روايه (العدالة )
الفصل السابع
سيف ومراد وابتسام وصلوا بيت بسمه وأم بسمه هي اللي فتحتلهم
فايزه : اتفضلوا
مراد بالصدمه : فايزه
ابتسام : هو انتوا تعرفوا بعض ولا ايه
مراد : فايزه كانت زميلتي في الكليه
ابتسام : اه قولتلي
فايزه : اتفضلوا جوا نورتونا
وبعدين دخلوا اوضه الضيوف
يوسف : نورتوا البيت
مراد : مش انت بتشتغل في شركه شريف
يوسف: ايوه ي أفندم انا
مراد : شريف صاحبي وبيشكر في شغلك وانت وأسر
يوسف : الشرف ليا ي أفندم
مراد : بلاش ي أفندم دي احنا هنبقي اهل
ابتسام بقرف : فين العروسه خلينا نخلص
فايزه بحسن نيه : اروح اندهالها
سيف ميل علي مامته وقال : الله يخليكي ي ماما مش عايز اي مشاكل خلي الليله تعدي علي خير
وبعدين دخلت بسمه وكانت في غايه الجمال كانت لابسه فستان طويل لونه نبيتي وجايبه شعرها علي جنب وحاطه ميكب خفيف وملامحها هاديه جدا وسيف كان تايه في جمالها
مراد : زي القمر ماشاءلله
بسمه : ميرسي ي عمي
ابتسام بسخريه : عمي اسمها انكل ي حبيبتي او مراد باشا معلش ي حبيبتي شكلك مش متعوده
مراد نظر ليها نظره خلتها تخاف منه وتسكت
بسمه بابتسامه صفرا : معلش ي طنط مع الايام هتعود
وبالطبع يوسف وأمه ومش عجبهم كلام وتصرفات ابتسام
مراد : ندخل في المهم احنا جايين نطلب أيد بسمه ل ابننا سيف قولت ايه
يوسف : يشرفنا ي أفندم ان اختي تتجوز ابن حضرتك
سيف : انا مش عايز حاجه من بسمه غير شنطه هدومها
يوسف : بسمه اختي الوحيده فلازم اجهزها زي البنات وأحسن كمان
مراد : كل حاجه موجوده وجاهزه ولو عايزه تعيش معانا أهلا وسهلا ولو عايزه تعيش لوحدها براحتها
ابتسام : ازاي تعيش وحدها انا ابني ميبعدش عني
بسمه : المكان اللي هيكون فيه سيف هكون معاه
مراد : يبقي علي بركه الله نقرا الفاتحة
سيف : الفرح بعد شهر
فايزه : وليه الاستعجال ي بني
سيف : ولا استعجال ولا حاجه ي طنط بدل كل حاجه جاهزه
فايزه : علي خيره الله
بعدين مراد وابنه ومراته روحوا فيلتهم
في فيلا اللواء مراد مختار
ابتسام بعصبيه : هي دي الست هانم اللي سبتني عشانها ومكنتش عايز تتجوزني
مراد : وطي صوتك احسن ليكي ي ابتسام
ابتسام : واوطي صوتي ليه مش دي الحقيقه
مراد : ايوه كنت بحبها عشان كانت مختلفه عنك وبتحبني بجد مش بتحب فلوسي
ابتسام : انت تقصد ايه بالكلام دا
مراد : انتي عارفه كويس انا اقصد ايه
ابتسام : إذا كان كدا الجوازه دي مش هتم غير علي جثتي
مراد : الجوازه دي هتم يعني هتم ي ابتسام والفرح بعد شهر زي ما سمعتي وخلص الكلام علي كدا
ابتسام : بقا كدا ماشي ي مراد
في صباح جديد مليان بالمفاجاءات والأحداث
في شركه شريف الدالي
اسر وهو بيشتغل وصلتلوا رساله مضمونها "لو عايز تعرف حقيقه خطيبتك تعالي علي العنوان اللي هبعتهولك "
اسر في نفسه : حقيقه خطيبتي ورن تليفونه تاني يعلن عن رساله تانيه مضمونها " دا العنوان ....... متتاخرش هستناك "
اسر : انا لازم اروح عشان اعرف ايه الحكاية
وهو خارج من المكتب قابل خطيبته نسمه
نسمه : مالك مستعجل كدا
اسر : جالي تليفون مهم ولازم اروح
نسمه : في حاجه حصلت في البيت
اسر : لا مفيش سلام
في بيت يوسف
ابتسام وصلت البيت وفتحتلها فايزه
فايزه : أهلا وأسهلا اتفضلي
ابتسام : انا مش جايه أضيف انا جايه اقولك كلمتين تسمعيهم كويس
فايزه : طب اتفضلي نتكلم جوه احسن
في اوضه الضيوف
فايزه : خير ايه الكلمتين اللي عايزاني فيهم
ابتسام : ابعدي عن جوزي احسن
فايزه : مش فاهمه تقصدي ايه
ابتسام : لا انتي فاهمني كويس اوي
فايزه : انتي جايه بيتي تقوليلي الكلمتين دول كنتي كلمتيني بالتليفون احسن
ابتسام : انا حبيت أحذرك بس
فايزه : انتي واعيه للكلام اللي بتقولي دا ازاي بعد كل السنين دي اجاي اخطف جوزك منك
ابتسام : مش بعيده عليكي تعمليها زي ما كنتي هتعمليها زمان
فايزه : لا انتي شكلك كبرتي وخرفتي فاكره انتي عملتي فيا ايه عشان تبعديني عن مراد ولا ناسيه
ابتسام : لا انتي زوديها اوي
فايزه : اتفضلي بره ومعنديش بنات للجواز
عند اسر
وصل اسر العنوان اللي بعتهوله المجهول وكان شارع مقطوع ومحدش بيعدي من الطريق دي
مجهول : اخيرا جيت ي راجل
اسر : هو انت ؟
Nora Zakaria
أنت تقرأ
روايه بعنوان العدالة
Mistero / Thrillerالروايه تتحدث عن اتنين اصحاب بيشتغلوا في نفس الشركه وابن صاحب الشركه مش بيحبوهم بسبب باباه دايما بيقارنهم بيه ومن هنا تبدا العدواه والانتقام
