روايه بعنوان العدالة

الفصل (20)

الفصل (20) والأخير
بسمه : هي الأخبار اللي سمعناها دي صح ي سيف
سيف بخجل : للاسف ايوه
بسمه بانفعال : طب ليه تعمل كدا ؟ احنا عملنا ايه ليها
مش ذنبي اني حبيتك وانت حبتني
يوسف : هو فيه ايه ي جدعان متفهوموني بيحصل ايه هنا
بسمه : ابتسام هانم كانت السبب في انك تدخل السجن
يوسف : ازاي يعني مش عمر هو اللي قتل اسر وخلاص قبطوا عليه ولا ايه
بسمه : ابتسام هانم كانت مشتركه مع عمر في الجريمه
فايزه : بسمه عيب كدا
سيف : سيبيها ي طنط براحتها انا عارف اللي حصل دا كان صدمه ليها وليا كمان بس صدقيني مش بايدي انا النهارده جايلك لو انتي عايزه تكملي معايا أكون اسعد واحد في العالم ولو مش عايزه براحتك
فايزه : هي ملوش ذنب في كل اللي حصل اوعي تحاسبيه علي ذنب حد تاني
يوسف : امي كلامها صح ي بسمه أوقات كتير الآباء والأمهات بيعملوا حاجات غلط وبعدين العيال هما اللي بشيلوا الذنب طول حياتهم لكن انا عارفه انك مش هتعملي كدا وهتسامحي سيف
بسمه : يعني اسامحه بعد اللي عملته امه فيك وكمان دي حاولت تأذي ماما زمان وكانت عايزه تموتها وبعدتها عن حبها الوحيد وجاي تقول سامحيها
فايزه : انا سامحتها سامحيها انتي كمان سيف مش ذنبه حاجه
بسمه : لدرجاتي ي ماما قلبك طيب
سيف : طنط ويوسف سامحوني فاضل انتي ي بسمه
بسمه : وانا كمان سامحتك
وفجاه دخل مراد
مراد : كنت واثق ان قلبك كبير زي مامتك
بسمه : أنكل مراد اذيك
مراد : الحمدلله ي بنتي انتي اخبارك ايه
بسمه : تمام الحمدلله
مراد : اذيك ي فايزه
فايزه : الحمدلله ي مراد
مراد : انا اسف علي كل حاجه حصلتلك بسببي
فايزه : اللي فات مات ي مراد خلينا نعيش النهارده
مراد : بما ان صافي ي لبن انا عايز اعمل فرح ابني بعد أسبوعين
يوسف : وانا اتفقت انا وفرح ان فرحنا هيكون مع سيف وبسمه
مراد : خلاص علي خيره الله والفرح هيكون بعد أسبوعين وكل حاجه جاهزه متعلوش الهم
اما بالنسبه ل عمر وابتسام اتحكم عليهم بالسجن المؤبد
ويعدي أسبوعين وجه ميعاد الفرح
وقفت بسمه قدام المرايا تتأمل نفسها بفستان الفرح وفاقت علي صوت الميكب ارتست
الميكب ارتست بإعجاب وانبهار : مبروك طالعه زي القمر
ابتسمت بسمه مش مصدقه اللي بيحصل وقلبها بيدق بسرعه
بسمه : ايه رايك ي ماما
اقتربت منها فايزه وهي بتمسح دموع الفرح : زي القمر ي حبيبتي ربنا يحميكي
وبعدين دخلت نسمه ونيرمين ونسمه كانت لابسه فستان اسود وطويل ورافعه شعرها وسايبه خصلات من شعرها نازله علي وشها ونيرمين لابسه فستان قصير لونه اسود وهادي وسايبه شعرها
نسمه : الف مبروك ي حبيبتي
بسمه : الله يبارك فيكي
فايزه : رايحه اشوف فرح خلصت ولا لسه
نسمه : خديني معاكي ي طنط
فايزه : تعالي
فايزه ونسمه راحوا عند فرح واول ما دخلت فايزه قالت
فايزه : ماشاءلله عليكي زي القمر ي حبيبتي
فرح : شكرا ي طنط
فايزه : لا طنط ايه قوليلي ي ماما انتي بقيتي بنتي
فرح بابتسامه : حاضر ي ماما
نسمه : بدر منور ي اخواتي الف مبروك ي احلي فرح
فرح : الله يبارك فيكي ي حبيبتي هو يوسف خلص ولا لسه
فايزه : ايوه خلص ورايح يسلم اخته لعريسها وهيجيلك علطول
عند بسمه
نيرمين : العريس تحت مستنيكي
ابتسمت بسمه بسعاده وصوت ضحكتها طلع من بين طلوعها ليدل علي سعادتها بلحظه دي
يوسف : يلا ي بسمه أسلمك لعريسك عشان اروح اشوف عروستي
بسمه حطت أيديها في دراع اخوها واول ما حطت رجلها علي اول درجات السلم ازداد خوفها من رد فعل سيف وكان سيف مستنيها تحت واول ما سمع صوت الزغاريد رفع راسه واندهش وانبهر من جمال بسمه كانت لابسه فستان ضيق من عند الصدر ومطرز بفصوص فضيه وباكمام شفافه وعليه ورد ابيض وشعرها مرفوع وبعض خصلات شعرها علي وشها  وعلي رأسها طرحه طويله تنتهي بديل طويل ولابسه تاج فضي كأنها ملكه
سيف سرح في جمالها وفاق علي صوت يوسف
يوسف : خلي بالك منها حطها في عينيك
سيف : دي في قلبي وعينيا
وبعدين خدها وراحوا القاعه وسط زغاريد وهتاف الناس ويوسف رجع يجيب عروسته
عند فرح كانت مستنيا هي ومامتها يوسف ييجي ياخدها
ويوسف : هو انتي فرح ولا انا غلط في العنوان
فرح : لا غلط في العنوان ي خفيف
يوسف : هو حد يزعل في يوم زي دا فرفشي كدا بس ايه الحلاوه دي كلها
فرح : بجد طالعه حلوه
يوسف : دا انتي احلي من القمر
فرح فستانها كان يشبه فستان بسمه الي حد ما وكانت فرح ايه من الجمال
ام فرح : خلي بالك منها ي ابني انا مليش غيرها في الدنيا
يوسف : متخفيش ي ماما انا احطها في عينيا
ام فرح : تسلم عينيك ي ابني
وبعدين يوسف خد عروسته وراح القاعه اللي فيها سيف وبسمه وتم زواجهم
عند زياد ونيرمين
زياد : واحنا امتي هنتجوز ؟
نيرمين باستغراب : نتجوز !
زياد : ايوه مستغربه ليه ؟
نيرمين : لا مش مستغربه ولا حاجه بس انت اول مره تتكلم معايا في موضوع زي دا
زياد : اهو ي ستي بفتح في الموضوع ها تتحوزيني
نيرمين ابتسمت وسكتت
زياد : السكوت علامه الرضا نقول مبروك
نيرمين بابتسامه جميله : انا موافقه
زياد : اخيرا دا انتي دوبتيني ي شيخه
نيرمين : بتقول حاجه
زياد : بقول تعالي نرقص مع العرسان
شغلوا موسيقي هاديه وكل واحد رقص مع حبيبته وكان فرح جميل ومليان بهجه وفرح وعاشوا حياتهم في سعاده وحب ابدي ❤️
🌹🌹النهايه 🌹🌹
يارب تكون الروايه عجبتكم ❤️
Nora Zakaria