او مرات يجيب وحدين في غيبوبة... وهكذا.. او مرات متخدرين تخدير قوي..
قتيبه كانت صدمته.. صدمه ثلاتيه الابعاد :اوووفف هدا مجهود كبير
سالمه :كيف عاد... مدام الكلوى تجيب 5000..معناها الامور قششطه ولا؟
