روايه بعنوان العدالة

الفصل الحادي عشر

روايه العدالة
مريم : اصل ايه ماتنطقي
فيروز : اصل لو معملتش اللي هو عايزه هيبعت الصور لبابا
مريم باستغراب : صور ايه ؟
فيروز : اصل انا حامل من نادر
مريم بصدمه : ايه !! طب انتي هتعملي ايه دلوقتي
فيروز : مش عارفه انا خايفه
مريم : طب هو عايز ايه دلوقتي
فيروز : اكيد عايز فلوس تاني عشان كدا بهددني
مريم : مش دا اللي حذرتك منه ومسمعتيش كلامي وقولتي بيحبني وكلام ملهوش لازمه اشربي بقا
فيروز : انتي جايه تشمتي فيا انا غلطانه ان قولتلك
في بيت يوسف
فايزه : كلمتي سيف تاني ؟
بسمه : ايوه كلمته ي ماما
فايزه : طب وصل لحاجه
بسمه : لا موصلش لحاجه
فايزه : يارب ابني مظلوم ارجوك اقف معاه
وفجاه جرس الباب رن وكانت نسمه
فايزه : اتفضلي ي بنتي
نسمه : صحيح اللي سمعته دا ي طنط
فايزه بالدموع : ابني مظلوم ومعملش حاجه
نسمه : انا مصدقاكي وعارفه انه مظلوم عشان كدا جايه عشان أساعده
في مديريه الأمن تم استدعاء يوسف للتحقيق مره تانيه
وكيل النيابه : لسه مش راضي تعترف
يوسف : اعترف علي حاجه معملتهاش
وكيل النيابه : الطب الشرعي اثبت ان الجزمه اللي لاقينها في موقع الجريمه بتاعتك
يوسف : هو انا الوحيد اللي بلبس نفس النوع من الجزم ولا ايه
وكيل النيابه : بلاش الجزمه طب السلاح اللي عليه بصماتك
يوسف : كل دا كدب انا مقتلتش حد
وكيل النيابه : الكلام دا تقوله في المحكمة بكره
في فيلا مراد مختار
مراد : قضيه يوسف وصلت لفين
سيف : نيرمين بتشتغل علي القضية وبكره اول جلسه ليوسف
مراد : خير انشاءلله
في مكتب نيرمين
نرمين شغاله علي القضية دخلت عليها نسمه
نسمه : مساء الخير
نيرمين : مساء النور اتفضلي ي نسمه
نسمه : شكرا انا جايه اتكلم معاكي في موضوع مهم بخصوص قضيه يوسف
نيرمين : اتفضلي ي نسمه
نسمه : انا شاكه ان عمر هو اللي قتل اسر
نيرمين باستغراب : عمر مين ؟
نسمه : عمر شريف الدالي
نيرمين : انتي قصدك ابن رجل الاعمال شريف الدالي
نسمه : ايوه هو
نيرمين : طب ايه علاقه اسر بعمر
نسمه : عمر كان بيحبني لكن انا رفضته واخترت اسر فهو اتغاظ وغضب لان معروف ان عمر اي حاجه يطلبها تكون عنده
نيرمين : وبعدين كملي
نسمه : انا لما رفضته هو قرر ينتقم مني ومن اسر فبعتلي رساله من رقم غريب بيقول ان اسر بيخوني واداني العنوان وبعدين روحت واول ما وصلت الشقه لقيت حد بيحط حاجه علي وشي ودخلني الشقه واول ما فوقت
نيرمين : كملي انا معاكي
نسمه بالدموع : واول ما فوقت لقيت عمر قدامي واغتصبني وهددني ان الصور هتتبعت لاسر وهيفضحني
نيرمين : اهدي ي حبيبتي وانا معاكي وكلامك دا مهم جدا في القضية بس ركزي معايا كويس
تاني يوم في المحكمة
الحارس : محكمه
القاضي : الدفاع يتفضل
قامت نيرمين بكل وقار واحترام  وقالت
نيرمين : سيدي الريس حضرات الساده المشتشارين اطلب من حضرتكم استدعاء الشهود
الحارس : الشاهد الاول فرح مجدي
طلعت فرح علي منصه التحقيق
