البارت الاول لسنة 2021 والبارت الاخير لقصتنة اتمنى كانت قصة ممتعة وعشتوا ايام وي بطلاتنة وعشتوا معانات والم كل بطل منهم ....
الرحلة الخطا
الكاتبة حنين الهادي
.............
جعفر : فشلنه الحجي نسكت احسن رحت للمطبخ اجيب جاي الهم
نور : ها شصار
جعفر : كولي شماصار خالج فجرله قنبله
نور : ليش شكال
جعفر : شرط ع علاء يجي يسكن هنا يكوله بناتي مايزوجن بعيد عني
نور : لا صدك شلون يجي هنا هو مامستقر بغداد اصلا
جعفر : مادري بس جنه موافق اخوج مامصدك
نور : خبل هذا كلشي يسوي
جعفر : ماتفرحين اخوج يجي هنا
نور : لا طبعا هو اني احسب شهر شهر اخلص واروح يمهم شنو يجي هنا حتى صير الحجة اخوج يمج شعندج بعد
جعفر : تفكرين مصلحتج
نور : مو بس مصلحتي بس اخوية واعرفه بيئة ومكان معايش بي شلون يكدر يتاقلم وباه
جعفر : انطيني جاي اول وتالي لقرار لاخوانج
زهراء : انتي ليش خبيثه ماتردين زواجنه يكمل
نور : اني مو خبيثه وانما اعرف بحياتنه واعرف اخواني وشنو عيشتهم لاعبالج صار كم سنة عايشين وحدهم ترة ظروف جبرتهم خلصوا حياتهم مدللين بيبي هذولي اوامرهم اتنفذ قبل ميطلبوه وبذات علاء لشوفي هيج هادئ
جعفر : شكو شكو شبيجن
زهراء : مابينه شي بس اكو ناس بين وجهه الحقيقي
جعفر :احترمي نفسج لا اطيح حظج لاعبالج ساكت عنج ومادري بسوالفج
نور : صعدت لغرفتي اخواني رجعوا لبغداد بالعشا وصار صياح
ليلى : مازوج بنتي واحد سني مانعرف اصله وفصله واذا ماخذين اخته شلون بله الا انطيهم بنتي
علي : وشبية سني واذا ع اصله وفصله نروح ونسال لاتعلين صوتج بنتي وبكيفي اني ازوجة
محمد : كول يالله خوية مو هيج هي بنتكم اثنينكم واحنه كلنه ندري انت اكثر واحد ماتوافق بالسني تذكر اختك شسويت علمودة
علي : وشتريد اعيد قصة اختي
محمد : بس مو تطني بنتك لابن نزل راسك وفضحنه
علي : سوالف قديمة ودفاتر انسدت ليش بعدكم تفتحون بية وبنت اختك جنتي صارت واني موافق انطي بنتي لابنهم وازيد معلوماتكم الولد راح يجي يعيش بناصرية
سلوى : خوش والله اجت وجابت اخوة وياه
نور : لتخافين ممطولة وراجعه لبغداد واخوية ماساكن بيتج
علي : خالي صعدي فوك ماعليج انتي
...........
وائل : انت شلون توافق هيج متكلي شلون تعيش بله وين تسكن وين تشتغل هي سوالف شنو هذا زواج ومسؤوليات لشوف نفسك واحد يومية مكان ماعندك شي هسه من صير وحدة مسؤوليتك ولازم توفرله طلباته وعيشته مو اقل من عيشة اهله متكلي منين راح جيب وانت بداية طريق ممكون نفسك
علاء : اني ادبرة دوامي صبح وراتبي زين وشهادتي افتح بية صيدلية واستلم ايجارة
وائل : وبيت وين تكعد تعيش طول عمرك بلايجار
علاء: هسه اذا لميت نفسي وجمعت فلوسي نشتري بيت ع كدنه لا تعقدة هيج
وائل : وعمامك وخوالك طاكهم عرض الحايط
علاء : عمامك هم وينهم شايفهم سالين علية انطني سبب مقنع
وائل : وشرطك ع جعفر يجي يعيش بغداد هسه شلون تكدر تجيبه هنا يكلوله ابقي يم اخوج
علاء : جعفر : يبيع شقته ويطلعه وحدة وتبقى هناك يمنة شعندة جاية هنا وحدة
وائل : ليش وحدة واني وين رحت
علاء : شنو تعوفني وحدي اجي هنا
وائل : لا بله تريد ادليك طريق لاتورطني مرتي حامل ويصير عندي طفل خليني كاعد بيت مستقر وشغلي الحمدلله
علاء : نكعد ايجار ع مانرتب وضعنه
وائل : لاتبهذلنه وياك بلايجارات تريد تروح وحدك خليني اني هنا
علاء : خابر نور تجينه حتى نتفاهم
وائل : نور شعلية هذا قرارك بس فكر زين
..................
