البارت الحادي والعشرون
الرحلة الخطا
الكاتبة حنين الهادي
ومعرفتنا بأنَّ ثمّة مزيداً من حياة علينا أن نعيشها في الغدِ تُثير فينا الحُزن.
—————————————————-
الكل : صفن بوجهي ومستغرب من وجودي
علي : يمة البنية راح تبقى عدنه
غزوان : من كل عقلك وره فضيحة امه تريد جيب بنته ليش الخاتون وينه
نور : دمعه صارت بعيني مكتبولي اعيش بالاهانات
علي : امة توفت
غزوان : اي تروح لعمامة شوف منو يلفي مو جيبه عدنه
علي : ماعنده احد عمامة طاردين امة من يوم المتوفي ابوهم واني كلت البنيه تتربى وي البنات هنا
ام علي : سلوى كوميني اروح لغرفتي
محمد : علي تحجي صدك تريد تفضحنه راح تفتح سالفه علينه من جديد معولنه ناس تنسى هسه شنكول بنت النهبت هاي
علي : المرة ماتت وراحت الدار حقة
نور : دك موبايلي جعفر .. اخخ وينك تعالي خلصني من هاي الناس ..: مكدرت ارد عليه واني مجمدة واكفه مكاني
علي : ليلى اخذية لغرفة البنات
ليلى : تعالي خالة
نور : صعدت غرفة بيه جربايتين وحلو مرتبه مبينات بنات كبار
ليلى: اني مرت خالج علي وهاي غرفة بناتي اية وسماهر بالكلية هن بغداد مايجن بس بالعطلة
نور : الله يحفظهم الج ( متدري اني عايشه وياهن جنت )
ليلى : وانتي بياصف
نور : اني بلسادس علمي
ليلى : وين داومين
نور : مادري اني قبل اداوم يم بيتنه بس هسه مادوي بعد وين اداوم
ليلى : الله كريم خالج علي صح عصبي بس كلبة طيب ويموت ع البنات راح يدللج دلال وشوفي
غزوان : علي هاي مصيبه جبته المن علينه
علي : اختك من شردت اكبر من بسنتين تلاثه وضاعت وحده لان بلااهل وهسه بنته هم ضيع مثله لا عم ولا خال بنيه عايشه بيت وحده شتكول ناس علينه
غزوان : لاتفكر بناس بغداد منو يعرفه فكر بينه شنكول للناس هنا
علي : محد راح يعرفه متطلع من البيت
غزوان : تسجنه وتشرد مثل امة
علي : مو سجن بس هي دور مكان يلمة واحنه راح لامة ونكعده تكعد وتسكت بلبيت بلا طبه وطلعه وتحترم نفسه حاله من حال بناتنه
ليلى : الله يساعدك
علي : ويساعدج .. شبيج تحوسين بحلكج حجي
ليلى : شنو سالفه بنت اختك وين لكيته وين شفته
علي : بشقة ابنج
ليلى : سوده بوجهي صخمنه وتعزينه
علي : اذا ماجيبه لهنا ابنج يسويلنه مصيبه مكعد البنيه عنده وي خواته وازيدج من شعر بيت يريد يتزوجة
ليلى : يايمة الحكيني منين اجتني هاي المصيبة
علي : خلية عدنه ونشوف وين توصل بس من هسه اكلج حسبي حسابج صير جنتج لان اذا مازوجناه ياخذ ويشرد والعرق دساس هو عمته وهي امه يعني يسونه يسونه ويفضحونه وبعد هلمرة لازم نهج من الناصرية كله
ليلى : عمتي ماحجت شي
علي : مادخلت عليه خليه ترتاح وبعدين افهمة روحي صيحي نور الي
ليلى : تعالي نور خالج بريدج
نور : دخلت لغرفتة
علي : تعالي كعدي
نور : كعدت واني مدنكة وافرك يايديه من توتر
علي : هذا البيت الي راح تعيشين بي وهذوله خوالج ولازم تتعودين عليهم صيري هادئة تربيتي بيت فارغ وهادئ وبس انتي وامج تاكلين بكيفج طلعين بكيفج هنا قوانين والكل يمشي علية .. شي المهم اذا احد سالج شلون لكيتج تكولين البنات يعرفني يخيطن يمي وبعدين اكلهم اني سالت عليج وعرفتج بنت المرحومة
نور : حاضر الي تريدوا يصير
علي : روحي للغرفة وع مانرتبلج جربايه وكنتور وي البنات هاا سنة مراح درسين
نور : عادي اني بكل الاحوال حتى اذا باقية بغداد ماداوم السنة .. رحت للغرفة واني مكسورة اخخ اليتيم شلون ينذل بدون اهله وبدون سند
جعفر : هانور ليش ماتردين
نور : هلو
جعفر : شبيج
نور : مبي شي بس جنت يم عمامك من انت اتصلت
جعفر : خوالي كولي وليس عمامك
نور : المهم محد تقبلتي منهم بس امك حبابه وابوك هادى وياي وكعدني بغرفة ايو وسمسم
جعفر : ها وهسه شوفين زهراء كلش حبابه وراح تحبيه اكثر بعد
نور : مادري اني تعبانه اريد انام
