ميامي : اجت الغوه شعدج من اخبار
سجى : نور شبيه وجهج ارزك
نور : اكو غيره الله يكسر ايده شبعني كتل
ميامي: بيبيتج شفيه وين عنه
نور: متدري بيه اجانه اقريه وشاف تطريز واحد منهن مكتوب عليه حبيبي احمد وهو تخبل ويصيح ع امي الحيوان والله لو ما اخاف على امي جان دست بطنه
سجى : قلبي انتي لضوجين يجي يوم وتطلع حوبتج بي
نور : عار هذا ميصيبه شي الله ياخذة
ميامي : اميننن
..............................................
سجى اني اعرف عن نفسي
ميامي لا اني اعرف عن نفسي اني البطله الرقيقه الجميلة اوووي خجلت
سجى مو بكيفج اني اكبر
لا انتي ولا هي اني راح اعرف عن نفسي ولو حزينه قصتي بس ميخالف تحملوني
اعرفكم بنفسي نور مواليد 95 طولي وسط شكلي عادي اجلح املح 🤣🤣🤣🤣 لا اشاقه البياض ساتر عليه
عايشه وي امي وابويه متوفي بس اهل بابا يكرهون امي كلش واهله ميحجون ويانه وكل مااسال امي متجاوب احنه شبه وحيدين واني اشتغل حتى اساعد امي بالمصرف ابويه من اتوفه ترك ولد اثنين من زوجته جبيره احمد وعلاء
علاء ميشوفني بعينه حاقد عليه ويكرهني كره بس احمد مرات زين ومرات لا هم عكسي بيبي وسمية تموت عليهم ومدللتهم واني لا خلص عمري يتيمة والدمعة بعيني وانحرمت من امان الاب من اهتمامة مرت علية ايام ادعي ربي يموتني ولا اتعذب صار طعم المر حلو عندي ..طبعا مكتلهم احنه حاليا صف رابع علمي
ميامي اجت فتحولي طريق طبعا اني فرفوشت الشله والعسل مالتهم هذني دوم يطلمن رغم اني مسحوله ذهابا وايابا واضحك شبيه دنيا نضحك والله كريم تالينه نموت واحنه معبسين الوجهه 🤣🤣🤣🤣🤣
مواليدي 96 ماسولفلكم عن جمالي الي موكف المطيرجية بسطوح تباوعلي😹😹😹😹 عبالكم حلوه عيوني دكم قميص صفر وخشمي بطول طالعه بشعري الاشقر عيني عيني واصل نص خصري هم نعمة بيه شي حلوو
اني وحيد اهلي مدللـه وخربانه من دلال بس مع ذلك مسحوله تتعرفون عليه بالبارتات
سجى مواليد 96 بس اكبر من ميامي باشهر حكيمة الشلة والمتحدث الرسمي وصاحبة الافكار العظيمة عايشه وي عائلتي بابا وماما اخوان اثنين وخوات اثنين حياتنه عاديه لاتخلو من المشاكل ايام حلوة ايام مرة وماشيه ويانه
دك جرس دخلنة درس كيمياء طبعا المدرسة هي ممفتهمه المادة وتريد تفهمنه شلون مادري نخلص الدرس نضحك عليه..
ميامي : شوف حمرة زيتونه عبالك مركة باميا
سجى : هههههههههه
الست: منو ضحك خلي تكوم
الكل سكتة
الست: اذا ماكلتن اطلع من درس
ميامي : سوين فضل بس بصوت ناصي هههههه
الست : اعتبر هذا امتحان يومي والكل صفر
نور: ضجت كلش راحت الحصه وهم صفر سجى تدخل خصوصي وميامي اهله يدرسوه اله اني اضل اتعارك وي المادة حتى افهمة طلعت ضايجة بس ماحب ابينلهم لان صديقاتي وماكدر انطي بيهم
سجى : بنات راح اشتري الكم عصير وانتوا طلعو لفاتكم
نور : سنجوبة مو يومية انتي تشترين وصرفين يوميتج
سجى : انجبي انجبي اني رايحه
نور : راحت تركض ادري بيه سوي هيج علمودي لان ميامي عنده مصروفه .... جتي سجى وضلينه ناكل ونسولف لحد مدك الجرس لصف صارت الفرصه طويلة لان الدرس ماخذناه
جتي المس لان عدنه انكلش هدوء والدرس خلص سلامات قبل ليدك الجرس جتي طالبة كالت مو طلعون المديرة تريدكم
