البارت العشرون
الرحلة الخطا
الكاتبة حنين الهادي
لقَد تَسببوا ليّ بأذية بَالغة ،
وخَرجتُ اتصدق فَزعة
ظننت انّ الله لايُحبني
مِن فَرط الألَم!
🙃🙃🙃🙃🙃🙃🙃🙃🙃🙃😉😉😉😉
نور : صار الصبح واني منايمة كمت غسلت وسويت ريوك الهم جعفر يحب بيض كلي والبنات ياكلن اجبان وجاي
سمسم: شنو هاي الروائح
نور : يله تتريكين
سمسم : خلي اصلي واغسل واجي
نور : شنو هاي صلاة الظهر
سمسم : ههههه لاتكولين صليه بوقتة
نور : الحمدلله ايي
سمسم : الله يتقبل
اية : يلا روحي لا تتاخرين
سمسم : رايحة
اية : نونو شبيج وجهج اصفر
نور : منايمة من البارحة
اية : ليش ولج
نور : مكدرت انام وره منمتن اني طلعت كعدت بصالة افكر شنو ابوج يسوي اذا اجه
اية : شكد دفعين وماخلية يجي
نور : صدك
جعفر : عمي اني ادفعلج بس كفينه من جيته
اية : لالا اريد اكل سويلي دولمة واني اقبل
نور : غير تدللين
اية : البارحة خابرت ماما وكتله تقنعه ميجي
نور :صدك والله
اية : ايي
نور : من الفرحة حضنته ليش مكتيلي ولج ميته خوف من البارحه
اية : ههههه مو كلت خاف ميتنقع بابا لصبح حتى اطمئن
جعفر : الحمدلله
اية : دولمة دولمة
نور : من عيوني بس خلي جعفر يشتري سلك يروح
جعفر : صار واجيب وياي سمجه نشويه
نور : اوو صار شكد مماكله سمج
جعفر : جنج ع سمج اليوم
مرت شهرين تقريبا واني كاعده تعودت ع البنات وحبيتهم حسيتهم من صدك خواتي .. شنو راح ترجعون
اية : ايي واني شهرين وارجع يمج
سمسم : اكلج نونه تعالي ويانه للبيت ليش تبقين وحدج وحتى جعفر ماعتقد يقبل
نور : لا اني اقنعه شنو ارجع وياكم وجودي غير مرحب بي
سمسم : منو يكول سالفه صار سنين يمعوده من يشوفج وحيدة يقبلون بيج
نور : لالا ماريد
جعفر : ع شنو تتناقشون
اية : انتي شوكت تبطل هاي العادة تدخل علينه واحنه نسولف
جعفر : قابل داخل عليج وانتي تبدلين ملابسج
نور : هههههه
سمسم : نور متقبل تروح ويانه
جعفر : يي ضل هنا واني ابقى يمه
نور : شنو حجتك بله حتى تبقى
جعفر : ارجع كم يوم وي البنات وبعدين اجي اريد ارمم الشقه
نور : ويخلص الترميم
جعفر : ارجع الهم كم يوم واكول اريد اسافر اسبوعين وهيج اية راجعه ارجع وياه
نور : ماله داعي سوي كل هذا ارجعوابقى يم اهلك واني هنا معليه شي
جعفر : الله كريم تتدبر
اية : تحجي صدك الوضع مو شي وانت عايفه وحد
جعفر : شبيدي اسوي
نور : اية هذا افضل حل واني ماعليه شي ولا اطلع ولا ادخل والعمارة كله عوائل بعدين منين خايفة
سمسم : والله مادري شلون دبرية
نور : وره يومين رجعوا لاهلهم جعفر سوك كومة مسواك فواكه وخضروات وبقوليات ولحم ومعلبات صرف كل فلوسه اكل كال حتى متحتاجين شي ... ضليت وحدي البيت فرغ عليه نزلت دموعي وينج ماما اريدج يمي اني محتاجتج
قررت انام بالنهار وبليل اكعد ... ضليت انام ب6 الصبح ولحد السبعة المغرب يلا اكعد اصلي ظهر ومغرب لان حتى لصلاة ماكعد واسوي اكل مرات اكل جبن لو اكلي شي لو اكل فواكة مالي نفس وحدي وماكدر حتى افتح الباب مر اسبوعين واني وحدي
جعفر : ها نونه حبيبي شلونج
نور : هلوو حياتي تمام وانت
جعفر : باجر عرس ابن عمي
نور : مبرروك
جعفر : الله يبارك بيج يوم النه اني وياج
نور : هههه ان شاء الله
جعفر : وجمعه تجي همين خطبة ابن خالي
نور : ههههه موسم الاعراس هذا
جعفر : ايي كله سويه شنو الوضع يمج
نور : ماكو شي صافيه ... ضليت احجي وي جعفر لصبح لحد منمنه بعدين قررت اروح للنجف لامي طمنت هذا الاسبوع كله جعفر ميجي كلش اشتاقيتله ابقى كم يوم يمه هو اني بكل الاحوال كاعدة وحدي هنا حضرت بليل الي لفات واخذت فواكه واجبان كلت اكلهم من اوصل واني عندي فلوس من لبست وسمسم عافت صايته يمي لبسته وصليت وطلعت للكراج صعدت بسيارات الي صيح نجف صافنة ع الطريق شلون اخر مره رحنه اني وماما خلصنه طريق سوالف هسه سكته ودمعه بعيني وصلت للمقبرة اني حافظته لان نجي لابوية ابوية مدفون بالنجف ويم قبر ماما اكو مجال بين القبرين كعدت بي وضليت ابجي واعاتب بماما
ها ماما شلونج اني اجيتج وحدي مشتاقتلج اريد انام بحضنج اريد اشم عطرج تدرين اني وين كاعده بيت اخوج اخوج الي طردج وحرمج من اهلج ولده هم الي لموني وكعدوني وياهم بيتنه فارغ كومي خلي نرجع بي نكعد مثل قبل نسولف واني اخيط وانتي يمي تلفين دولمه ونضحك ليش ماما نايمه هنا بتراب فراشج الحلوو وغرفتج عفتيه واجيتي هنا ليش .... اني تعودت من اجي لابوية ابجي ع حظي وحياتي لان صغيره وهو مات ماذكره كلش بس هلمره اريد اعاتبه ع ولده ..
