البارت التاسع والعشرون
الرحلة الخطا
الكاتبة حنين الهادي
نور : بالويل قنعت وائل يروح لبيتهم لان اني لازم ارجع لناصرية رتبت الاغراض عدل وعزلته ملابسي والس احتاجه والمحاضرات وائل ضل يتصل ع معارفه لحد محصل موافقه بالقسم الداخلي لجامعة الاهلية قبلوا وياهم طلعنه من الفجر لناصرية دخلت للغرفة بيه تلاثه بنات واني رابعه انطوني كنتور او لوكر خانه وياه مجرات خليت بي ملابسي واشيائي والملازم رتبته جوه جربايه صار خمس ايام ممداومه فاتني امتحانين رحت حجيت وي الاساتذة وتفهموا وضعي قبلوا امتحن
سمسم: نور شنو رجعتي دامين
نور : يي اداوم شنو تردين اضيع مستقبلي
سمسم : لا مكلت هيج بس وين كاعده شنو وضعج
نور :بالقسم موجوده مرختصج عندي محاضره عفته ورحت مااريد احجي وياه ادري راح توصل الحجي بس ميهمني اهم شي عندي دراستي ومستقبلي القسم متعب اني اشتري اكلي وياي من ارجع واغسل ملابسي واعزل جربايتي مادخل يبيهن لان صح كاعده وياهن بس ممشاركتهن الغرفة
مر اسبوعين طالعه اتمشى بالجامعة سمعت صوت
نور نور التفت شفته رجعني لنقطه الصفر بشوفته شكذ جنت اكابر واكول اتعديت صفحته بس ماكدر انساه
جعفر : شلونج نور
نور : الحمدلله
جعفر : عادي احجي وياج
نور : لا مو عادي ماعندي مجال لسوالف ويا ناس غربة
جعفر : اني غريب صرت ترة انتي بعدج زوجتي وع اسمي مطلكنه
نور : اي ادري واني هسه لان ماعندي مجال اتفرغ المووضوع الطلاك فساكته عنك
جعفر : هيج صارت وياي
نور : واكثر بعد شتريذ مني عندك كلام باقي مكلته جاي تكمله
جعفر : جاي ارجعج وياي للبيت اني صح غلطت بس انتي تعرفين بيه عصبيه والغيره موتتني لازم تقدرين هذا شي
نور : يي صحيح اقدر ع حساب كرامتي اقدر ع حساب اهانه امي شنو نور لازم تنحمل كلشي صياح عياط غلط اهانه تتحمل ميصير تزعل وتروح لان هي مزوجة .. الحمدلله تعرفني مو من هذا نوع والمكان الي مو مرحبه بي ماابقى بي لحظه والي بينه خلص شوف حياتك ... وائل تكفل بكل مصاريفي مر شهرين وجعفر ماكو بعد مسال ولا وصل للجامعة ضليت اضغط ع نفسي بالفلوس مااريد اكلف ع وائل حتى ماروح لبغداد اكول الكروه رغم هي عشر الالف بس تفيدني مصاريف
واخيرا اخر امتحان اليوم اريد اطلع من القسم اخذت كل ملابسي شفت جعفر ... شسوي هنا
جعفر : رايحة
نور . يي كليه وخلصت شعندي باقيه
جعفر : واني
نور : وانت شدخلك
جعفر : نسيتي اني زوجج
نور : انت الي نسيت احنه نفصلنه
جعفر : خلي نرجع
نور : مستحيل
جعفر : خلي نتفاهم
نور : لا تاخرني وراي طريق صعدت الجنط بتكسي وطلعت للكراج بدون مالتفت وياي الشي الوحيد الي اعرفه اني احب جعفر ومااريد افصخ العقد حياتي بدون لاشي بس جرحي اكبر ومحتارة بين عقلي وقلبي وصلت لاكراج صعدت بسيارات بغداد بعد ساعات من تعب وصلت للبيت فتحت الباب .. اني وين معقوله هذا بيتنه
وائل : شنو معجبج التغيير الجديد
نور : يجنن اصلا بس شوكت سويت كل هذا
وائل : استغليت الفرصة انتي متجين وتدرين حتى بناء السقف رفعته
نور : صدك عود
وائل : اي ترميم كامل للبيت والغرف سويته تخبل
نور : خلي اشوف دخلت الغرفتي هاي غرفتي لو غلطانه بالعنوان جننن جرباية ومرايا ومكتبه وكنتور كله وردي وابيض ونشرات وتزيين فد شي خيالي بحياتي متوقعت صبر عندي هيج غرفة
وائل : تعالي شوفي غرفتي
نور : شفت خطوات وائل لغرفة امي نغزني كلبي فتح الباب غرفة تركية جنن مال عرايس وحتى عطرة يجنن ضجت كلش لان غرفة ماما ماردت اغيرة اريد ريحته تبقى بيه
وائل : اني اسف بدون اذنج اخذت الغرفة بس تعرفين البيت صغير وين اكعد واني راح استقر هنا وفلوسي متكفي طابق ثاني الي عندي رممت بيه
