البارت السادس
الكاتبه حنين هادي
الرحلة الخطا
تعودتك..
شهامة ، وخوف ، ومكابر
تعودتك..
محبة ، وليل ، ومسامر
تعودتك..
خليل وخل..
❤️❤️❤️❤️❤️❤️❤️❤️❤️❤️❤️❤️❤️❤️❤️❤️
نور : بعد يومين ع المدرسة ولازم اجهز نفسي اني من زمان خيطت تلبسيه الي
ورحنه اني وماما لسوك هيج وكت تنزل الاسعار وصير ارخص لان الاغلب اشتره ملابس والغاليات يخلصن يبقى ي شي الرخيص اشتريت قميص ابيض وجنطه وردي وحذاء ابيض صح شكلهن بسيط بس اني فرحانه بيهن واهم شي بتعبي محصلتهن واشتريت قرطاسيه دفاتر واقلام ومساحات رجعنه ... رحت لبست ملابسي واني فرحانه بيهن .. ماما ميته جووع شنو العشا
ام نور : بين ماتغيرين ملابسج يخدر جاي وعدنه جبن تردين اطكلج بيض
نور : لا كافي جبن وجاي يلا اروح ابدل بدلت وكملت تعشينه اني وماما ونمت لان كلش تعبانه وهاي الفترة الكل مشتري ملابس استغليت الفرصه اكف من طول التلبيسه اصغر القميص احصل الف الفين منهن يفيدن اجمعهم بالقاصه اني مسوية قاصة للخردة اي شي اشتغلة بخردة اضمة لان من ينجمعن يطلعن هواي ...
اول يوم دوام صادف صباحي واني محضره نفسي خامس علمي ولازم اجتهد لبست صدريتي وقميص وكشخه ظفرت شعري بس مخليته جوه القميص طالعه الكصيبه لان جو خريف بعده زين مو كلش بارد حتى البس جاكيت واني امشي احس كلبي ضل يرجف العيون هي هي نفسه وكفت وفتحت عيوني ايا سزز هسه يكول شكد خفيفه بس مكدرت صدك مشتاقه اشوفه بدا يمشي اتجاهي واني كلبي صار طبل زفه
مجهول مشتاقلج
نور لالا مو هيج اموت كال مشتاقلج لو عبالك بايسني لو حاضنني بحيث صرت في حاله ذوبان ههههههه
مجهول مشتاقلج
نوركرره مره ثانيه يحجيه بهمس وجمعت قوتي وانفاسي وابتسمت بوجهه وكتله ها
مجهول وجعا
نور هههههه ( ضحكت من كل كلبي يمكن اول مره اضحك هيج مادري شصارلي )
مجهول مسمعين
نور لا اسمع بس ليش ددكول مشتاقلج
مجهول يعني انتي ممشتاقه الي
نورهااا
مجهول انتي راح تخلصيه ها وهاا
نور: هاا
محهول : امداني يي والله
نور : شفته صار عصبي اني لازم اروح لا يشوفني طالبات واكفين يلا باي
محهول : هذا رقمي احجي وياي
نور : اتصل عليك قصدك
محهول : لا اتصلي على اسعاف لان راح انجلط من فهاوتج
نور : هههه اني
محهول : چا امي
نور : ضحكت
مجهول : ليش ضحكين
نور : ولا شي خلي اروح صدك اتاخرت
محهول : اتصلي
نور : ان شاء الله ..... عفته ورحت امشي وكلبي يدك خايفه وشلون يحجي هيج جريئ وشنو صدك اتصل عليه لالا ماكدر اسوية اخاف وصلت دخلت المدرسة وشفت ميامي
ميامي : هلا بنورها وسورها اجت الحلوه
نور : تعالي لج احضنج شكد مشتاقتلج
ميامي : صايره جمال حليانه ع العطله والخدود حمر
نور :وانتي صايرة تخبلين وين سنجوبة
ميامي : بعده مجاية
نور : ها تعالي نفتر بساحة على ميصير الاصطفاف
سجى : هلو بنات شلونكم
نور : سلمنة وحده حاضنه ثانية وبعدين صار الاصطفاف وكفنه والمديرة سلمت وبدت سولف ويانة وقسمونه ع صفوف احنه لازم كل سنة شعبه أ ونكعذ نفس الرحلة الاولى اني وميامي وسجى
الكاتبة : يلا الكل للمخزن تستلم كتب اوكفن بسرة حتى اوزعة لا صيرن هوسة فاهمات
نور : وكفنه بسرة واستلمنة كتب خلص اليوم لان ماكو تدريس وبس سوالف بسرعة يخلص
رجعت اتمشى شفته واكفة استحيت اباوع بعيونة عفتة وضليت امشي سريع على ماوصلت للبيت
تغديت كعدت اجلد بلكتب الي استلمته كملت نمت للمغرب كعدت صليت سويت لعشا عن ماما وسويت وياه كبه صارت ب 11 رحت لغرفتي تمددت ذكرته كلامه وضحكته الي تخبل وشلون يكولي مشتاقلج استحيت اتصل ضليت بفراشي مره اكوم مره اكعد ياربي شلون اخر شي اتصلت بس سمعته كال الو سديت الخط كلبي يدك ماعرف شسوي رجع اتصل فتحت
