روايه (العدالة )
الفصل الخامس
نسمه وصلت بيت فرح ولحسن الحظ فرح هي اللي فتحتلها واول ما فتحتلها اتصدمت من منظرها وهدومها المقطعه وعيونها اللي كانت حمرا من العياط
فرح : مين الحيوان اللي عمل فيكي كدا ؟
نسمه اترمت في حضن فرح وفضلت تعيط
فرح : تعالي جوه وبعدين نتكلم
ام فرح : مين ي فرح
فرح : دي صحبتي ي ماما
فرح اخدت نسمه ودخلت اوضتها
فرح : احكيلي ايه اللي حصل ومين عمل فيكي كدا ؟
نسمه قالت كل حاجه لفرح وهي بتعيط
نسمه : هو دا كل اللي حصل
فرح : دا شيطان مش بني ادم
نسمه بالدموع : انا خايفه الصور توصل لاسر ويفضحني في الشركه ودا لو امي عرفت هتروح فيها
فرح : انتي لازم تعملي محضر عشان تاخدي حقك
نسمه بخوف : لا محضر لا انا مش قد عمر وكمان لو عملت محضر مش اخد حقي انتي متعرفيش عمر ممكن يعمل ايه
فرح : ي بنتي انا معاكي متخفيش
نسمه : الله يخليكي ي فرح مش عايزه مشاكل مع عمر ولا ايه مخلوق
فرح : انشاءلله خير ي حبيبتي انا اجبلك هدوم غير اللي لابسها عشان مقطعه
نسمه : مش عارفه اشكرك ازاي
فرح : تشكريني علي ايه ي عبيطه انتي اختي ، خدي البسي دول
نسمه : شكرا بجد
عند اكرم وعمر
اكرم : هتعمل ايه الخطوه الجايه
عمر : ابعت الصور والفيديو لحبيب القلب
اكرم : بص انا وفقت علي خطتك القذرة دي عشان انت صاحبي لكن ايه حاجه تانيه اتصرف انت لوحدك
عمر : هانت عليك العشره
اكرم : ولا عشره ولا نيله سلام
عمر : بقا كدا ي اكرم ماشي
في بيت فرح
نسمه : انا امشي دلوقتي عشان اتاخرت علي ماما
فرح : كلمي مامتك قوليلها انك عندي وخليكي معايا النهارده
نسمه : مش هينفع وماما بتاخد علاج ولازم تاخدوا
ام فرح : خليكي شويه ي بنتي
نسمه : مره تانيه ي طنط ومبسوطه اني اتعرفت عليكي يلا سلام
فرح : طب تعالي اوصلك
نسمه : مفيش داعي سلام
وصلت نسمه بيتها وكانت خايفه جدا
في بيت نسمه
ام نسمه : يعني اتاخرتي ي بنتي قلقتيني عليكي
نسمه : اصل وقعت وهدومي كلها كانت طين فصاحبتي خدتني عندها وجبيتلي لبس عشان اروح بيه
ام نسمه : كتر خيرها ي بنتي طب ادخلي نامي شويه عقبال لما احضر الاكل
نسمه : حاضر ي ماما
دخلت نسمه اوضتها ودخلت في نوبه بكاء مش طبيعيه وكانت بتحاول تكتم صوتها عشان امها مش تسمعها ومن كتر التعب والعياط نامت وبكداينتهي اليوم ويبدا يوم جديد مليان بالاحداث
في شركه شريف الدالي
يوسف : مالك ي اسر
اسر : قلقان علي نسمه من امبارح قافله تليفونها ومجتش الشركه النهارده
يوسف : يمكن يكون تعبانه وخدت اجازه النهارده
اسر : مش عارف يارب تكون بخير
يوسف : انشاءلله خير ، ومامتك عامله ايه دلوقتي
اسر : الحمدلله اتحسنت عن الاول
يوسف : الف سلامه عليها
اسر : الله يسلمك
في الجامعة عند بسمه
