البارت الثالث والثلاثون
الرحلة الخطا
الكاتبة حنين الهادي
جعفر : كافي عاد نور صار شهر اعتدز الج وماكو نريد نحدد يوم الزواج
نور : ما ما زعلانه ماحجي
علاء : اكولك انت مو كل يوم جاينه ماعدنه بنات تنشاف قبل الخطوبة عود من تزوجون تعال اخذه
جعفر : يمعودين رحمة لمحمد حددولي موعد مو راح اموت حتى شيب ترس راسي لو مزوج ابني صف اول
وائل : بداية الشهر 8/1 /2016ان شاء الله
نور : مالحك والله
وائل : شعندج متلحكين شهر كدامج وكملي
جعفر : يالله خلي اهلهل لروحي واخيراا تحدد الموعد
نور : بدت تجهيزات العرس يومية طلعه صبح وعصر اني وحور نشتري ملابس واحتياجات العروس
قبل الحنة بيوم رحنه للناصرية اني وحور رحت يم بيت اخت زوجة محمد مزوجة جديد وبيته وحدة حجزنه صالون وفساتين
بيوم الحنة سولي حفلة بيت جدو رحت من صالون عليهم جايبن فرقة نسائية .. سمسم واية وزهراء وكل بناتهم يركصن وفرحانات اله الثعابين ليلى وسلوى كاعدات وحدة يم لاخ ويبسبسن اباوع بالوجوه شكد حلو هسه اذا الحفله بيتي وصديقاتي وامي وسميه خانم موجودة تنطي نظرات هسه بس اني وحور مثل الغريبات بين الناس كملت الحفلة واشتغل التصوير صارت تقريبا ب10 بليل كالو يلا ترحين للبيت راحت ويانه زوجة محمد هي وبناته بس وصلت من تعب نمت وحور تخابر بوائل
.....
بيوم العرس كعدت خايفة ومتوترة ومتكأبه مشاعري مخربطة ماعرف شنو احساسي سبحت وتريكت وحضرنه الاغراض وطلعنه لصالون بدلتي كلش حلوو وسويت تسريحة فد شي ما شاء الله ام صالون شغله نازك ونظيف وتنطي رونق عروسة صدك مو مخربط حور لبست فستان ردن وحجاب لان متكدر تنزعة وغريبين عليه اجة جعفر اخذني من صالون للمصور صورنه طولنه بتصوير لان اني اضحك متثبت صورة ههههههههه كل صوري طلعت اضحك بعدين رجعت للبيت ننتظر الزفة اتاخروا تقريبا ساعة بسبعه يلا جوي اخذوني جعفر الي يسوق واني يمة حور كالت استحي لازم اصعد وياج ماعرف البنات حتى اروح وياهم استغليناه صورنه وجعفر يركص
الي تاخذ حبيبها تضحك للهوى
من كد مادمه حلوو ام العسل سميته
ماعاد يحلالي عطر من يوم ماشتميته
بضحكته بضحكته مساحة تعب ماتخلص تمنيته
مرات اموت من البجي لوبيه الم حسيته
ومن كثر غيرته عليه اني اعترف اذيته
شوفني بركع عرس غطيته
مو زلمه وانعد ع زلمة الا اخذ الحبيته
زفة حياة ثانية كثر ماضحكت وركصت لحظات من متنعاد اويلي يمكن اكثر عروس فرحانه بزفته لان جعفر خلاني براحتي ممغطيه وجهي واركص واغني واصور مخليت شي بنفسي تعبنه اخذونه للفندق مشفت شي من العرس هههههه حور حاجزيله غرفه هي وبيبي ويانه
جعفر : حاضنة واحجي بهمس واخيرا صرتي مرتي اليوم تنكرطين كرط ممصدك بعد طول الانتظار شفتج بحضني وشم عطرج وهاي الضحكة كدامي
نور : احبك
جعفر : تعالي اشوفج الاحبك ع اصولة
نور : هاا لا حباب
جعفر : بعد ماكو حباب هيا بنا ياابطال
......
فتحت عيوني وجعفر يمي هذا احلى صباح بحياتي اشوفة واني بحضن حبيبي بحضن اكثر انسان احبة واحس بلامان وياة العب بشعره ع كيف باصابيعي
جعفر : حسيت بيه بقيت مغمض وبديت اسحبه عليه لحد مقربت وجهه عليه وعضيته
نور : اهى اهى راح ابجي
جعفر : تعالي ارضيج
نور : لالا ارضي وحدي ابد مااريد رضاتك
جعفر : ها ها طفرتي خلي نوصل للبيت واني اعلمج
نور : رجعنه للبيت والكل استقبلنه يصفكون ويركصون
سمسم : جعفوري تين ومحلي البساتين
اية : وجبنه النادرة هي وشهادته وجبنه النادرة هي وشهادته
جعفوري ماخذ رايته وعايف بنات ولايته
وهاي الراده وهاي تمناه
نور : اريد اضحك بس مستحية ومدنكه هسه يكولون عروس خفيفه ممصدكة هههههههه كعدت شويه بصاله وبعدين صغدنه للغرفة كلش حلوة مسوية جعفر طبعا مشبعانه نوم بوجهي للجرباية غفيت كعدوني ع الغدا نزلت تغديت وياهم كلنه سوية تغدينه وصعدت ارتب اغراضي اني وحور
العصر لبست فستان بسيط ونزلت النسوان يجون يتباركون واخيرا دخلت جنه لهذا البيت رغم خوفي منه بس صرت جنتهم وغصبا ع الكل اخذت ابنهم ههههههه داخلة بقوة بس كسرت خسمة سلوى خانم الي رادات تخرب صح ليلى عنده حركات مسمومة بس اذا وحدة تبقى ماعنده شي وياي اني متاكده هاي سوالف سلوى وبيبي فرحانه بية
يوم الثالث ...