مجهول ليش سديتي مستحيه
نور ها لا مو
مجهول زين تطورات صارت ها لا مو
نور انت شنو تريد مني
محهول انتي الي متصله
نور لا انت الي متصل
مجهول اقصد انتي اتصلتي بلاول وكلت خاف ماعنده رصيد خلي اتصل
نور : ها اسفه بالغلط باي سديته بسرعه وغلقت الموبايل ضليت ابجي ليش ياربي سويت هيج هسه شيكول ماصدكت اخذت رقم اجت تركض بسرعة شكد غبيه شلون اشوفه الصبح بعد
مجهول: صدك خبله بس يله اهم شي اتصلت وين تروح مني
نور : نمت دوامي صباحي طلعت ماريد اشوفه واذا حجه كلمة وياي الا اتعارك
مجهول : شفته من بعيد اجت قررت اضوجه شوية عقاب لان سدت الخط بوجهي
نور : تقربت منه واني اباوع ع الارض ماريد اشوفه سمع صوته
مجهول : صارن هواي عليج يجي يوم واخذي حقي
نور : وكفت نعم شنو تفضلت حضرتك
مجهول: احجي بأدب
نور : منو انت وحتى تعلمني الادب
مجهول: بنيتي روحي لمدرستج تاخرتي وبليل نحجي
نور : ياريت تحذف رقمي ولاتتصل واياني اياك تصلت انطي لاخواني يعرفون يصرفون وياك
مجهول : ههههه اخوانج نور اني اخوج وحبيبج وزوجج اني كل الي الج بدنيا واذكرج
نور : احترم نفسك فاهم انت صدك متستحي ع نفسك شلون تحجي هيج واذا بعد شفتك بطريقي متلوم اله نفسك صدك بلااخلاق عفته ودخلت للمدرسه واني ضايجة منه وشلون يحجي وقهرني من كال ماعندج اخوان تمنيت عندي اخ الي يكون سند واحتاجه علاء اذا اكله شخص تعرضلي بطريق راح يكول انتي تتحارشين بي ويلومني الي مايصدك بيه
ميامي : نونه وين صافنه
نور : لا ماكو شي بعدني نعسانة
ميامي : عوفي نعاس وانتهي ع الدرس
بالفرصة ....
سجى : عفية ميامي مو تحجين نور ع سالفة الصورة
ميامي : ليش
سجى : احسن هي متقبل بهيج شغلات
نور : شكو احجن بسرعة عدجن سالفة
ميامي : نسولف ع الدراسة سنة صعبه شلون نخلصه
نور : مثل كل سنة ندرس ونتعب نجتهد ننجح شنو تشاؤم هذا ... حسيت بيهن شي بس عفتهن ع راحتهن خلص دوام شلون ارجع واشوفه بوجهي طلعت من الطريق الثاني حتى ماشوفه وصدك دخلت للييت واني مشايفته رجعت نمت لان مقهوره كلش كعدت المغرب صليت اكلت قريت احياء وانكليزي تحاضير قليل لان بدايه دوام خلصته عندي كم شغله اخيطه ل12 تمددت بفراشي صافنه افكر بالي صار قطع تفكيري لتصاله مارديت اتصل مرتين ثالثه زعجني
نور نعم
محهول نعم الله عليج
نور تفضل
مجهول زاد فضلج
نور اووو تره مو وقتك كول الي غتدك رجاءاً لو اسد الخط
مجهول ليش الورده عصبيه يابعد هلي انتي
نور سكتت ع كلامه
مجهول وينج
نور موجوده اسمعك
مجهول شلونج
نور ليش تسال
مجهول استغفر الله راح تبدي باجر دوامج ظهري يعني براحتنه نسولف
نور طبعا تعرف مواعيد دوامي هلكد متوكف ممليت من وكفه الشارع
مجهول ماامل لحد ماشوفج بيتي
نور انت منتبه غ نفسك وكلامك وشنو عاي ثقه الي عندك وتتكلم هشكل
مجهول لان اني جعفر والي اتمناه احصله
نور جعفر اسمك
جعفر يي
نور عاشت الاسامي
جعفر وانتي نور ههه
نور ههههه من وين تعرف اسمي
جعفر مو صعبه عليه اجيب اسمج
نور شنو وراك
جعفر شنو
نور قصتك وسر الي عندك شوف اني متوقعت اشوفك السنه
جعفر ليش
نور لان كلت اكيد تعب
مجهول اوو شوفيني وهواي هم اني ماتعب ابد
نور اي ياسيد جعفر عرفني عن نفسك
جعفر هههههه سيد وجدي رسول الله
نور صدك
جعفر يي صدك تنهد يا نور اسولفلج منو اني
