البارت الثامن والعشرون
الرحلة الخطا
الكاتبه حنين الهادي
درت وجهي شفته
بسام : اريدج بموضوع تعالي وياي للغرفه
نور : شعدنه بالغرفة كول هنا موضوعك
بسام : مااريد احد يشوفنه ويفهمنه غلط واني عندي مشكله وبس انتي الي تكدرين تساغديني تعالي يله ويايه لان هسه اذا شافنه جعفر يسود عيشتنه
نور : خلي نطلع برا
بسام : باردة
نور : وين البرودة بله
بسام : شكد عنوديه تتعالي للغرفه
نور : رحت للغرفة وياه دخلنه قفل الباب .. ليش قفلته
بسام : خلي نحجي بهدوء .. نور اني احبج وامووت عليج من اول يوم اجيتي واني اريدج بس طلعتي تحبين جعفر لتكسرين بيه اتركي جعفر واني اخطبج والله الي تردينه اسوي تردين نطلع من البيت هسه اخذج ونروح ونسافر بس لتزوجين جعفر
نور : خلصت كلامك جعفر يسواك ياحقير لك اني حاليا اعتبر مرت ابن عمك شلون هيج تغدر مافكرت بالعشره مافكرت اذا عرف شيسوي بيك
بسام : شلون يعرف ياعيني
نور : تقرب من كلشي صار وجهي بوجهه وهو ينزل راسه عليه بوسه بس بوسه .. بعد عني بسام بعذ لااصيح والم كل اهلك لميهيم اكولهم هي الي اجت وهي الي تريدني وتحبني وتعرفين انتي شلون يحبوج اكيد ميصدكون بحجيج يلا صيري عاقله خلي اشتم ركبتج شنو هذا العطر ... كااافي ياحقير كاافي حرام عليك اني ظهري ع الباب نزلت ايدي شويه شويه وفتحت الباب هو ملتهي ميحس وسحبت المفتاح دخلته بخاصرته وهو ضل يصرخ واني شردت صعدت فوك حتى وقته البنات سالوني ليش هيج ترجفين كتلهم البزونه فززتني شويه وصلتني رساله منه كال اني صورت كل هذا وراح اشوفه الجعفر وبدون صوت حتى ميحس ع شي وانتي بكيفج بعد لو تاجلين الخطوبه لو افضحج طبعا اني ماخفت من كلامه بس ماردت مشاكل واجي الجعفر واكوله ع ابن عمك سوه هيج وانتوا شلون تحبوني راح تكولون سوت فتنه بينهم تكفيت شري وضليت ماانزل ولا التقي بي شكد ميحاول يحجي وياي ابتعد عنه
علي : وين بسام
غزوان : شنو مصدكين بكلامة هاي الدايحة الله اعلم من ياشارع لفت علينه وجايه تتهم ابني ليش مو سنين هو وي بنات عمامه ماسوالفن شي يابة ايه سماهر يوم متحارش بيكم باوع عليكم نظره مو حلوه
جعفر : اعرف نور مجذب بس هم بسام ميسوه ابن عمي وسندي هذا خواتي كدام عينه مايوم تحرش بيهن راسي يريد ينفجر من الم طول اليل منايم
نور : ليل كله ابجي حتى الينات بيومة محجن وياي ونظره شك بعيونهن الكل متهمني ومحد اقتنع بكلامي رغم سكتوا علمود خالو علي اني همين دزيت رساله لوائل يجي ينقذني وادعي ميفشلني هلمره صارت بتسعه الصبخ تقريبا وصل وائل
نور : وائل اريد اروح وياك
جعفر : نايم كعدتني امي
ليلى : اجه اخوه للعروس وراح ياخذه باد فشلته وصخمت وجهك وراحت هاي كدام عينك البغداد الله اعلم وين تكعد رواح منو وياه انت ضل نايم هنا
جعفر : بعد ماكو كلمة كلمتين تحجيهن نزلت امشي ع كيفك سلمت ع وائل.. اليوم ضايفني يالنسيب شلونك
وائل : الحمدلله انت شلونك
جعفر : بخير
وائل : نور دزتلي رساله تريد تخذه خير شصاير
جعفر : اسال اختك واذا عنده حق اخذه
نور : عندي حق واروح غصبا عليك
جعفر ؛ اريد اشوف الغصبا شلون صير بله
وائل: يمعودين ع كيفكم عفيه طاقه من الصبح مكافش فهموني سالفه
جعفر : احجي ست نور لاخوج ليش خجلانه
نور : لا مخجلانه هسه احجي بديت اسولف كل سالفة وهو يسمع
وائل: تتهم مرتك وانت متعرف الحق وين
حعفر : والفيديو مو دليل ع استهتاره لو تريد تغطي عليه
وائل : لتتجاوز ع اختي بحضوري مهما كانت صله القرابة بينكم لو ما بيتكم اعرف ارد عليك مثل اسلوبك يلا نور لبسي وتعالي
جعفر : ماتتحرك منا
