البارت السادس عشر
الرحلة الخطا
الكاتبة حنين هادي
أحجي اوية الكبر واتعاتب اوياه
جسد امي أبصلافة اشلون لمة
عليك الله أنتضر خلي احجي وياك
وية امي ولو احجيلي كلمة
بلكي وياي تحجي اسمع ألصوت
أكلها ارجوج أحجي اوياي يمة
يمة ألبيت صحرة اخلافج ايصير
سكف ابلاعمد محد اليلزمة
عمت عينج يعيني ليش تبجين
انة عيني ابغيابج كون تعمة
لأن كلشي بحياتي أنتي والله
حرف اسمج اروحن فدوة لأسمة
جن صوتج الهسة باأذني موجود
دللول الولد بس آنة افهمة
عفتيني ومشيتي وماتردين
مو تدرين الية أتكون صدمة
يل رسمج براءة ابأجمل ألوان
بس الله العرف رسمج يرسمة
أكلف ناس بسمج تكتب أشعار
ولاشاعر تجرئ كتب كلمة
جابو طاري اسمج والدمع سال
مايدرون اأنتي من الله رحمة
تروح أشلون ترهم ردو ياناس
رضعتني بصدرها وهاي ذمة
أتذكر كلامج وانتي تحجين
حفضت آنة السوالف كلمة كلمة
☹️☹️☹️☹️☹️☹️☹️☹️☹️☹️☹️
اني شفت امي نزلوه وشمرت نفسي وياه نزلت بالقبر يمة اريد وياج دفنوني وياه حتى اموت وياه يمه ماعوفج ابد دفنوني هنا اكلكم
وائل : سحبت نور حيل ورجعته لسيارة والله مابيدي شي شسوي كليلي شسوي كافي نور كافي راح تموتين
نور : بعد احسن موتني اضربوني خلوني امووت مااريد اعيش اني اضرب راسي بجامة سيارة واصيح اني اريد اموت
علاء : من شفت نور هيج ضربته راشدي كاافي كافي مو احنه بلا ام وعايشين شيصير عليج ينكطع الهوا منج مثلا كاافي اسكتي
نور : ياااعلي يااعلي ياكافل الايتام اني يتيمة وكله منه ومن صاحبة الي اتهموني بشرفي وماتت امي اريد حوبتي ماتتعداهم
ايهاب : نور كافي شنو هذا الكلام عيب استحي فضحتينه من عالم سويتنه فرجة شجاج
نور : من يحجون هيج كلبي يورم حقهم مامهتمين شعليهم كل واحد يرجع لبيته يسبح خاف دمرتهم تراب النجف وياكلون وينامون مايفكرون شلون ارجع للبيت فارغ شلون افتح باب غرفته وهي مو بي اخخخ يمة كسرتيني يايمة
جعفر : بالي يم نور هسه شنو حاله وشصاير بية بين ناس ماترحم وماعنده محنه كلبي نار عليه صاير
نور : وصلت لبيتنه لكيت النسوان كله تبجي كله تحب امي لان فقيرة وتخاف ربه وكلمته حلووه وسمية كاعده ع الكرسي ودمعه ماكو بعينه ونسوان عمامي كاعدات ع جهه تلكتني جيرانه زينب .. اريد اروح لغرفة امي
زينب : شسوين تعالي كعدي هنا عيب نسوان جايه تعزيج
نور : دفنته دفنته واجيت
زينب : 😭😭😭😭😭
نور : اخذيني غرفه امي
زينب : اخذته للغرفه اول مافتحت الباب وهي صرخت
نور : ماااااااااااامااااااااااا .... مااااااااماااااااااااا
زينب : نور فدوه كافي نور امج هيج ماترتاح من شوفج تاذين نفسج
نور : هههه نفسي ولج نفسي دفنته بنجف واجيت بعد مالي نفس هنا شالت المحنه للنجف هناك اروح بعد من ارحع من المدرسة محد يكلي هلا بعد ولا شلونج محد يصبلي الغدا بعد راحت صارت جوه تراب خلتني وحدي اني دووم اكله انتي ليش جبتني اني اجيت للدنيا بلا اب ليش ماشمرتني من جسر جوه سياره ليش خليتني اعيش وهسه عفتيني
