روايه بعنوان العدالة

الفصل التالت

في فيلا شريف الدالي
شريف : هي المدام جت ي داده ؟
الداده : لا ي شريف بيه مش جت
شريف روحي انتي شوفي شغلك
بعد ساعه فيروز وصلت الفيلا وهي بتسلل زي الحراميه عشان متعملش صوت
شريف بغضب : فيروز
فيروز بصدمه : بابا
شريف : خلصتي محاضرتك امتي ؟
فيروز بخوف : الساعه 3
شريف : ودلوقتي الساعه كام
فيروز وهي بتبلع ريقها من الخوف : الساعه 8
شريف : كنتي فين الوقت دا كله
فيروز : خرجت مع أصحابي
شريف بغضب : ومفيش زفت ابوكي تستأذني منه ولا ايه
فيروز : التليفون فصل شحن
شريف : هعدهالك المرادي بس لو اتكررت تاني هتشوفي تصرف مش هيعجبك يلا علي اوضتك
فيروز بخوف : حاضر ي بابا
فيروز طلعت علي اوضتها بسرعه وفي نفس اللحظه دخلت ناهدمراته
شريف : أهلا وسهلا ب ناهد هانم سيده المجتمع
ناهد : مالك بتكلمني بالطريقة دي ليه
شريف : امال المفروض أكلمك ازاي وانتي 24 ساعه في النادي مع أصحابك والندوات ولا كانك عندك زوج وأولاد
ناهد : طب وانا اعملك ايه يعني
شريف بسخريه : اعملك ايه بلاش انا ي ست هانم شوفي اولادك اللي بيتاخروا كل يوم وانتي مش عارفه بيروحوا فين جيتي مره سالتي علي اولادك بيرجعوا امتي؟ مين أصحابهم ؟
تقديرهم ايه في الجامعة ؟ بيحبوا ايه ؟ جيتي مره واتكلمتي مع بنتك وكونتي صديقه ليها قبل ما تكوني امها ؟ اقول ايه بس ما انا بتكلم مع واحده كل اهتمامتها نفسها وبس ويكون اسمها لامع بين سيدات المجتمع
ناهد : خلصت الاسطوانه بتاعتك ؟
شريف : مش هتخلص غير لما تتغيري ي ناهد
ناهد : انا مصدعه وعايزه انام
شريف : ليكي عين تنامي بعد دا كله
ناهد : شريف بليز نبقي نتكلم بعدين
شريف : انا كلامي معاكي خلص غوري من وشي
بعد ما ناهد طلعت اوضتها شريف قال : يارب انا تعبت مع مراتي واولادي مراتي مش مهتمه غير بنفسها بس وابني بيرجع وش الصبح سكران وبنتي اللي حاسس مخبيه حاجه عليا يارب صلح حالهم وأهديهم
في البار
عمر : اكرم انا عايزك في مصلحه
اكرم : ايه هي المصلحه دي ؟
عمر  : انا عايز احرق قلب اسر
اكرم : وهتعمل ايه ي فالح
عمر : انا اقولك نعمل ايه
في صباح يوم جديد مليان بالأحداث والمفاجآت
في جامعه عند فيروز
يارا : ابعدي عن طريق نادر احسن ليكي ي فيروز نادر مش بتاع جواز وبيتسلي بيكي
فيروز بغرور : نادر بيحبيني وهو قالي كدا وهييجي يتقدملي بعد ما اتخرج
يارا : براحتك انا حذرتك وانتي حره بس متجيش تندمي بعد كدا وفجاه جه نادر من وراءهم
نادر : صباح الخير ي حبيبتي وحشتيني
فيروز بدلع : صباح الخير ي بيبي وانتي وحشتيني اكتر
نادر : هتخلصي امتي النهارده
فيروز : هي محاضره واحده بس بعد كدا اروح عشان بابا زعل مني امبارح عشان اتاخرت
نادر : طب انا عايزك بعد المحاضره اقولك كلمتين مش هطول عليكي متخفيش
فيروز : اوك
كله دا ويارا واقفه معاهم ومش عجبها كلامهم وهطق من غباء صاحبتها
في شركه شريف الدالي يدخل شريف الشركه بكل وقار وجبروت  كل اللي في الشركه بيعملوا الف حساب
السكرتيره : صباح الخير ي أفندم
شريف : صباح النور
السكرتيره : فيه اجتماع ي أفندم بعد ساعه عشان المشروع الجديد
شريف : ماشي بلغي الموظيفين وهاتيلي القهوه بتاعتي
السكرتيره : حاضر ي أفندم
بعد ساعه في قاعه الاجتماعات
شريف : طبعا انتوا عارفين ان المشروع دا مهم بالنسبالي ومش عايز اي غلطه فاهمين
الجميع : فاهمين ي أفندم
شريف : يوسف عايزك تعملي ريبورت علي الحاسبات ضروري
يوسف : حاضر ي أفندم
عند اكرم وعمر
عمر : عرفت هتعمل ايه ؟
اكرم : ايوه عرفت
عمر : بس خلي بالك يعني حد يشك فيك
اكرم : متخفش كل اللي قولت عليه هيحصل
في الجامعة عند بسمه أخت يوسف
سيف : ي بسمه انتي ليه مش عايزه تفهمي اني بحبك وهتقدملك لما تتخرجي
استوب
سيف ابن اللواء مراد مختار عمره 26 سنه شاب طموح خريج كليه هندسه وعنده شركه باسمه وبيحب بسمه لكن مامته مش موافقه عليها
بسمه : ي سيف انا والله بحبك بس مامتك مش هتوافق عليا
سيف : ومين قالك مش هتوافق
بسمه : عشان المستوي الاجتماعي اللي بيني وبينك
سيف : يلعن ابو المستوي الاجتماعي وسنينه انا ميهمنيش كل دا
بسمه : بس مامتك بتهتم بالأمور دي
سيف: ي ستي انا اقنع امي ارتحتي
بسمه : اللي تشوفه ي سيف
في الشركه تليفون نسمه رن وكان رقم غريب
نسمه : الو
مجهول : الأستاذة نسمه معايا ؟
نسمه : ايوه انا مين معايا
مجهول : مش انتي خطيبك اسر منصور
نسمه : ايوه ليه ماله
مجهول : انا شوفت خطيبك طالع مع بنت في الشقه فقلت أبلغك واعمل خير
نسمه بصدمه : انت بتقول ايه
Nora Zakaria