البارت الثاني
الرحلة الخطأ
للكاتبة حنين هادي
ماردت القدر يبعدني عنك يوم
ومـاردت السعــادة تعــوف بيبـــاني
ياليل ألاماااااان الماتمرّه غيوم
وياحظــرة حنين بحظنـه دفّــاني
ياأجمل قصيدة وبالوزن محكوم
وياأروع ندى اعلى أوراق بستاني
يانبع الكرم محتااااجتك هاليوم
مو تدري بغيابك طاحت أركاني
ياأجمل حلم وسط الجفن مرسوم
رحت والصور ظلت فوك حيطاني
الك حنيت يابوية اعلى بختك كوم
عفتني ويتمتني وضــاع عنــواني
أفز من نومي وأسمع صوتك المهموم
وأفكدك وأرجع أغرك ويه أحزاني
صرت أنعاك وأبجي اعليك من دموم
وآنه القلم صــــار اليــوم ينعــــاني
ردت أشريك بس اشبيدي ع المقسوم
يالفــركــاك هبّــط راسـي وأذانـي
بس انته أصبحت طير بجنااان يحوم
وهذا الذي مسّكن نوحي وأشجاني
🌸🌸🌸🌸🌸🌸🌸🌸🌸🌸🌸🌸🌸🌸
بالفرصة
نور تعالوا اسولفلكم شي مهم جداا
ميامي مهم جدا وجوك في حياتي
نور هههههه اسمعي
سجى احجي عاد شوقتيني
نور اكو واحد منتبه يباوعلي دائما
ميامي هسه يطلع مخبل وعباله انتي اخووه
نور ابطل مااسولف
سجى كملي معليج بهاي الخبلة
نور مادري منتبه اله نظراته بس اني مااهتميت
ميامي كللوش اخذنه اختنه وبنت عمنه مانريد الغريبة صير جنتنه
نور 😒😒😒😒 محسستني اخوج هو
ميامي شبيه مخبلة ازوجج لاخوية فلذة قلبي اخذلة وحده عاقلة
سجى مو يصير عندج اخو بلاول وعود فكري
ميامي اوعع اخو ويحاسب مثل اخوانج غير انتحر اشنق روحي بالخيط مال الحفافه ام صفاء
نور الله يهدي عقلج كوون شبيج مخبلة انتي
سجى يا دك الجرس هسه تجي دعسوقة واذا شافتنه تطردنه
نور لاعفيه ماريد انطرد هو اني زين وافتهم
ميامي اركضن امهات كرش شبيجن حتى مننطرد
دخلنه وكلعادة داوم وتحاضير اول سنة اعدادية بس محبيته يمكن لان المواد صعبة عليه واتغيرت
سجى خلص الدوام ورجعت للبيت اشوف الوجهة مخطوفه ..سلام عليكم
الموجودين : وعليكم السلام
سجى : ليش ضايجين صاير شي
.........
اعرفكم ع عائلتي اخوية الكبير وائل يدرس هندسة مدني ثالثة
واني وبعده محمد ثاني متوسط
سمر اول متوسط
رنا خامس ابتدائي
...............
رنا: جدو مريض ورحنه شفناه
سجى : صدك كلياتكم رحتوا
رنا : يي بس انتي ضليتي وسال عليج
سجى : ليش مطلعتوني من المدرسة
ام سجى : لا باجر دوامج ظهري نروح اني وياج الصبح ومناك اخذج للمدرسة
سجى : مادري ليش حسيت بشي غريب وخفت صعدت واني ضايجه لان كلش احبة وممتخيله ابد فكره الموت
رحت غيرت ملابسي حتى مالي نفس اكل نمت وكعدت المغرب فازه ومرعوبه واحس كلبي مقبوض شلون وي هذا اليوم نزلت صليت ماما سوت العشا اكلت شويه
وطلعت جدولي احضر واجباتي تقريبا ساعة 11 اسمع بابا يخابر بس تغير لونه
صاح ع ماما كاله جدو توفة بدلو ملابسكم بسرعة نروح
ضليت ابجي لان كلش كلش احبه وصلت للبيت الكل منهار من البجي
عماتي اربعة وبناتهن نسوان عمامي وبيبي كل الناس موجودة من شفته جدو مدد انهاريت والطم ع وجهي ولان دنيا ليل اخذو للمستشفى ومن كملت الاجراءات جابوا جنازه ع البيت حتى الفجر ياخذو للنجف اصعب ليلة بحياتي مكابلة تابوت وابجي شلون اتخيلة بعد ماكو بحياتنه جدو بمعزة بابا ابوية ثاني هوو لحظات غوش كولشي فتحت عيوني بالمستشفى وياية زهراء بنت عمتي واحمد ابن عمو عامر
زهراء ليش جبتوني هنا
زهراء: هبط ضغطج وجبناج اغمى عليج
احمد : سجى شلون صرتي
سجى : نسيت لحظات ان جدو مات راح من بالي كتله دايخة شوية بس اريد ارجع ماابقى هنا
احمد : اتصلت بية زهراء وكالت تعال ناخذ سجى وكعت ونسوان ملتهيه تبجي اخذناه هبوط قوي عنده صغيرة ومتتحمل شوف المنظر
سجى : رجعنه عبالي نروح لبيتنه شفت الطريق لبيت جدو ذكرت كلشي صار وشلون شفت جدو مدد دخلت وقت فجر شايلين الجنازة بيبي وعماتي موتن نفسهن من البجي يفطرن الكلب من تصيح يابوية ليش عفتنه ليش كسرت ظهرنه بنومتك بوية احنه بناتك محتاجيك اكعد بوية نومة مو الك
وبيبي الي صيح ياعزيز روح هانت عليك عفتني ومشيت رايح بعد ماترجع
وكلة تون ع ونهن
تحن سنيني لسنينك يبعد الروح
يالدربك بعيد ومامش منه رجوع
يمة يمة راح ابوية راح خيمتنة ولج انهار جدج مات بعد منو يسال عنج ولج منو يجي يشوفج راح ابو المحنة راح ابو كلب حنين منو بعد يدك بابي ويسال عن حالي