سيف : صباح الخير
بسمه : صباح النور مالك ؟
سيف : مفيش
بسمه : اتخانقت مع مامتك عشاني صح
سيف : ايوه
بسمه : لو الجوازه دي تمت هيحصل مشاكل كتير ومامتك مش هتسيبني في حالي فخلينا اصحاب احلي
سيف : الجوازه دي هتم ي بسمه وكدا كدا مش هخليكي تقعدي مع امي
بسمه : اللي في الخير يقدمه ربنا
في الشركه
اسر : لسه قافله تليفونها انا هتجنن
يوسف : خلاص لما تخلص شغل روحلها
اسر : انا لسه هستني لما اخلص شغل انا اروح استأذن واروحلها سلام
اسر استاذن من المدير وراح لخطيبته وصل الشقه وخبط علي الباب ومامتها هي اللي فتحت
ام نسمه : اسر ! اتفضل ي بني
اسر : شكرا ي طنط هي نسمه لسه نايمه
ام نسمه : لا صاحيه ثانيه اندهالك
دخلت اوضه بنتها عشان تقولها
ام نسمه : قومي ي بنتي خطيبك بره
نسمه : مش هقابل حد
ام نسمه : ي بنتي قومي عيب كدا
نسمه : حاضر ي ماما حاضر
نسمه غسلت وشها وطلعت ل اسر
نسمه : صباح الخير
اسر : صباح النور يعني عنيكي حمرا ووشك اصفر
نسمه : اصل في نمله دخلت فيها عشان كدا حمرا
اسر : يعني قافله تليفونك ومجتيش الشغل
نسمه بحزن : مفيش حبيت افصل شويه عن العالم
اسر : نسمه انا فهمك كويس قولي فيه ايه من غير لف ودوران
نسمه : صدقني ي اسر مفيش حاجه
اسر : احاول اصدقك بس ابقي تعالي الشغل بكره هستناكي
نسمه : هحاول
اسر : انا همشي ولو حبيتي تكلميني في اي وقت انا تحت امرك
نسمه : حاضر
اسر : سلام بقا
طلعت ام نسمه وفي ايديها العصير
ام نسمه : رايح فين ي بني اقعد شويه
اسر : مره تانيه بعد اذنكم
ام نسمه : إذنك معاك ي بني
بعد ما اسر مشي نسمه دخلت اوضتها تكمل عياط علي حالها ومستقبلها اللي ضاع وتدعي علي عمر اللي كان السبب
في الجامعة عند فيروز
نادر : اخبارك ايه ي حبيبتي
فيروز : كويسه ي بيبي
نادر : خلصتي محاضرتك
فيروز : ايوه لسه مخلصه
نادر : عندك محاضرات تانيه
فيروز : لا هي كانت واحده بس
نادر : طب كويس عشان النهارده عازمك في مطعم يجنن لسه مفتوح جديد وبعدين نروح نقعد علي البحر شويه
فيروز بفرح : دي هتبقي خروجه تجنن
نادر : اكيد ي روحي
نادر وفيروز راحوا المطعم طلبوا اكل وبعدين راحوا البحر
نادر : عجبك الاكل ي حبيبتي
فيروز : اه كان حلوه جدا ميرسي بجد
نادر : انتي تومري وانا أنفذ
وبعدين نادر طلع منديل عليه مخدر وحطه علي وش فيروز
فيروز : ايه دا انت بتعمل ايه
نادر : اصل كان فيه بقايا اكل وانا شلتهالك
فيروز : نادر انا
وفجاه فيروز وقعت علي الارض من المخدر
Nora zakaria
أنت تقرأ
روايه بعنوان العدالة
Misterio / Suspensoالروايه تتحدث عن اتنين اصحاب بيشتغلوا في نفس الشركه وابن صاحب الشركه مش بيحبوهم بسبب باباه دايما بيقارنهم بيه ومن هنا تبدا العدواه والانتقام
