البارت الرابع و العشرون
الرحلة الخطا
الكاتبة حنين الهادي
حظي فوگ الماي جبتة
وصخرة فوگ الماي ماكو
ادري چا بيمن عثر؟!
.....
جعفر : بيبي
ام علي : اي اريد اروح اشوف بنتي وياكم
جعفر : تدللين باجر من الصبح اخذجن
نور : تفاجئت بيبي تريد تروح ويانة شعجب محجيت شي ساكته كالعادة
جعفر : انزلج بيبي
ام علي : اي تعال راح الحيل بعد
جعفر : بعدج شباب بيبي يرادلج عريس
ام علي : اني اخذ ع جدك
جعفر : بيبي صار تاير سايبة جدوو الله يرحمة
ام علي : ولك جعيفر تحجي ع جدك اله يجيك بالحلم ويخنكك
جعفر : چا جني هوو
نور : اسمع دردمتهم واضحك هاي المرية طيبه وحبابه ولو هي متهضمني كلش ...
ثاني يوم الصبح نريد نطلع جتي سلوى لابسه عبايته اروح وياكم
جعفر : عمة شعندج رايحة
سلوى : وتريد اعوف امي وحدة وياكم
جعفر : ليش نعض احنة
نور : ههههه
سلوى : تضحك ام حلك كتلكم امي متروح وحده
جعفر : يلا ميخالف تعالي ويانه
نور : طلعنه طول طريق سكته طريق ابعد من ناصريه للنجف وكله صحراء اباوع ع طريق وسيارات لحد موصلنه للمقبرة نزلنه يم قبر ماما
ام علي : هذا قبر امج
نور : ايي
سلوى : تفووو عليه
نور : بعدني واكفه يم بيبي وشفت سلوى تفلت ع قبر امي واني روحي شاغت من لا يكصصون بلحمة هيج الم بكلبي صار شمرت نفسي ع القبر مااااااامااااااا مااااماااااا فددوه اروحلج اني مااامااا عساني لارحت ولا شفتهم ولا خليت هيج سوي بقبرج انتي ام كلب الطيب ام المحنه هيج يحجون عليج ماعاشوا ضيمج تنامين جوعانه تخلصين شتا بردانه وغركانه مي وبصيف بنكة ماكو كله مني اني خليتج تنهانين
جعفر : نور كافي خلي نروح للامام زورين وترتاحين
نور : كافي كافي مااريد اسمع صوتك كله منك انت دخلتني ع هذا البيت الي مابيه اي حرمه للميت متكول بنتهم ومن دمهم هاي مااسمحكم عليه ابد
ام علي : هدي روحج يبيبي هاي ناس راحت المحنه من كلوبه جعفر اخذ بنت عمتك للامام تبرد كلبه وخليني اني ابقى اسولف وي بنيتي
نور : ماروح اريد ابقى هنا
ام علي : عندي سويلفه وي امج روحي وخليني وحدي
سلوى : واني يمه وين اروح
ام علي: وغمه عسى ماترحين لجهنم ولي من وجهي
جعفر : ابقي يم بيبي خاف وحده يصير شي
سلوى : اي علموذ يفرغلكم الجو
ام علي : ولكم ماشوفولي كبر فارغ ادفنه بيه هاي لسانه بطوله وعقل مخرف
نور : صعدت بسيارة وانتظرت جعفر
جعفر : هاا حبيبي
نور : لتحجي ويايه
جعفر : شمسويلج اني
نور : ممسوي شي بس طلعني من هذا البيت
جعفر : ساعه السودة الجبتج بيه عمي بس ارجع للناصرية اعقد عليج ىاخذج واولي لبغداد بس خلصيني مو كليي صاير جمر منج
نور : ضليت ابجي بزايد
جعفو : كافي بجي لخاطر محمد
نور : وصلنه سكته للكراج نزلنه ورحنه للامام .. اريد اروح اغسل وجهي واتوضى
جعفر :يلا تعالي انتظرج بلباب
نور : دخلت غسلت وجهي وتوضيت وطلعت دخلنه زرنه وصليت .. دخيلك ياراعي الايتام شوف حالي وشنو يسون بية شنو غلطي الي سويته ذنبي شنو هيج يصير بيه خلصني من هذا العذاب . قريت الزياره وصلاة وطلعت انتظر جعفر برا شوية واجه
جعفر : تاخرت عليج لا
نور : وين نروح هسه
جعفو : تاكلين
نور : مااشتهي
جعفر : ناخذ صور
نور : بحال صوره هسه اني
جعفر : حبابه لا طلعين الجيه من عيوني خلينه فرحانين بنجاحج.. تعالي نتمشى ع المحلات اذا اكو اشياء تعجبج للكلية اخذية
نور : مابيه حيل افتر
جعفر : كومي كومي يلا
نور : والله دايخه راسي يوجعني
جعفر : تعالي ناكل رحنه للمطعم طلبنه كص لان نونه تحبه وعصير وطلعنه نفتر
نور : جعفر اشترالي كومة اشياء جنط واكسسورات ساعات وكم قطعه عجبني ملابس .. اكولك بيبي لسه بالمقبرة
جعفو : خليه قهر سنين 19 سنة مشايفه بنته خلي طلع الي بكلبه
نور : وعمتك عشتووو شعنده وياه
جعفر : لا كلشي يصير يجوز بيبي تتخربط تتعب ع اقل وياه وحده
نور : اتصل عليهم هم يلا نرجع للبيت
جعفر : شنو ضجتي
نور : يي اني هنا اتمنى ابقى يا بلامام يا يم قبر ماما تعرف ليش لان احس بنقص شلون امي وماروحله اتمنى كل الوقت يمه كاعده
جعفر : نبنيلج غرفه يمة
نور : تقلد حضرتك
جعفر : اشاقه والله شبيج اريد اضحكج لو كل يوم تريد تجين اجيبج والله تددلين شعندي غيرج
نور : اريد تاخذني وياك مابقى هناك بعد
جعفر : صار ترحين وياي نقدملج بغداد كلية
نور : وابوك يقبل
جعفر : اني اقنعه
............