جعفر : ارتاحي واني يومين واجيج حتى اكمل نقلج مال المدرسة
نور : مكتله اني مراح اداوم خاف يسوي مشكلة .. براحتك اي وقت تجي .. نمت نومة عميقة كعدت ساعة ب11 بليل اريد الحمام ماندل راسلت سمسم .. وين الحمام
سمسم: مانستخدم حمام نسوي ع نفسنه
نور : لاصيرين سخيفة حبابه كولي وين
سمسم : انتي وين كاعده
نور : بغرفتج
سمسم : ها من طلعين يصير كدامج ممر صغير بي حمام
نور : اوكي .. رحت للحمام وسبحت بطريقي ع مانشفت شعري ولبست صارت ب12 نزلت اريد اروح للمطبخ ميته من جوع شفت بصالة شباب اثنين كاعدين واحد ع لابتوب وثاني موبايل
سجاد : محتاجة شي
نور : ها اي اريد المطبخ
سجاد : شسوين بي
نور : اشرب مي
بسام : طلعتي بزونه مطابخ روحي روحي فتحي ثلاجة واكلي
نور : لا ماريد شي بس مي
سجاد : لتستحين اني سجاد ابن غزوان وهذا بسام ابن محمد
نور : اهلا بيكم واني نور
بسام : عاشت الاسامي .. وهسه صيري شاطره وروحي للمطبخ سويلنه اكل لان راححح اموت من الجوع
نور : صار .. رحت للمطبخ لكيت بثلاجة كبة كليتة وسويت بيض وطماطة العائلة جينات متوارثه ع حب هاي الاكلة بليل سويت جاي وزلاطه وياي واخذته كعدنه بصالة ناكل طبعا اني ميته من جوع مو مال استحي ومااكل ههههه
بسام : عرفينه عليج نور
نور : اسمي تعرفه ههههه صف سادس علمي
بسام : بعد غير هذني اخوان خوات عندج
نور : لا اني وحيدة امي بس عندي اخوان اثنين من ابوية
سجاد : وين عايشين
نور : يم عمامهم لان ابوهم وامهم متوفين
سجاد : الله يرحمهم وانتي ليش معايشه وياهم
نور : عايشه اني وماما بيت وحدنة
ليلى : نورررر
نور : جفلت من سمعت صوت ليلى هااا خالة
ليلى : شعندج كاعده هناا
بسام : هاك استلم
سجاد : عمة احنه كلناله سوينه اكل جوعانين
ليلى : يلا صعدي ع غرفتج
نور : مفهمت تصرفه واني ممسوية شي صعدت للغرفة اريد انام شوية اتصل جعفر
جعفر : شسوين وي بسام وسجاد
نور : هاا شعرفك
جعفر : كتلج احجي شعندج كاعده وياهم وانتي مصار كم ساعه من رحتي للبيت يمهم
نور : نزلت اكل وكالوا سوينه وياج اكل
جعفر : ياويلج اذا عرفت بعد متقربه منهم
نور : لاصيح انت الي دزيتني ع هذا البيت وبعدين اني ممسوية شي غير ولد خوالي وكاعده وياهم شبسرعه وصلتلك الاخبار اول باول
جعفر : يصير خير يانور
نور : بعدني ماجيت بدات المشاكل وياه شلون راح تخلص امه تنقل حرف بحرف الله واكبر ع هاي العيشة ضليت ابجي ولعبت نفسي نمت
ثاني يوم الصبح نزلت ع الريوك كعدتني ليلى لكيت الكل مجمع لان كلة دوامت عنده رحت اريد اكعد يم بسام
ليلى : نورر تعالي هنا
نور : خفت نور كون هاي ع سالفه السودة الي سويته بروحي لو باقية يم سمية ولا هاي وين ماروح اله حيزبونه بوجهي وجهه الفكر ( طبعا هذا الكلام بكلبي ) رحت كعدت يمة بس اشوف البيبي مالتهم تباوعلي وبدون اي كلام هوايه كاعدين وبنات عندهم محد كلف نفسه يعرفني عليهم
جعفر 💬: صباح الخير
نور : قريته بس مارديت بس الي سواه البارحة
سلوى : من تخلصين غسلي اماعين الريوك
نور : اني مدنكة وممنتبه عليه تحجي وياي
ليلى : نورر تحجي وياج
نور : اني منوو الي تحجي
ليلى : لا وي امي تحجي
علي : ليلىى
ليلى : شحجيت اني غير هي صافنه ولا جن خالته تحجي وياه
نور : اسفة خالة ممنتبه لان مكلتي اسمي
سلوى : شلون اسم هوو بعد تعودي نصيحلج بلا اسم
نور : غسلت الماعين مو جديده ع شغل ولا اضايق منه بس ماشاء الله خوش مربين حيايه بالبيت هذول سمية تطلع قطرة بحر يمهم
بسام : نور
نور : بلي
بسام : اسف ع البارحة ترزلتي بسببي
نور : لا عادي مصار شي بس ماعرف عمتك شبيه وياي
بسام : هي هيج طبعة تعودي
نور : ممجبورة اتعود ... الووو
— هلا بهالصوت شعجب ذكرتيني
نور : شلونك ...
يتبع .....
اذا صار عندي وقت محضرتلكم بارت هدية
