روايه (العدالة )
الفصل (18)
عمر بتوتر : انا معملتش كل دا
زياد : امال مين ؟
عمر : انا احكيلك علي كل حاجه انا معظم الوقت في الشقه بتاعتي مش بروح البيت غير بالليل المهم فيه ست جاتلي الشقه بعد ما قتلت اسر
فلاش باك
ابتسام : انت عمر مش كدا ؟
عمر : ايوه انا انتي مين ؟
ابتسام : انا اسمي ابتسام
عمر : اقدر اساعدك في حاجه
ملحوظه
علي الرغم من ان ابو عمر اللي هو شريف الدالي وزوج ابتسام اللي هو مراد مختار اصحاب لكن عمر ميعرفش ابتسام وابتسام نفس الكلام
ابتسام : انا عارفه ان يوسف مقتلش اسر انت اللي قتلته
عمر بعصبيه : انتي بتقولي ايه ي ست انتي انتي جايه هنا تلبسيني تهمه وخلاص
ابتسام : اهدا بس انا جايه اساعدك
عمر : ازاي مش فاهم
ابتسام : احنا هنلبس الجريمه دي ليوسف خالد اكيد انت تعرفه
عمر : ايوه اعرفه بس اشمعنا يوسف ؟ وهتعملي اللي انتي بتقولي دا ازاي ؟
ابتسام : هنجيب ادله تثبيت عليه التهمه
عمر : وايه هي الادله دي وهتجيبيها ازاي
ابتسام : انت تجيبلي نفس السكينه اللي قتلت بيها اسر وانا اوديها لبيت يوسف بحجه راحه اسأل عليهم واجيب جزمه من جزم يوسف وييجي بقا الدور عليك انت هتودي الجزمه دي موقع الجريمه واكيد الشرطه هتروح لموقع الجريمه اكتر من مره عشان تلاقي اداله او اي حاجه في القضية وتبعت حد للقسم يقول ان شاف يوسف وهو بيقتل اسر وبعدين تخلي الشخص دا يختفي خالص مفهوم
عمر : وليه تعملي كل دا
ابتسام : ملكش دعوه اعمل ايه ومعملش ايه مفهوم
عمر : سوال اخير هو انتي تعرفي يوسف منين ؟
ابتسام : يوسف اعرفه عز المعرفة
باك
وبعد ساعات طلبت مني اقابلها تاني عشان تديني الجزمه اوديها في المكان اللي قتلت فيه اسر
زياد : ايه السرعة دي ها قالتلك ايه لما قابلتها تاني
فلاش بالك
ابتسام : خد بالك اوعي حد يشوفك ولا يشك فيك
عمر : متخفيش بس انا حاسه اني شوفتك قبل كدا
ابتسام : مفتكرش
عمر : بس انا شوفتك مع أنكل مراد عندنا مره بس دا زمان خالص انتي مراته مش كدا
ابتسام : ايوه انا وحسك عينك تقول ل حد انك شوفتني ولا تعرفني مفهوم
عمر : مفهوم
باك
عمر : هو دا كل اللي اعرفه
زياد :طب الست دي كلمتك تاني
عمر : كلمتني يوم محكمه يوسف
زياد : انتي قولتلي مين الست دي ؟
عمر : ابتسام رافت
زياد بصدمه : مرات اللواء مراد مختار
في بيت يوسف
بسمه : يوسف سيف كلمني وعايز يحدد ميعاد الفرح بس انا قولتله كلم يوسف الاول
يوسف : في اي وقت انتي عايزاه نعمل الفرح
بسمه : يعني بعد شهر كويس
فايزه : مش بدري شهر ي بنتي
بسمه : ولا بدري ولا حاجه ي ماما
يوسف : كلها أسبوعين وكل حاجه تبقي جاهزه متعوليش الهم
فايزه : ربنا يخليك لينا ي حبيبي
يوسف : ويخليكم ليا
في القسم
عمر : انا عايز اقعد مع المحامي بتاعي
زياد : وماله ي عسكري
دخل العسكري المكتب
العسكري : امرك ي أفندم
زياد : المحامي عصام بره دخله
عسكري : حاضر ي أفندم
دخل المحامي المكتب
زياد : اسيبكم لوحدكم
زياد خرج من المكتب واتفضل عمر والمحامي