ها بابا شلونك شفت ابنك شسوه بي موت امي وامك خلتني اهج بليله ظلمة منه تدري شصار بحالي خلوني يتيمة حرموني من نومة ليل لان كاعده بيت غريب واخاف احد يدخل عليه حرموني اشوف الشارع خاف يشوفوني ويكولون لامك راح تجي المدرسة وين اروح وين انقل شسوي بروحي انتوا مرتاحين هنا واني اتعذب ليش هيج ليش المن جبتني لهاي الحياة وخليتني بين المر اتلوع مو كافي صبري نفذ كافي كافي ارحم حالي ... تعبت من الحجي كعدت اقره قران ع راس ماما وبعدين بابا تعبت وجعت لان مماكله طلعت اكل وضليت اكل كملت خليت راسي ع قبر ماما ونمت ماعرف شكد نمت بس اسمع صوت ...
نور نور اكعدي شجابج هنا
نور : وائل شسوي هنا
وائل: انتي الي شسوين
نور : يم امي
وائل : انتي وينج من يوم الي طلعتي من البيت ماسمعنه عنج خبر
نور : شسون باخباري
وائل: بالي ضل عليج
نور : لا شكرا ماريد تقلق عليه بس خلوني بحالي
وائل: ههه لا تخافين حتى ماراح اكول شفتج لان اصلا محد يدري بيه جاي وماريد اكلهم واني بس اتخرج اسافر ويعد ماارجع تردين سافرين وياي
نور : لا كفينه شرك
وائل: نور انتي يتيمة واني يتيم لا تعتبريني اخوج اعتبرني صديق غريب صح عايش بيت واهل بس شايف الضيم كارهه حياتي اشوف ظلم كدامي ومابيدي شي اسوي علاء لاعب لعب ومحد يحجي وياه اني تعبت من هاي الوضعيه وكرهت كل شي هنا
نور : اوووف يسميه محد خلصان منج
وائل: هاج هاي فلوس خليه يمج
نور : ماريد عندي
وائل: ادري وضعج هسه اصعب خلي هاي الفلوس وياج وسجلي رقمي يمج اي شي تحتاجين بس اتصلي علية
نور : اخذت الفلوس منه واخذت رقمة بس منطيته رقمي ماكدر اثق بي
وائل: نروح ناكل قبل لا ارجع لبغداد
نور: يلا كمت نكتت ملابسي من تراب ولبست الصايه ورحنه نمشي اباوع ع القبور اكيد الف قصة ورة وتركوا عوائل وراهم وايتام صح الموت حق علينه بس الموت يكسر يكسر يابشر الي يموتون اهله تنعدم حياته طفل بدون امة البنت بدون امه وابوة الاهل عزوه اخخخ ياكسرتهم تهد الحيل
وائل: نروح مسحي دموعج
نور: مسحت دموعي .. تدري افكر بهاي الاموات الله اعلم شنو من قصص عندهم
وائل: الحياة صعبه ع كل مو بس علينه ... طلعنه من المقبره واخذته تكسي للامام وصلنه
نور : اريد اروح للحمامات انظف نفسي من تراب
وائل: انتظرج هنا
نور : دخلت غسلت وجهي ونظفت ملابسي وعدلت شالي وطلعت رحنه للمطعم اكلنه
وائل : يلا اني اتاخرت لازم ارجع انتي وين راح تبقين اني نور :راح ادخل للامام
وائل: مو ترجعين بعد للمقبرة تره راح يصير ليل وتخوف كله حرامي وانتي بنيه وحدج صدك ع ذكر البنيه ميامي صديقتج
نور : شبية
وائل : علاء معتدي علية
نور : شلون يعني
وائل : اغتصاب
نور : صدك تحجي
وائل : يي والله هي وياه اثنينهم حيوانات من سوت سالفنه بس طالع منج رايد ينتقم الج منه ورايح مسوي عملته وياه يكول هذا اكثر شي يألمة فقده من تفقد شرفه
