روايه بعنوان العدالة

الفصل التاني

روايه (العدالة )
الفصل التاني
في شركه شريف الدالي
السكرتيره : صباح الخير ي أفندم
شريف : صباح النور ابعتيلي يوسف علي المكتب حالا
السكرتيره : حاضر ي أفندم
شريف دخل المكتب والسكرتيرة اتصلت بيوسف
السكرتيره : يوسف شريف باشا عايزك ضروري
يوسف : متعرفيش  عايزيني في ايه
السكرتيره : لا معرفش بس شكله هادي جدا ورايق
يوسف : ربنا يستر
وصل يوسف مكتب شريف وهو خايف لان شريف معروف بالقسوة والجد في الشغل
يوسف : حضرتك عايزيني في حاجه
شريف : ايوه اتفضل اقعد
يوسف : مينفعش ي أفندم
شريف : مش بكرر كلامي مرتين
يوسف خاف من نظرات شريف فقعد علطول
شريف : انا عجبني شغلك جدا وكمان امين علشان كدا من النهارده هتبقي مسؤول عن الحاسبات
يوسف بفرح : بجد ي أفندم
شريف : هو انا بقول حاجه وارجع فيها
يوسف : انا اسف ي أفندم مش قصدي وشكرا علي ثقتك فيا
شريف : خلاص روح الشغل دلوقتي وبلاش رغي كتير
يوسف : حاضر ي أفندم بعد إذن حضرتك
خرج يوسف من المكتب فرحان قابله صديقه اسر
اسر : يعني شكلك فرحان هو شريف بيه كان عايزك ليه
يوسف : خلاني مسؤول عن الحاسبات
اسر فرح لصديقه وقال فرحتلك بجد انت تستاهل كل خير
يوسف : انا النهارده عازمك عشان الترقيه وهات خطيبتك وانا اجيب خطيبتي
اسر : إذا كان كدا اروح أقول لنسمه بسرعه
في الجامعة عند فيروز
فادي : انت بتحبها علي ايه
نادر : انا مش بحبها هي انا بحب فلوسها
فادي : قول كدا
نادر : اسكت عشان جايه علينا
فيروز : هاي ي بيبي اخبارك ايه
نادر : بخير طول ما انتي بخير ي قلبي
فيروز : سوري عشان قفلت في وشك امبارح بابا لو سمعني كان هيبقى في تصرف تاني
نادر : انا عمري ما ازعل منك ي روحي
فادي بصوت واطي : ي محني
ضربه نادر في دراعه بمعني اسكت وعدي الليله دي علي خير
فيروز : طب مش هنحضر المحاضره ولا ايه
نادر : اه وماله نحضر ي روحي عشان خاطر عيونك
فيروز : طب يلا
نرجع الشركه تاني
يوسف اتصل بخطيبته عشان يقولها علي الترقيه
يوسف : اذيك ي اجمل فرح
فرح : شكلك مبسوط
يوسف : ايوه صاحب الشركه خلاني مسؤول عن الحاسبات النهارده
فرح بحب : الف مليون مبروك ي حبيبي انت تستأهل كل خير
يوسف : الله يبارك فيكي بقولك ايه انا هعدي عليكي بعد الشغل عشان عازمك وكمان قولت ل اسر وخطيبته ييجوا معانا ونقضي يوم حلو
فرح : طب كويس وانا هستناك تيجي تاخدني
يوسف : ماشي ي حبيبتي مش هتاخر عليكي سلام
فرح : سلام
بعد الشغل يوسف راح لخطيبته وكذلك اسر جاب خطيبته عشان يخرجوا مع بعض
يوسف : ها عايزين تروحوا فين
فرح ونسمه بصوت واحد : الملاهي
اسر : خارجين مع عيال احنا
نسمه : ومالها العيال ي أستاذ اسر
اسر : زي العسل وسكر ، يلا قدامي
يوسف وأسر ونسمه وفرح راحوا الملاهي
فرح : انا عايزه العب قطر الموت
يوسف : قطر الموت ايه ي بنتي العبي لعبه غيرها
فرح : لا هلعب دي يعني دي وانتوا هتلعبوا معايا كمان
نسمه : لا العبيها لوحدك انا مش لاعبه اللعبه دي يعني اموت فيها
اسر : ولا انا
فرح : ي خوافين
يوسف : خلاص امري لله تعالي العب معاكي
فرح : طب يلا بسرعه
يوسف وفرح دخلوا قطر الموت وظهر لهم تنين كبير يخوف واول ما ظهر فرح خافت ومسكت ايد يوسف وقالت بصراخ طلعوني من هنا بسرعه ويوسف كان بيضحك عليها فهي اتغاظت منه وقالت هكمل اللعبه
عند اسر ونسمه
اسر : ممكن اسالك سوال ي نسمه
نسمه : اتفضل
اسر : انتي ليه موافقتيش علي عمر ماهو معاه فلوس كتير
نسمه : مش بالفلوس صدقني واحد زي عمر عنده فلوس الدنيا لكن معندوش شخصيه وانسان تافه وفاشل وكل يوم تلاقيه مع واحده شكل يبقي ازاي اختاره هو وأفضله عليك انت احلي منه بكتير كفايه انك بتراعي ربنا فيا وفي مامتك
اسر : وانت اجمل حاجه حصلتلي ي نسمه
وبعدين يوسف وفرح وصلوا
اسر : مالك بتضحك ي يوسف
يوسف : الانسه فرح اللي عامله فيها شبح اول مادخلت اللعبه وظهر التنين خافت وصرخت
فرح : اتريق عليا اتريق
يوسف : الله انا بقول الحقيقه
نسمه : مين دلوقتي طلع بيخاف ي خوافه
فرح : هي الليله عليا ولا ايه ما تقول حاجه انت كمان ي أستاذ اسر
اسر : أقول ايه بعد اللي قالوا بس الصراحة عملوا الواجب
يوسف : المهم عايزين تروحوا فين تاني
فرح : نجيب ايس كريم ونروح نقعد علي البحر شويه
يوسف : حاضر
جابوا ايس كريم وقعدوا علي البحر وقضوا وقت جميل مع بعض وفرح ونسمه اتعرفوا علي بعض اكتر
في فيلا شريف الدالي
شريف رجع من الشغل ملاقيش مراته ولا ولاده
شريف : هي المدام جت ي داده
الداده : لا ي شريف بيه مش جت
شريف : ماشي روحي انتي شوفي شغلك
وصلت فيروز الفيلا بتسلل عشان متعملش صوت
شريف بغضب : فيروز
Nora Zakaria