البارت الرابع عشر
الرحلة الخطا
الكاتبة حنين الهادي
عن يا جرح روحي ماحجتلك
عمت عيني على عيني شكد بجتلك
عفت زاد امي وتشهيت سمك
الله مخلي راحة بالي يمك
خرده بيد جاهل كلبي ممرود
ومثل باب الشريفه الخلك مسدود
شنو معنى التراب يلاكي الخدود
صرت مره غصن كلت اعكس الدور
بقيت النده وطيحت الورود
صرت بس بشرط ماصير ممدود
ابقه وياي تحلى واحلى وياك
العنب لوحدة مايتسمه عنكود
الصبح موجود
بس النور مفقود
وحته الخير من تعود الي يعود
يقرونك سكاره وانت قرأن
شمس ويصدلك أعمى شلون تعمي
يجرحوك وحلاتك من يجرحوك
نهر جرح التراب شكد يحلي
يچووك وترد احلى الرطب هيج
تغلي الشمس من تجوي
امس ذموني جي ماصير ناعور
اشيل الماي بس استحي اجفيه
اذا كل غلطه ابليس نبلي
من لشيطان يذنب ياهو يغوي
ماندمان على سويته والله
انه شابع ندم على المامسوي
حرامات المشيت الهن مشني
هاذ اخر سلام الروحي مني
النخيتة و كلي مكضيات جاليش
كبل لا ينكضن هنه الكضني
الكمر وانه الضوه يسترني مو ليل
ولان عشت اختلف محد فهمني
الدنيه استغفلتني وسدت الباب
درت صحباني تشهد كلها ضدي
وعلي لوما قميصي مشككة العوز
جا راويتكم من وين قدي
جرف ماصير اتاني فضاله الروج
ريح بكيفي اجيب بكيفي اودي
اليحبني يصير مثلي مثله ماصير
ذهب والخاطر احد ما اصدي
المطر والغيم والحبيته والموت
والمرض والشوك ذاك المو بكدي
النسمة البارده التعده بلصيف
الشيب الكبل وكته بكيفه يبدي
مزاجيات فجأة الكاهن وياي
ومن يعجبهن يتركني وحدي
☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️
وائل : ثاني يوم من الصبح اشتريت كيمر وصمون وكاهي ريوك نور و رحت لبيت ام نور حتى انطية الموبايل
ام نور : هلا خاله تعال تفضل
وائل : خالة وين نور
ام نور : بغرفته حالته حال اخوك لو حيوانه رأف بحاله بس هذا سم بيبتكم مزوع زرع بيكم. ماكلتوا يتيمه حرام نسوي بيه هيج
وائل : ضليت مدنك ماكدر ارده شنو تحجي قليل بنته كدام عينه ندلت ونضربت وهي مغلطانه
نور :شكد اذاني ضرب علاء وامي انهانت بس مو مثل اذيتي من صديقتي ميامي الي اعتبره اختي وروحي متعلقه بيه هيج سوي كلشي توقعته اله غدر صديقتي انقهرت توقعته من سالفه سجى بطلت وبعد متكرره ويايه طول ليل واني ابجي لحظه لحظه اذكر مواقفنه كعدتنه سوالفنه ضحكنه طلعت صورنه الورقيه اباوع عليهن واكول ليش ميامي اني بشنو اذيتج سوين وياي هيج ليش ياربي كل الي احبهم يغدرون بيه عيوني صارت بيه حركة من الدموع احسه من تنزل ع خدي تجرحه من حرارته والم الي بيه صار الصبح واني ماكدرت انام كاعده وحدي بالغرفه بتسعه الصبح تقريبا جتي ماما كالت وائل يريدج
نور صوتي مبحوح من البجي كوليله نايمه ماريد اشوف وجوهم
ان نور كومي ماما عيب الولد جايبلج ريوك
نور ماريد سم منه
وائل خاله عادي نتريك بغرفه نور
ام نور يي عادي
وائل دخلت اخذت وياي ريوك كاهي وكيمر وصمون
ام نور خلي اجيب جاي وصينيه
نور ماباوعت بعيونه حقير اكرهه مثل اخوه
ام نور وهذا الجاي وصل
وائل كعدنه ناكل اشوف نور وجهه ازرك من ضرب علاء وشكله تعبان كلش كملنه اكل نور هذا موبايل
نور شكرا ماخذ شي منكم
وائل منكم لا هذا مني واشتريته من فلوسي الي جامعهم لا تعتبري بدل موبايل ال انكسر اعتبري هديه اعفائج بالخامس
نور اخذ تلفونك ماريده
وائل بروح بابا اخذي نور لسوين هيج وياي اني مادخلني بتصرفات علاء انتي كبيره واعيه وتفرقين بين الامور وتعرفني مايوم ضربتج وحتى اذا عندج علاقه انتي كبرتي ومرحله مراهقه ويتيمه اب اكثر وحده تميلين لشخص يعطف عليج يحسسج بالحنان يعوضج الفقد يحسسج بامان انتي خلصتي حياتج محرومه من اخ واب اكيد تردين شخص سند الج بس نصيحه مني كملي مدرستج بتفوق لتخلين شي ياثر وهي سنه وحده ضلت ونشوفج طالبه طبيه ومن دخلين الكلية يصير عندج زملاء ويصير عندج حبيب ويكون مقرب عليج ويعوضج عن كل الفقد
نور وليش ماعوضتني انتوا مواخواني
ام نور : نونه شلج بهذا الحجي هسه
نور : هذا الصدك
ام نور : اخذي الموبايل من اخوج واشكريه وبدون كلام زايد نور : اخذت الموبايل واني اسمع كلامة لو شكد مصير طيب وياي ماحبك ولا ارتاحلك انت تربيه سمية كلكم حيايه وتمشي وذاك الحقير ال✖️✖️✖️ كسر الموبايل وراحت كل محادثتي وي جعفر وصورنه بطلعه الله ليوفقه
دخلت خطي بالموبايل الجديد ونزلت البرامج الي اريده ونمت كلت من اكعد ادخله واتصل ع جعفر احجيله الي صارر
