البارت الواحد والثلاثون
الرحلة الخطأ
الكاتبة حنين الهادي
صدمة بالنسبة الي متوقعت من جعفر يطلكني لا حجه بلموضوع ولامهد اله شلون هيج يطلكني جسمي كلة يرجف وعيوني صب وحدة ضليت صافنه اجاني الخط ماكدرت اروح اتصلت بجعفر
جعفر: الو
نور: سكته
جعفر: الووو نور احجي
نور : تريد نطلك
جعفر: اعتقد هذا شي اتتي ردتي لا تقبلين نرجع ولا نزوج ع شنو بعد باقيين كل شخص يشوف حياته افضل
نرر: كلماته زلزال بالنسبة الي هيج هانت عليك وتريد تعوفني
جعفر : مو اني الي هانت انتي الي ماترديني شبيدي عليج
نور : سوي الي يعجبك اني مستعده للطلاك
جعفر: خير ان شاء الله موعدة نلتقي بالمحكمة
نور : مو اول مرة اواجهه مشكله لازم اصير قوية ومابجي ولا انكسر اني فقدت كل الغاليين عليه مو بس هوو واجهت كل صعوبات وحدي طول اليوم واني اقنع نفسي ان اتقبل السالفه واعيش حياتي يمكن اصعب ليلة بعد من ليلة وفاة امي راح افقد ثاني اعز شخصي عليه مغطية وجهي ماريد الي وياي بالغرفة يسمعني ابجي لو يحسن ع شي علاقتي مو قوية بيهن ولا يعرفن عن حياني كرهت الناس الي تعرف حياتي وصايرة كتاب مفتوح اله اريد ابقى غامضة وحدي ومحد يدخل بيه
ثاني بوم بالصبح لكيته واكف نفس مكانه نزلت من سيارة
بخطوات بطيئ وكلة خيبة امل وصلت يمة واني اجر حسرات حجيت بنبرة الم حزن كسر
شسوي هنا
جعفر : عفوا
نور : شعندك هنا مو طلاك وراح نطلك شكو يومية واكفلي
جعفو : بس اني مواكف الج
نور : شنو هااا يعني انت هيج طبيعتك تضل تلزم الطريق حتى تتمكن وهسه اكيد شايفلك وحده هنا واكفلة موو
جعفر : الي بينه انتهى فهذا شي ميخصج وين مااوكف جامعة مو باسمج
نور : عفتة وورحت امشي بطريق واني اشوف الجو اظلم وباردة رغم الجو طبيعي فتحت عيوني لكيت نفسي بالمستشفى ويمي صديقتي اية .. شصار وياي ليش اجيت لهنا
اية : انهيار عصبي صار عندج تخربطتي ونقلناج للمستشفى
نور : صرت احسن خلي نرجع
اية : ارتاحي واحنه نطلع
نور : مارجعت بعذ للكلية رحت للقسم واخذت حباية منوم حتى انام كعدت الفجر صليت واني دموعي ع خدي اخذت ملابسي ورحت بالخط للجامعة كلت للسايق ينتظرني اسوي اجازة مرضيه عندي اوراق الدكتور اخذت 3 ايام ورجعت وي السايق للكراج صعدت لبغداد طول الطريق واني افكر شلون احجي لموضوع لوائل هذا جعفر الي تباهيت بي وكتلة ميعوفني ويحبني تاليه هيج يشمرني وصلت فتحتلي الباب حور : نور شجابج وحدج
نور : عادي اني كل مرة اجي وحدي
حور : تعالي ادخلي
نور : دخلت كعدت ع القنفة منتظرة احد يكلي شلونج حتى ابجي
حور : شنو مريضة شو الوجهه اصفر وحالتج حالة اتصل بوائل يجيج هسه
نور : لا خلية تعبانه اريد ارتاح راح ادخل بغرفتي انام رحت للغرفة فتحت الباب صدك حور وين علاء
حور: راح بيوم الي انتي رحتي للكلية كعد بالفندق يومين وسافر
نور : ليش كعد بالفندق
حور: كال ماريد اضايقكم وحسيته مستحي مني هو قبل وياج بس رحتي ماقبل بعد يبقى
نور : ها تمام اني رايحة انام ... اباوع ع سكف شلون مصبوغ وحلو ومرتب ذكرت بيوم الي اباوع عليه وهو مفطور واذا مطرت يدخل المي علينة ونصير بحيرات من الفيضان تمنيت ارجع لهذاك الوقت ع اقل امي يمي وجعفر يحبني ولاهسة من وصلت وصرت باحسن كلية وكاعدة بمكان دافي وننظيف ومرتب خسرت كل الي احبهم ... غفيت فزيت ع صوت وائل يكعد بيه
وائل : هاي شنو جاية تنامين هنا
نور : ههههه كلش نعسانه والله
وائل: كومي خلي نشوفج وليش راجعه بنص الاسبوع مو عندج دوام
نور : هسه اجي واسولفلك كلشي ... كمت غسلت ورحت لصاله صبت حور العشا مااشتهي اكل اي شي
حور : ليش متاكلين اسويلج غيرة
نور : لا والله هسه اكل ماريد اي شي مو مشتهيه... صدك وائل وين علاء
