روايه بعنوان العدالة

الفصل الثامن

روايه العدالة
وصل اسر العنوان وكان عباره شارع مقطوع محدش بيعدي منه
عمر : اخيرا جيت ي راجل
اسر : هو انت ؟ لو حسابي انت مكنتش جيت
عمر ببرود : ليه بس دا انا حتي جاي عشان اساعدك
اسر : انجز عايز ايه
عمر : اتفضل شوف خطيبتك المصونه الشريفة
اسر خد الصور واتصدم من اللي فيها وفضل غايب عن العالم
عمر : اتصدمت مش كدا علي فكره هي اللي جت عندي برجليها
اسر حاول يجمع قوته اللي انهارت وقال
اسر : انت كداب نسمه عمرها ما تعمل كدا عشان هي اشرف منك
عمر : ي حرام بعد كل دا تقول اشرف مني وكمان لو عايز تتاكد خد الصور واتاكد براحتك انا عندي نسخ كتير منها اصل انت عارف بحب نسمه اد ايه
اسر بغضب : ي حيوان وبعدين لكمه علي وشه وعمر وقع علي الارض
اسر : انا مستحيل اصدقك
عمر قام من علي الارض متعصب وعينه حمرا من الغضب
عمر : انت اللي بدأت مفيش حد اتجرا يمد ايده عليا تيجي انت ي رخيص ي حيوان تضربني
اسر بغضب : واموتك كمان
عمر : لا انت زودها
عمر طلع سكينه من جيبه وفي حركه غدر فتح بطن اسر وهرب بسرعه قبل ما حد يشوفه
في الشركه
نسمه : يارا هو اسر رجع الشركه تاني
يارا : لا معرفش صدقيني
نسمه : طب يوسف روح ولا لسه
يارا : يوسف مشي من ساعه
نسمه : شكرا ي يارا
يارا : العفو ي حبيبتي بس هو فيه حاجه
نسمه : لا مفيش
يارا بتشتغل مع نسمه في نفس المكتب
نسمه : انا قلبي وجعني انا لازم اروحله البيت
وصلت نسمه بيت اسر وفتحتلها ام اسر
ام اسر : أهلا ي بنتي اتفضلي
نسمه :شكرا ي طنط هو اسر موجود
ام اسر : لا ي بنتي لسه مرجعش من الشغل مش انتوا بتشتغلوا مع بعض بردوا
نسمه : ما هو استاذن من الشغل وبرن عليه من ساعه مش بيرد قلقانه عليه
ام اسر : يعني هيكون راح فين ؟ جيب العوايد سليمه يارب
في العربيه
نيرمين : ماشي ي ثروت الكلب بتمسكني من أيدي اللي بتوجعني
استوب
نيرمين محاميه مشهوره وشاطره في شغلها عمرها 26 سنه رغم صغر سنها لكن مفيش قضيه الا لما تكسبها
جميله وملامحها هاديه وبتحب شغلها جدا
نيرمين شافت اسر مرمي علي الارض من مرايه العربيه
نيرمين : يلهوي وايه دا كمان
نزلت من العربيه وشافت اسر غرقان في دمه وقلبه بينبط ببطئ
نيرمين : ينهار اسود انا لازم ابلغ الشرطه والإسعاف
في بيت اسر
ام اسر : ي بنتي انا قلبي وجعني رني عليه تاني
نسمه : حاضر هرن تاني
في موقع الجريمه
نيرمين سمعت رنه تليفون فدورت في جيوب اسر ولقيته وردت علي التليفون
نسمه : ايوه ي اسر انت فين قلقتيني عليك
نيرمين : انا مش اسر
نسمه : امال انتي مين وأسر فين
نيرمين : متخافيش اسر اتصاب اصابه بسيطه واتصلت بالإسعاف وزمانهم جايين
نسمه بصدمه : ايه طب اديني العنوان بسرعه
نيرمين : مستشفي .....
نسمه : مسافه السكه وبعدين قفلت السكه
ام اسر : طمنيني ي بنتي
نسمه : اسر اتصاب وفي المستشفي
ام اسر : يارب حافظ علي ابني مليش غيره ارجوك يارب وبعدين غيرت هدومها وراحت المستشفي هي ونسمه
وصلت الإسعاف المستشفي ودخلوا اسر اوضه العمليات وبعد دقايق وصلت نسمه وأم اسر المستشفي وسأله علي اوضه اسر وراحوا عنده
ام اسر : هو ابني جراله ايه
نيرمين : هو في اوضه العمليات والدكتور لسه مطلعش
ام اسر : شكرا ي بنتي تعبتك معايا
نيرمين : ولا تعب ولا حاجه ي طنط
وفجاه تليفون نسمه رن وكانت فرح
نسمه : الو ي فرح
فرح : ماله صوتك
نسمه : اسر في المستشفي ي فرح والدكتور لسه مطلعش
فرح : طب هو كويس ؟
نسمه : معرفش
فرح : طب هو في مستشفي ايه
نسمه : في مستشفي ....
فرح : خير انشاءلله ي حبيبتي وانا مسافه السكه وأكون عندك انا ويوسف وبعدين قفلت مع نسمه
يوسف : مين اللي في المستشفي ي فرح
فرح : اسر
يوسف : ايه ؟ طب يلا بسرعه نروحله
في المستشفي
وبعد ساعه الدكتور خرج من اوضه العمليات وجريت عليه ام اسر ونسمه ونيرمين
ام اسر : طمني ي دكتور
الدكتور : والله ي مدام انا أكون صريح معاكي لو عدت 24 ساعه علي خير احتمال يكون كويس بس لازم تعملوا محضر عشان اللي عمل كدا هيعمل في ناس تانيه
نيرمين : المقدم طارق مستني لما اسر يفوق وهيعمل محضر
ام اسر : انا مش عايزه اعمل محضر انا عايزه ابني يقوم بسلامه
وبعد ربع ساعه يوسف وفرح وصلوا المستشفي
يوسف : اسر عامل ايه
نسمه بالدموع : الدكتور قال حالته خطيرة
فرح حضنتها وقالت انشاءلله خير ي حبيبتي
ام اسر نظرت ل نيرمين وقالت : كتر خيرك ي بنتي تقدري تروحي دلوقتي بدل ما اهلك يقلقوا عليكي
نيرمين : انا مش همشي غير لما اطمن عليه وكمان انا معنديش أهل قاعده لوحدي ومستنيه الظابط عشان يعمل محضر وياخد أقوال اسر
يوسف : ليه المحضر ؟ هو اسر ماله ؟
نيرمين : انا لقيته علي الطريق مرمي وحد فتح بطنه بس انشاءلله هجيب اللي عمل كدا
نسمه واقفه قدام العنايه المركزه وشايفه اسر نايم علي السرير وجانبه اجهزه كتير متواصلة بجسمه وأنبوبة أكسجين منظر صعب عليها وعلي اي حد انك تشوف شخص كان بيجري قدامك وبيلعب وفجاه تلاقيه نايم علي السرير في المستشفي وانت مش عارف تعمله حاجه او تتكلم معاه
وبعد ساعه جهاز الأنظار رن والدكتور دخل ل اسر بسرعه لقي نبض القلب وقف عمل صدمات كهربية لاعاده النبض وبعدين طلع الدكتور من الاوضه ووشه لا يبشر للخير
نسمه : طمنا ي دكتور
الدكتور : البقاء لله شدوا حيلكم
Nora Zakaria