البارت الخامس
الكاتبه حنين هادي
الرحلة الخطا
لا انا اليتاني احباب
لا شدتني دگة باب
اعرف بي غريب الجاي
جي دگ بابنا المفتوح 💔
سجى : كعدت من الصبح واني ارتب بنفسي لان حروح لبيت جدو واكيد اشوفه هناك بعدني لابسه اسود ع جدو لبست بنطرون وقميص ولفيت شالي عدل ب11 رحنه لبيت جدو دخلت سلمت على عماتي وعمامي طلعنه اني وزهراء للحديقه فتحت شالي سويت شعري كصيبه وحده مرفوعه
سعاد: تعالن عمة اخذن الاكل للصاله يله
سجى : يلا عمه اجينه
رحنه اني وسجى ناخذ الاكل وي البنات ضليت اروح واجي للمطبخ واني واكفة دخل هوو وبيده سمج شوي مادري شبيه ارتبكت وكلبي ضل يدكك بسرعه همزين موكعت صينيه المرك
اسمعة يكول الله الله انتبهي يمعوده لتحتركين يمة ع ثول ميصير الا كدامة خررب حظي المصخم كعد مقابيلي بالسفره خرب حظي واني جوعانه والغدا باميا وماكدر اقاومة خلصت الاماكن اله يمي تكعد حرارتي صارت 1000 صخنت
رحمن سجى انطيني لبن
سجى يبوو لبن وصاحبته الك اريد انطي الكلاس ايدي ترجف وكع مني والفشله الزينه 🤣🤣🤣🤣
لالا اكوم احسن شويه واتخربط كدامة هههههههه رحت كعدت بالمطبخ
ازهار : سجاوي عمة حظري استكاين بين ميخلصون الغدا
سجى : صار عمه بديت اغسل واخلي بصينيه وخليت شكر بس يصيون جاي بعد
طيف وزهراء : سجيوو ترحين ويانه
سجى : وين
طيف : لبيتنه
سجى : كلبي ضل يركص من الفرحة اروح لبيته طبعا طيف اخته بنت عمو فؤاد رحنه هي جايه سوي كيك بيتهم حتى تاخذه ضلينه بالمطبخ دخل
رحمن : طيف تعالي اكوي قميصي عندي طلعه مستعجل
طيف: زوري ورد روحي اكوي
زهراء : طيري انتي واخوج اصلا ميقبل ع كويي شفتي ذاك اليوم رزلني روحي انتي الاخوج
سجى : طيف عادي اكويله
طيف عاديات بس خلصيني منه
سجى : رحمن انطيني القميص اني اكوي طيف ملتهيه بالطبخ
رحمن : انتي لبن مادبرتيه مو تكوين
سجى : هههه والله اعرف اكوي
رحمن : هاج بس مو يحترك احركج وراه
سجى : هههههه بطلت مااكوي صار بيه تهديد
رحمن وهسه
سجى اشاقه انطينياه اعرف اكوي غير ملابس الولد كله عليه يعني مسحوله بالكوي مو شي جديد
رحمن : ها اذا هيج بعد اشمر ملابسي عليج تكويهم
سجى هههعه ( بكلبي اكول اشمرني يمك واني اكويلك ) اكوي بالقميص وبيه عطره اويلي ذابت روحي ...كملت انطيته القميص صعد لغرفته واني رجعت للمطبخ كاعدين شوية ونزل الكشخة والعطر وجمال لا اليوم لا محال سكري مرتفع .. اكلجن بنات ماستوت الكيكة
زهراء : ها ام بطن جعتي
سجى : لا بس داسال عليه
صار ليل وهو بعده مراجع ... رجعنه احنه لبيتنه رجعت واني فرحانه مادري يصير عندي احساس غريب من اشوفه ... ماكدرت انام واني اذكر ابتسامته ولبن والقميص 🤣🤣🤣🤣 ضليت كاعده لصلاه صليت ونمت
مر اسبوع بابا اشترالي موبايل وقته عدنه نت بالبيت وائل يستخدمة على الحاسبه نزلولي العاب وكتب احب اقرءه ومرات ابحث بكوكل اعمال يدوية