وائل: شعندج سالين عليه
نور : لا هيج بس اريد اعرف وين مكانه
وائل: انتي وياه توم جيري ومايوم سالتي عليه اححيلي شعندج وجهج مخطوف ولون اصفر مسوية مصيبه صاير وياج
نور : جعفر يريد يطلكني
وائل : شنوووو
نور : دزلي ورقة ابلاغ موعد حظور بالمحكمة حتى نطلك
وائل: وانتي شتردين تطليكن لو لا
نور : مادري
وائل : ولان ماتدرين سالتي ع علاء يروح يتعارك وياه حتى يبقى لا هو مطلكج ولا مرجعج انتي عاجبج الوضع هيج معلكة ضاله ليش بله ماوراج مستقبل وسمعه يكولون مخطوبه سنين ليش مازوجت واذا طلكتي يححون عليج افهمي شتردين
نور : عفت الاكل وكمت للغرفة ابجي الي اريده جعفر وبس جيبولي جعفر ضليت ابجي ابجي
حور : نور فتحي الباب
نور : عوفني وحدي حبابه ماكدر احجي وي احد هسه .. ضليت وحدي وافكر شنو الحل شلون يتراجع عن قراره جعفر صار صبح واني منايمة.. وائل اخذني للنجف
حور : هسه
نور : يي اريد اروح لامي
وائل : ميخالف يلابدلي ملابسج حتى نطلع
نور : لبست صايا وشال واخذنه واىل بسيارته اني وحور وصلت لقبر امي
لحنانچ يمة محتاجة أجر ونة اصيح امي
مُظلمة أصبحت هالدار المن اشتكي همي
تمنيتچ ييمــة ويــاي تگضين العمر يمي
يالگربچ دوا اجروحي حبچ يجري بدمي
ماما اشتاقيتلج اريد اخلي راسي بحضنج واسولفلج شنو مضوجني بس انتي تفهميني وتعرفين وين علتي اشتاقيت اشم عطرج اسمع صوتج الحلو تذكرين من تغنين واكلج عاشووو وتسكتين متقبلين تكملين حرمتيني من صغري منج ييمه ليش عفتيني وحيدة ودنيا تلطش بيه يمه ابن اخوج يريد يطلكني بعدماعلقني بيه وخلاني اتنفسه وي الهوا يريد يروح كليلي شسوي خايفه ارجع الذاك البيت كلة حيايه تلدغ حتى اختج ماتريدني ومراخ يرحمني ... ضليت اسولف وي امي وائل زار بابا وامه وكعد يقرا قران وحور همين تقرا قران
وائل : يلا نور كافي خلي نروح
نور : ماريد عوفني يم امي اريد اشبع منه
وائل : كومي ياعيني تعبتي ولاتتخربطين علينه نروح نحتار بالمستشفيات
نور : ماريد كتلك
وائل : مو بكيفج يلا كدامي ... بعد جدال طويل كدرت اصعده بسيارة رحنه للامام زيارة واكلنه ورجعنه لبغداد
نور : اول ماوصلت للامام .. يا ابا الحسن اني يتيمة وبحمايتك وكل يوم انهضم بسالفه ماريد اعوف جعفر تحبه والله ومستعدة اعيش وي اهله روحي معلعله وياه سهل امرنه دخيلك ....
طلعنه حتى ناكل ماكدرت بس مي شربت رجعنه طول طريق اون من راسي يريد ينفجر من الم بس وصلت اخذت براستمول ومنوم ونمت ثاني يوم الظهر كعدت تقريبا ب12حور وائل بالدوام بالمستشفى سويت غدا الهم سمجة شوي وتمن احمر وحضرت خردل وطرشي ولبن
وائل : شنو هاي ريحة الطيبة
نور : هههههه لا عاد وين طيبه زفر سمج بدلوا ملابسكم وتعالوا ناكل يلة .....
خلص الاسبوع وصار السبت ولازم ارجع للقسم وائل مفتح الموضوع ولا احد حجة واتي سكتت ورجعت اداوم طبيعي كل يوم اشوف جعفر ويخترك كلبي بزايد
قبل الموعد بيومين وصلني بلاغ تاجلت الجلسة شهر وحسيته بصيص امل الي ضليت اهتم بنفسي اكثر ومكياج ومن اشوفه واكف ابتسم وانشر علية ستوريات ضليت اريد احسسة بحبي مر شهر سكتة وهمين تاجليت شهرين
صار الفاينل والجلسة ماكو امتحنت ورجعت لبغداد والهدوء ماقبل العاصفة
سمسم : هلو نونه شلونج
نور : تمام وانتي
سمسم : اني بخير بس اريد احجي وياج بموضوع ومستحية
نور : كولي لتستحين احنه خوات
سمسم : جعفر خطب وخطيبتة شارطه اله يطلكج يلة توافق انتي ليش متخلين المعاملة تكمل وتطلكون خلي اخوية يشوف حياته
نور : مو اني الي ماخرته اشو هو يومية دازلي بلاغ تاجيل حتى اني اريد بسرعه اطلك حتى انخطب بلغي جعفر باجر يجي واخويه موجود حتى كلشي ينتهي ...