نور سمعت صوت جداحة يمه انت دخن
جعفر يي هو الي يشوفك يكدر ميدخن
نور اني شكو
جعفر كل ماذكرج هي تواسيني شكد تحجين وتقاطعيني خلي اكمل
نور العفو كمل
جعفر من ناصرية عمري 24 خريج هندسه نفط عايش هنا بشقه اني وخواتي اثنين وحده طبيه مرحله ثالثه وحده صيدله ثانيه ابوي من انقبلت اني اجر الي شقه الساكن بيه وضليت مستقر وحدي اختي طلع قبوله جامعة بغداد رادو ينقلونه كتلهم ليش ماتجي وياي تعيش هم تنظفلي تطبخ استفاد قبل تجي سنه الوراه شافته ثانيه والا تجي طلابه وطاحت غ راسي واني كاعد منتظر يخلصن ونرجع لناصريه
نور ترجعون كلياتكم
جعفر جا نصنه
نور حتى انت
جعفر لتخافين اخذج وياي بعد انتي روح شلون اعوفج هنا
نور ها لا مو هذا قصدي خرب شلون جفصت
جعفر : فاهم قصدج يابعد كلبي
نور: شلون عرفتني
جعفر: سؤال مهم وخطير بس ماراح اجاوبه ارد اخليه حسره بكلبج
نور: هههههه ليش
جعفر : عقاب ع كلامج الصبح
نور: امم كنت ضايجه
جعفر: وبيوم الاحتفال هم ضايجة
نور: انت منو انطاك الحق تكلمني بهذا الاسلوب وقته
جعفر : بيوم من الايام راح صيرين ع اسمي ولازمج احاسبج
نور : لايشيخ
جعفر شيخ عليج يي
نور : هههه جعفر اني الانسانه الخطا الي اختاريته
جعفر: ليش
نور: حياتي صعبه ومختلفه عنك صح اسمي نور بس حياتي ظلام لتتورط وياي
جعفر: واحلى ورطه وياج
نور : هههه شلون ماشوف اتت الي تمل وتعوفني صدك متتحمل وضعي واهلي وكلشي يخصني ميتحمله احد
جعفر اني مو احد نور اني احبج ومن تخلصين خامس اخطبج
نور: تخطبني
جعفر: يي اخطبج وره ساذس نزوج ماعنده شي واذا ع كليه فتكعذين وي ريه وسكينه الي عندي ودرسين مكتبولي ابقى متعلعل بدراستجن
نور : ههههه
جعفر لا شلعين كلبي يابت هلي وجري عدل وياي يمكن انتي ماحبيتني بس اني اعشكج واريدج الي ومع الايام تحبيني اني ماردت احجي وياج السنه وكلت تكملين سادس يله احاجيج
نور وتبقى واكف
جعفر اوكفلج العمر كله
نور لعد شنوالي حجاك
جعفر صاحبتج ماارتاحله كلش وردت اصير قريب منح وهم خفت انتي وحيده وكبرتي وحلوه تلكين واحد يضحك عليج بكلمتين منين بعد الزمج شلون مااني هسه قشمرتج بحجايتين
نور ههههههه قشمرتني
جعفر لا اشاقه انتي بت كلبي
نور شكد جريئ
جعفر شلون
نور اول اتصال ودسولف عبالك حبيبتك
جعفر جا انتي شنو غير حبيبتي دك الحديد وهو حامي انطيج المقدمة احسن لان الاتصالات الجايه ندخل بالمفيد
نور يامفيد
جعفر لا هيج سلامتج
نور جعفر
جعفر عيونه جعفر كولي
نور لستحيت مكدرت اكول شي
جعفر شوفي هذا الاتصال اني حجيت ومخليتج تحجين هواي بس حتى افهمج للي عندي اكيد عندج اسئله كل مصير فرصه اجاوبج لان مو يوميه نتصل
نور ليش
جعفر لازمج عجبج صوتي ويوميه تردين سمعينه
نور لالالا والله مو هيج
جعفر ههههه شوفي ياحبيبه كلبي اريدج درسين وتتفوقين مثل ماانعفيتي العام السنه هم تنعفين ماريد اشغلج وان شاء الله كل خميس نسهر سويه واني يوميه كدامج
نور صدك شلون عرفت اني معفيه
جعفر سر المهنه
نور ليش اختفيت العام
جعفر احسن حتى ترتاحين مني
نور جعفر لني ماكدر احبك
- ليش
-ماريد اكسرك وانكسر
- شلون تكسريني
- ارجع واكولك حياتي ظلام ومشاكل وانت محافظه واني محافظه واحتمال لا اكيد اهلك ميوافقون بيه
-شبيج حتى مايوافقون بيج
- بيه هوايه اشياء يرفضوني لهذا لزيد همي هم مابيه اتحمل اكثر
- تخافين لصيرين مثل امج
-امي انت منين تعرفه وشلون تحجي عليه لتتجاوز حدودك وياه
- اني ماحجيت شي بس كتلج ماتريدين تكررينه خطئه ......