نور : متحركة وي اخويه والي بينه انتهى وهذا البيت بعد مارجعله .. عفتهم وصعدت الم غراضي وكلشي يخصني مااريد ابقى شي من هنا .. سمعت صياح جعفر وهو يصيح ىيتوعد علمود مااروح بس الكل ساكت وهذا شي من صالحي اذا ع جعفر يكدر وائل بكم كلمة ياخذني عندي بس جنطه سفر وحده لميت بيه كل الكتب والمحاضرات واشيائي المهمه وملابسي خليتهم باكياس كبار وعندي جنط مال مدرسة همين خليت بيهم يعني مضل شي وانقل بيهم لسيارة جنت لابسه تراك سبورت لبست عليه قمصلتي وشال لفيته ونزلت بيدي جنطه
جعفر : نور لا ترحين
نور : نزعت الحلقه وانطيته اله كلشي بينه انتهى وانت بيدك نهيته
ام علي : تعالي بيبي
نور : رحت يمه بوسته وسلمت عليه
ام علي : ابقى هنا لا ترحين تره هو يحبج بس غيرته عليج سوه هيج
نور : اسفه بيبي ماكدر ابقى بيت انهانيت بي والكل مشمت بيه لان وكعت وهو اذا يحبني صدك عنده ثقه بيه والمفروض يصدكني مو هيج يفضحني واني الي ردت الستو الكم وماردته دم بين ولد العم يصير ... طلعت لصاله واني ادور بالوجهه ع وجهه اريد اشوفه اخر مره رغم قهري بس جنت احبه .. صعدت بسيارة طول الطريق ساكته هذا طريق اجته واني ايدي ع خدي خايفه من المستقبل ورجعت واني ايدي ع خدي خايفه من الايام الجاية شيصير قبل اتحمى بيه هو يمي ومااخاف هسه منو اماني احس الساعات صارت سنوات
وائل : نور وين نروح هسه
نور : لبيت
وائل : يابيت
نور : بيت ماما
وائل : صار سنين تاركته شلون ترحيله هسه وجو بارد نروخ يوم بفندق ع ماترتبيه
نور : لا اريد اروحله تعبانه كلش ... وصلنه للبيت فتحت الباب البيت ظلمة ومهجور وبارد كلش مابيه اي دفوو صار يخوفني هذا الي جان كله صوت ضحك وسوالف دافيه صار بيت للعناكيب بكل زاوية ذكرى ذكرت اخر يوم اجينه اني والبنات واخذنه الاغراض وشلون نسولف ونلملم رجعت وحيدة فتحت غرفة امي نفسه مثل ماهي .. نزعت شالي وطلعت انظف البيت رغم جو البارد بس كلبي مجمر وماحس بشي كنست البيت لان مو مال اغسله وطلعت زوالي فرشته ضليت ارتب بالبيت عسى ولعل ترجع بيه الحياة
وائل : راح اجيبلج اكل واجي
نور : ماشي .. اخخخخ اريد ابجي اصيحح اطلع قهر كلبي احس صخرة مخنوكة كلش اريد احضن امي واشم ريحته اريد اتمدد ع قبرة رحت تمددت ع جربايته بلكي باقي عطر بالمخدة منه
وائل : نور نور اكعدي
نور : هاا جبت اكل
وائل : ايي لفات وجبت نسكافيه تخدرينه وياح
نور : يي هسه .. اكلنه الفات وبعدين شربنه النسكافيه عدنه صوبه وحده احنه كهربائية طلعته بصاله حتى تدفى وعدنه نفطيه بس ماكو نفط هههههه .. وائل
وائل : بلي
نور : امم انت بعد اخذ راحتك ارجع للبيت لا تقلق بيبي عليك
وائل : شعجب كلتي بيبي
نور : لان هاي المرية رغم قساوته بس تعرف البشر
وائل : هاا شنو غيرج الكلام لو الجينات بينت بيج هسه
نور : هههههه عوفنه هسه بس انت ارجع لبيتكم اني هنا معليه شي البيت محكم وامان واقفل الباب ولازم اتعود وحدي همين
وائل : لا شنو هذا الحجي مستحيل اخليج تبقين وحدج اني راح انقل غرفتي لهنا ونعيش سوية
نور : منو يقبل
وائل : محد يدخل ييه
نور : خلي نسافر تعبت اريد اطلع منا
وائل : وكليتج
نور : مااريده كرهت كلشي هناك تعال صدك اني شلون اداوم بعد بالكلية
وائل : اكعدي بالقسم الداخلي
نور : وين وقت اقسام هسه
وائل : اني اشوف عرف او شي يدبرلج كعده بالقسم
نور : اذا كعدت بالقسم انت شعندك هنا وحذك كاعد
وائل : اني اريد استقر وحدي شنو متقبلين اكعذ بيتكم
نور : البيت بيتك خلي اكوم اجيبلك فراش جبت فراش الي ع جربايتي فرشته اله واني رحت لغرفه ماما .. شلون يعني لازم ارجع لناصرية حتى اكمل كليتي اوووف لو يصير نقل وانقل هسه تعبت من هاي الحياة يوميه مكان ...