💬ميامي : هلوو نورس شلونك
نورس: وينج مختفيه عبالي متي
ميامي : لا بعدني عايشه
نور س: شخبارج
ميامي : تمام اخباري راح اروح يم خوالي لديالى اريد انطيك الابتوب مالتي تفرمته وتحذف حساباتي
نورس: ها شعندج هناك ليش عايفين بيتكم
ميامي : اهلي هيج يردون
نورس : اكلج تذكرين رحمن
ميامي : شبيه
نورس : مرة سالني عليج
ميامي : خير شيريد هذاا
نورس : لا هيج ماكو شي
ميامي: احجي اكو شي
نورس : لا وعلاء شنو راح تعوفينه
ميامي : هذا الثاني شبية شنو سالفه كله ذاكرتني
نورس : لا مو سمعت خبر صاير وانتي ماكلتي
ميامي : شكو ياخبرشسامع
نورس : لا هيج عود من تحتاجين تعالي اساعدج
ميامي : يلا بااي ....... دزيت رساله لعلاء
💬 اني مسافرة لديالى وبعد ماارجع ولاشوف وجهي بس اتمنى اشوف نور واعتذر منه لان اتصلت بية ومقبلت تحجي
علاء: كاعد وصلتني وساله من ميامي وين ايامه هاي بعده عايشه .. شنو شتردين بنور
ميامي : عفيه وصلني نور
علاء : نور شردت ومحد يعرفه وين صار سنتين مختفية شنو ذكرتي عليه هسه
ميامي : نور وسجى بذمتي ليوم القيامة ومستحيل انسى هذا الذنب طول حياتي مع الف سلامة
...............
نهى : ماما ماما
سجى : ياروح ماما كولي
نهى : جوعانه
سجى : هسه اسويلج اكل صار يدلل الحلووو
حيدر: اليوم نروح لاهلج
سجى : ها
حيدر : عندج شي
سجى : لا بس مااريد اروح الهم
حيدر : ليش
سجى : هيج مااريد اني كتلك مااريد اتواصل وياهم ولا اروح الهم انتوا اهلي انت ونهى كل حياتي
حيدر : ابوج اتصل وعزمني عيب نرده
سجى : اروح وارجع وياك
حيدر : بكيفج بعد المهم نروح ونهى ناخذه لاهلي
سجى : ليش تروح ويانه شنو غير بتنه هي
حيدر : خاف اهلج يتحسسون
سجى : حتى لو يتحسسون اني ماتحسس لان هاي بنتي وين ماروح وياي ماعوفه عند احد
حيدر : نرجع ونكول بكيفج الي تريدي سوي
................
نور :رجعنه لناصرية وبيبي كلش تعبت اكيد من تعب والبجي وسلوى الحية ولا علية مثل الحصان
جعفر : نونه مو تتعاركين وسوين مشكلة اني احجي وي ابويه بهدوء تقدمين لبغداد
نور : اي طبعا اني مااقدم هنا
جعفر : وعد تقدمين وي البنات مثلج مثلهن
نور : اول مدخلنه لصاله ليلى خانم استقبلتنه
ليلى : هاا شرفتي وين الخروف الي جارته وراج من الصبح
جعفر : الخروف شخصيا وياج تفضلي ست ليلى شنو تردين
ليلى : كول عندي ام خوات يحتاجن شي
جعفر : شنو بس اني هنا بالبيت مو ابويه وهذا مصطفى والولد موجودين
نور : عفته وصعدت سبحت ونمت لان كلش تعبانه
مر كم شهر وهدوء صح منخلص من بسامير ليلى وسلوى تعودت عليهن صار وقت التقديم
سمسم : نونه بابا يريدج
نور : خير شكو
سمسم : اشم ايدي شعرفني شيريد كال صيحي نور يجوز موضوع خطير عنده وياج
نور : هسه نازله .. رحت تفضل خالو
علي : تقديم بدا وين تحبين تقدمين ياجامعه ذي قار لو البصرة
نور : لا طبعا بغداد
علي : ليش
نور : صديقاتي معارفي كله هناك ليش اروح مكان غريب وماتاقلم وياه
علي : وين تكسنين
نور : وين ماسكن بالبصرة اسكن بغداد مااسكن وي الينات
علي : جعفر مايخليج بغداد سكنين وحدج
نور : اني احجي وياه
علي : شوفي جعفر مايقبل وهذا شي مستحيل عندج حلين يا توافقين درسين هنا او اي محافظه ترديه غير بغداد او تزوجين انتي وجعفر مال تعيشين وياه وحدج هيج ماقبل تعقدون وتبقون هم مااقبل وانتي بعد بكيفج
جعفر : تحجون عليه سمعت اسمي
علي : مو يمك الموضوع .. فكري بكلامي وقررري
نور : طلعت من علي وطلع ورايه جعفر
جعفر : نونه شنو يريد ابوية
نور : لو اقدم كلية محافظات لو نزوج واقدم بغداد
جعفر : وانتي شختاريتي
نور : اقدم بالناصرية
