البارت الثاني والعشرون
الرحلة الخطا
الكاتبة حنين الهادي
الليل بعيوني انتچة
وصوت اسمك ببالي انحچة
ومدري يا عين البدت بية البچة
للنوم چن رايح حرب
مثل اليعارك مايحس
من خلصت ليلي الصبح
لاكيت روحي مدچچة
———————————————-
وائل : شخبارج وين ماوين
نور : اني مو زينة اني يم خوالي
وائل : شنو شوصلج لهناك
نور : وصلت بس مااريد ابقى هنا لان كلش مضايقه وجودي غير مرحب بي
وائل : وليش باقية
نور : اريد اسافر وياك
وائل : شنو بس اني بعدني كتلج اقل شي سنه ونص يراد يله اسافر شلون تتنظرين كل هذا ليش مترجعين لبيتكم واني اجي اعيش يمج
نور : بيبتك متخليك
وائل : لا معليج اني اقنعة بس سنه ع ماتخلصين سادس
نور : مراح ادرس
وائل : تحجين صدك نور مو امج ماتت يعني الحياة انتهت اني يتيم من طفولتي وهاي شوفني مكمل صح انكسار بس كملنه ليش تريد ضيعين هاي السنة
نور : ميقبلون ادرس
وائل : وهم منو حتى ميقبلون بكيفهم كليلي اني اجي اخذج شوفي صديقاتي عايشات بشقة طالبات جامعيات وياهم امهم يمكن اخليج وياهن ع متخلصين دراسة ونسافر بس كليلي انتي وين واجيج
نور : اني بناصرية بس لتجي وائل بيبتك تدري وتفضحنه وهم ميردون احد منكم اني ابقى هاي الفترة بس السفر وياك
وائل : اني اشوف حل مابقيج هيج
سلوى : نور نور
نور : ها خالة
سلوى : وخلخاله تخلخل عظامج كومي نظفي يلا
نور : صار
ليلى : شوف شوف تتمسكن حتى تتمكن شوفني مطيعه وساكته واسمع
نور : مو اني المطيعه وساكته وتسمع لا غلطانه بس انتوا عندكم العقاب شغل واني بالنسبه الي تنظيف شي روتيني لان من صغري. انظف ومااتعب ولا اتململ
ليلى : شوف لسان تكول حية وذب سم
نور : شكرا كلمن يرى ناس بعين طبعه
ليلى : ايا ادبسسزز وفوكاه تراددين والله لاطيح حظج اليوم نزعت النعال اريده اطكه
ام علي : ليلى
نور : تريد طكني وياريت حتى اخذه حجه واطلع من البيت بس بيبي مقبلت
ام علي : تعالي ليلى للغرفة
ليلى : ها عمه
ام علي : اياج توصلين لنور يتيمة هاي وحرام عليج شاده حيلج عليه بنتج تنظف لو بنات الكاعدات بغداد نادرات طالعات
ليلى : عمه لسانه شطولة وتراددد اليوم اني باجر خواله
ام علي: معليج بيه هاي البنيه مسؤوليتي
كوثر : شنو صياح هذا
ليلى : والله خية ع تعالي وكت جبنه حية للبيت بطول اصبعي ولسانه مترين وكاحه وصالفه ديري بالج ع ابنج منه
كوثر : شحدة غير اكسر ركبته ماخله غير بنت سماهر
سلوى : شتغلن بلا هذا الحجي الماصخ
كوثر : سبينه العنب الاحمر
سلوى: لسانج ... رجعت بذاكرتي من شردت سماهر اني وقته مزوجه وعندي ولد عمره سنتين
عماد : يلا لاهلج وبعد ماشوف خلقتج
سلوى : عماد عفيه اني شعليه باختي اذا تريد اقاطع اهلي بعد ولااوصل الهم
عماد : حجي يفيدج هذا ماكعد ساقطات بيتي يلا وتنسين عندج ولد مالفي هيج شكول بلا شرف بيتي
سلوى : طردني بعباتي الي لابسته وبليل رجعت لاهلي واني مكسورة... يمة طردني ويريد يطلكني يمه كله من بتج كله منه نزلت راسنه بطين يمه حرمتني من ابني