نيرمين : قوليلي ي فرح كنتي فين يوم التلات الساعه 9بالليل
فرح : كنت انا ويوسف في الكافية ورنت علينا نسمه وقالت ان اسر في المستشفي
نيرمين : طب ملاحظتيش اي خلافات بين يوسف وأسر الفتره اللي فاتت
فرح : لا خالص يوسف كان بيحب اسر وبيعتبره اخوه
نيرمين : شكرا ي فرح
القاضي : اي اسئله تانيه ي أستاذه
نيرمين : لا ياريس
القاضي : نادي علي الشاهد التاني
الحارس : الشاهد التاني نسمه فايز
طلعت نسمه علي منصه التحقيق
نيرمين : قوليلي ي نسمه اخر مره شوفتي اسر فيها كانت امتي
نسمه : كنت في الشركه وساعتها جاله اتصال قولتله رايح فين قالي عندي مشوار مهم لما مرجعش الشركه تاني اتصلت عليه مكنش بيرد روحتله البيت مكنش هناك ولما رنيت عليه تاني الأستاذة نيرمين هي اللي ردت وقالتلنا ان اسر في المستشفي
وكيل النيابه : والأستاذة نيرمين ايه اللي وداها في حته
مقطوع زي كدا وكمان متاخر
نيرمين : طبيعه شغلي بتخليني اروح متاخر وان كان علي الطريق المقطوعه انا بروح منها علطول عشان زحمه المواصلات
القاضي : كملي ي أستاذه
نيرمين : قوليلي ي نسمه اسر كان ليه أعداء
نسمه : اسر كان كله بيحبه في الشركه وهو ويوسف روح واحده مش روحين
نيرمين : شكرا ي نسمه
القاضي : نادي علي الشاهد التالت
الحارس : الشاهد التالت شريف الدالي
وقف شريف علي منصه التحقيق
نيرمين : قولي ي شريف بيه بما ان حضرتك صاحب الشركه اللي بيشتغل فيها يوسف هل شوفت يوسف بيتخانق مع اسر او اي حد او عليه تصرفات غريبه كدا
شريف : يوسف من احسن الموظيفين عندي عشان كدا خليته يمسك الحاسبات في الشركه اما عن التصرفات الغريبه انا مشفتش منه حاجه وحشه من ساعه ما اشتغل عندي
نيرمين : طب ممكن حضرتك لما خليت يوسف مسؤول عن الحاسبات اسر اتغاظ فحب ينتقم منه ويوسف دافع عن نفسه
فقتل اسر
شريف : معتقدش الكلام دا صحيح
نيرمين : شكرا ي شريف بيه
القاضي : اي اسئله تانيه
نيرمين : لا شكرا ، زي ما حضرتكم شوفتوا ان موكلي مفيش بينه وبين المرحوم اسر اي خلاف وهذا يعني ان موكلي بري ومقتلش اسر
وكيل النيابه : اعترض ي سيدي القاضي علي هذا الكلام فنحن لدينا ادله تثبت ان المتهم الوحيد هو يوسف خالد
نيرمين : موكلي بري حتي تثبت ادانته
القاضي : اي طلبات تانيه ي أستاذه
نيرمين : بطلب من النيابه يتم تشريح الجثه مره اخري وشكرا
القاضي : قررت المحكمة تكليف مصلحه الطب الشرعي لتشكيل لجنه من كبار الأطباء الشرعيين وأعاده تشريح الجثه في اقرب وقت رفعت الجلسه
بعد المحكمة جريت فايزه وبسمه ليوسف
فايزه : متخفش ي حبيبي هتطلع من هنا
يوسف : ادعيلي ي امي
فايزه : ربنا معاك ي ابني وينصفك
عند نيرمين ونسمه
نسمه : انتي ليه مخلتيش اجيب سيره عمر في الموضوع
نيرمين : عشان خطتنا تمشي زي ما مخططين وعمر ما يشكش فيكي
في فيلا شريف الدالي جرس الباب رن وفتحت الداده
الداده : مين حضرتك ؟
مجهول : ابعتي الظرف دا لشريف بيه
الداده : نقوله مين ؟
مجهول : فاعل خير
Nora Zakaria