المحامي : كون معايا صريح عشان اقدر اساعدك
عمر : صريح ايه ونيله ايه انا هببت الدنيا وديت نفسي في مصيبه
المحامي : ليه حصل ايه لدا كله وبعدين هو انت فعلا اللي قتلته
عمر : ايوه انا واعترفت كمان انا وديت نفسي في داهيه
المحامي : اهدي كدا واحنا هنقول كنت بدافع عن نفسك لما اسر اتعرضلك وحاول يقتلك
عمر : مش بسهوله دي وكمان مفيش حد هيصدق الكلام دا
المحامي : مش انت اعترفت تحت ضغط مش كدا
عمر : ايوه
المحامي : خلاص نقول انك مقتلتش ولا حاجه بس هما خلوك تعترف غصب عنك
عمر : تفتكر كدا هيصدقوك
المحامي : معتقدتش بس نعمل اللي علينا
في مكتب نيرمين
نيرمين : اي اخر الأخبار ؟
زياد : إحساسك كان صح فيه حد مشترك مع عمر في قتل اسر
نسمه : وعرفت مين ؟
زياد : ايوه مرات اللواء مراد مختار
نسمه : طب ليه تعمل كدا ؟
زياد : مش عارف
نسمه : طب ناوي تعمل اي ؟
زياد : هحقق معاها ونواجه عمر وابتسام
في مكتب المحامي عصام
شريف : عملت ايه في قضيه عمر ؟
المحامي : ابنك اعترف ان هو اللي قتل اسر
شريف بصدمه : ابني يعمل كدا ؟ طب ليه ؟ والحل ايه ؟
المحامي : هنقول قتله دفاع عن النفس بس أظن دا مش الحل الوحيد عشان ابنك هبب الدنيا في القسم بس ربنا يستر ويطلع منها علي خير
عند يوسف وفرح
يوسف : اخبارك ايه فرح
فرح : الحمدلله
يوسف : علي فكره حددنا فرحنا وهيكون بعد شهر مع بسمه فرح : بجد انا مش مصدقه نفسي
يوسف : المهم عايزين ننزل نشتري الحاجات اللي لسه مش جبناها
فرح : ماشي شوف الوقت اللي انت فاضي فيه وننزل مع بعض
في فيلا مراد مختار
جرس الباب رن ففتحت الداده
زياد : مراد بيه موجود
الداده : ايوه موجود نقوله مين ؟
زياد : الظابط زياد
الداده : طب اتفضل عقبال ما اقوله
الداده راحت لمراد عشان ينزل للظابط
زياد : اذيك ي مراد بيه
مراد : كويس ي زياد في حاجه في الشغل ولا ايه
زياد : شوف ي باشا انا محبتش اجيب عساكر وبوكس واعمل دوشه لحضرتك فخليت الموضوع يمشي بهدوء
مراد : وضح كلامك ي زياد
زياد . مرات حضرتك متهمه بمشاركه في قتل اسر منصور
مراد باستغراب : مراتي انا ؟طب ليه ؟
زياد : المفروض السؤال دا تجاوب عليه مرات حضرتك علي كل حال انا جاي عشان احقق معاها هنا من غير دوشه عشان حضرتك غالي جدا عندي
مراد : فيك الخير ي زياد
زياد : لو تسمح حضرتك عايزه اقعد مع المدام شويه
مراد : حاضر وبعدين نادا علي الداده
مراد: ي داده
الداده : ايوه ي بيه
مراد : روحي قولي لابتسام تنزل عشان عندنا ضيوف
الداده : حاضر ي بيه
وبعد دقايق ابتسام نزلت وكانت مستغربه من الضيف ومش عارفه ايه اللي بيحصل
زياد : انا الظابط زياد عز الدين
ابتسام بتوتر : أهلا
زياد : قوليلي ي مدام انتي تعرفي عمر شريف الدالي منين ؟
Nora Zakaria
أنت تقرأ
روايه بعنوان العدالة
Mystère / Thrillerالروايه تتحدث عن اتنين اصحاب بيشتغلوا في نفس الشركه وابن صاحب الشركه مش بيحبوهم بسبب باباه دايما بيقارنهم بيه ومن هنا تبدا العدواه والانتقام