نور : فدووه الك الغرفة بس سؤال سؤال ليش ممشتري غرفة ام نفر حاسة اكو طبخه تنطبخ من وراية
وائل : نعم نعم استوت الطبخة وان شاء الله عن قريب ازوج
نور : صدك والله
وائل : يي والله مشوفين الغرفة
نور : منو هاي سعيدة الحظ
وائل : بنية ويايه طالبة وحبابه خطبته وقبلت وجنت منتظرج تجين حتى نسوي حفله عقد وعرس
نور : السؤال المهم جدا جدا بيبي وين عن كل هذا شلون قابله تسوي كل هذا
وائل : من رجعتي لناصرية انتي وراج باسبوع صارت مشكلة اهل ميامي اجو لعمامي وتعاركوا وياهم عرفوا بسالفتهم هي وعلاء وكلوله اذا متزوجه نقتلك وانطوه مهله اسبوع يخطب صارت هوسه والكل يحجي وبيبي رغم هذا واكفه ويانه ومتقبل احد يحجي بس علاء عاند وكال مستحيل ازوجة لان بسببه ماتت ام نور الله يرحمة وهذا جزاءه المهم يومين تلاثه عاند عمو عدي طردنه من الييت كال انتوا راح تنزلون راسي بسوالفكم وراح تجينه مصيبه وننفضح علاء عرض املاك ابوية للبيع وقسم حصتنه انطاني فلوسي وسافر اني بعد اخذت حصتي رممت هذا البيت وهم من حقج لان هذا البيت سندج وانتي مالج نصيب من حصه المرحوم رمتت البيت الج وان شاء الله اذا زوجتي بيوم وطلعتي منه اني ادفعلج ايجار اضل واذا تردين ايجار من هسه هم حاضر
نور : شنو هذا الكلام انت اخوية والبيت بيتك ويارب اشوف اطفالك
وائل : حبيبتي يوم تخرجج ونشوفج احلى صيدلانية يارب وهم مستفادين منج ادوية بلاش
نور : صار تدلل
...
مرت الايام وبدينه نحضر لخطوبة وائل طبعا هالمرة غير اني ام البيت والعمات الحيات يجن يمي وهذا اول مرة تدخل سمية لبيتنه وعيونة بكل مكان بالبيت وشوفني فرحانه بخطوبة وائل بعذ اخوية الوحيد مو هذاك البليه الله خلصنه منه وانقلع لبست فستان اسود دانتيل صادف موديله طويل ورفعت شعري رحت لصالون اول مرة احف وجهي وحواجبي قبل بس ارتبه بالكلية ومكياج فول الحفلة بيت العروسة رحنة الة مرتبين الخطار ومسويات كوشه وميز عقد وترتيبات كاملة العروسة اية الفلق علية شنو من جمال ونعومة بهذا اليوم صدك قررت افررح واتونس واركص اهلهل واصفك الاخوية وسمية وحفيداته ينكطن سم يدرن يموتن لان فرحان واركص مو مثل كل حفلة عندهم مكاني المطبخ هلمرة اني سيدة الحفل دخل وائل وهو خجلان ولبسه الذهب الحور وهي مستحية ضليت اصور بيهم واسوي حركات بعدين الصالة الثانية اخذلهم صور خاصه 👩❤️💋👨👩❤️💋👨😂😂 خلصت الحفلة الكل بدا يروح اهل العروسة كالوا وائل معزوم ع العشا عدنه وطبعا اني المرافقه لوائل ههههه كلة راحت ضليت بس اني وائل لبست صايتي ولفيت شالي بعد خلص الركص اهل حور جمعوا ياخذون صور واني اشتغلت المصور الهم عائلة لطيفه وهادئة بناتهم سوالفهن حلوة كلش تونست وبعدين رجعنه اني وجعفر بسيارة اغاني ع اعلى شي ونركص كلش تونسة بيومة
...
نزلت منشور ع الانستكرام مناسبه خطوبة وائل شفت جعفر انطة لايك بس بدون ميعلق عفت الموبايل ومخليه ماسكات الوجهي وسويت عصير قبل لا انام شفت سمسم مراسلتني ..
سمسم: هلو نونه شلونج
نور : بخير
سمسم : شخبارج وين ماوين
نور : الحمدللة عايشه بهاي الدنيا
سمسم: شفت منشورج شنو خطب وائل
نور : اي والله اليوم انخطب
سمسم : هههه انخطب
نور : اي بعد خطبته حور
سمسم : راح ع زهورة
نور : ههههه يي
سمسم : شنو لبستي شسويتي
نور : اني ادري تريد شوف صوره جعفر تقصدت ادز احلى صور لزوجي الغالي حتى يشوفهن ويمتع نظره
سمسم : شنو هذا جمال طالعه عروسة
نور : من يوم يومي عروس ههههه
سمسم : الله يهديج وترجعين انتي وجعفر
نور : طريقنه مسدود
جعفر : نور كاعدة
.
.
.
.
يتبع