جوي اخواني وائل وعلاء عزموهم ع الغدا وهمين ياخذون حور ..
علاء : هلا هلا بالعروسة شنو هذا جماال
نور : حبيبي عيونك الحلوة ... ماحسيت اله انكرصت .. اخخخ
جعفر : احم احم نحن هنا
علاء:😒😒 تره اخذه
جعفر : اساله وشوف
وائل : دبطلوا هاي سوالف يلا حور كملتي غراضج
حور : ايي جاهزه
نور : ابقوا اليوم والله مشفتكم
وائل : انتي تعاليني وهسه لازم تتعودين بعد ع بيتج الثاني والي راح يصيرون اهلج ومااوصيك جعفر وياريت هلمرة تكون كد الامانة
جعفر : بعيوني اخلية
علاء: خوش حتى افكسهن الك اذا ضوجته
نور : صدك فخورة باخواني وحاسة الي سند واني اشوفهم يوصون علية وبذات علاء كلش متغير وياي حقد وكرة كله تبخر وتحول حب وشلون يخاف علية .. طلعوا واني ضليت ابجي كلبته عزا تعودت عليهم كلش وائل وحور وحتى علاء رغم هو بعيد بس مادري تعودت ع حياتهم
جعفر : حبيبي يروحي انتي وين رايحن هم كله تلث ساعات ونوصل يمهم شوكت ماتردين نروح الهم وهاي سنة الحياة كل بنية تزوج وتروح لبيت زوجة وهسه انتي مو عند ناس غربة بيت جدج وي خوالج يعني المفروض مضوجين
مرت الايام ورجعت الحياة طبيعية حياتي حلوة وي جعفر ماشية بهدوء تام واني دائما اخاف من هذا الشي لان هدوء ماقبل العاصفة يسببلي دمار شامل لحياتي رجعت الكلية وضليت اداوم كل فترة اروح لبغداد ابقى كم يوم يمهم طبعا غرفتي مستغله علاء من يجي من سفر
زهراء : نور خلي اروح وياج لبغداد
نور : هلا بيج حبيبتي
زهراء : انتي قنعي جعفر
نور : ميحتاج تقنيع اكوله البنات يريد يرحن يتونسن عادي ونروح
زهراء : هاا لا البنات شعندهم اني اريد اروح وياج وابقى شوكت مترجعين ارجع ماعندي مشكله
نور : ها يي عادي من اروح اني اكلج ... مادري مارتاحيت للموضوع ماعندي شي وياه عادي تروح بس ليش هيج طلبت مني وماتويد خواته خفت تروح سويله مصيبة وتوكع براس نور ... حبيبي خلي اروح لبغداد
جعفر : شعندج
نور : حور حامل واريد اروح ابارك الهم واشوفهم لازم تشاركهم هذا المناسبة الجميلة
جعفر : تعالي اشاورج
نور : تقربت منه كوول
جعفر : واحنه شوكت ناوين نجيب بنوته شبهج
نور : من يكبر ابني اسويله اخت
جعفر : تعالي اشوفج ابنج شلون كبر
نور . ههههههه لا لا مااريد اشوفه جديات احنه متفقين من اتخرج ومضل شي سنة هاي حتخلص وتبقى بس الخامسة وبعدين تعال احنه مماخذين اي احتياط عن منع الاطفال يعني من رب العالمين بعدنه ماكو اطفال
جعفر : ولو كلامج ماقنعني بس ميخالف يلا ننتظر من تتخرجين مدام نور
نور : صدك زوزه تريد تروح وياي
جعفر : شعنده
نور : تغير جوو
جعفر : وين تغير جو متكليلي فشله من وائل رجال تعبان يجي من دوام يريد يرتاح وانتي تردين شوفين اخوج سولفين براحتج يجوز تردين تحجين علينه شلون تكدرين ههههههه
نور : هاي قوية عجبتني احجي عليكم لا والله ماعدنه شي وائل ميتهم والله لهاي سوالف عادي خلي تروح
جعفر : ختولي لتنطية وجهه هاي اني غير مرة اخذهن البنات
نور : تعال صدك انتوا مو عندكم شقه هناك اخذ البنات كلهم يتونسون
جعفر : بية مؤجر الشقة كليلة جعفر ماقبل
نور : استحي والله انت كولة اني مادخلني
جعفر : ضلي دومج مستحية ههههه
......
شلون اذا ابوية موافق
ليش هي بكيفه ميوافق صيرين مرتي وبيده يسلميناج
فدووه حبيبي احسب ثانية ثانية لهاي الحظة
الرواية ع ابواب الختام كلش قربت تنتهي اتمنى تنطون رائيكم بالابطال والسرد
شكرا من اعماق قلبي للمتفاعلات 😘😘😘
