روايه بعنوان العدالة

الفصل (16)

روايه (العدالة )
الفصل ( 16)
نيرمين : موكلي بريء حتي تثبت ادانته عشان كدا عملت اللي حضرتك المفروض تعمله حاولت أتأكد من صحه أقوال موكلي عشان اقدر اثبت براءته ووصلت للدليل
وكيل النيابه : وايه هو الدليل
نيرمين : كاميرات المراقبه اللي في الكافيه توكد ان موكلي كان في الكافيه اثناء وقوع الجريمه دا غير تسجيل اعتراف القاتل بجريمته كمان الطب الشرعي اكد ان البصمات اللي علي الجثه مش بصمات موكلي واتفضل ياريس تشوف بنفسك
اخد القاضي CD اللي يوكد ان يوسف كان موجود في الكافيه وقت وقوع الجريمه وتسجيل اعتراف القاتل وتقرير الطب الشرعي وقال الحكم بعد المداولة رفعت الجلسه
نيرمين راحت ليوسف وقالت متخفش هطلعك من هنا واللي عمل كدا هيتعاقب
يوسف : شكرا علي وقفتك جنبي
نيرمين : متقولش كدا دا شغلي
ابتسام طلعت من المحكمة عشان تعمل مكالمة
ابتسام : انت فين ي زفت
عمر : في المكان اللي بروح فيه علطول ليه في ايه
ابتسام : اللي اسمها نيرمين شكلها كدا هطلع يوسف براءه بعد شويه وقدمت تسجيل اعتراف القاتل
عمر باستغراب : ازاي دا مش مخططنها كويس
ابتسام : شوف انت هببت ايه وودتنا في داهيه
عمر : يعني انا عبيط اروح اعترف اني قتلت اسر
ابتسام : علي العموم لو طلبوك في النيابه مش عايزه اسمي ييجي في الموضوع مفهوم
عمر : وهيعرفوا منين اني انا اللي قتلت انا مش سايب اي دليل ورايه
ابتسام : ي فالح هيتاكدوا من هويه الصوت اللي في التسجيل ولو كان انت هنروح في داهيه
عمر : متخفيش مش انا
ابتسام : ربنا يستر
في المحكمة
القاضي : حكمت المحكمة علي المتهم يوسف خالد بالبراءة وعلي النيابه التحقيق مع هويه صاحب الصوت الموجود في التسجيل رفعت الجلسه
اول ماسمعوا الحكم ام يوسف زغرطت وعيطت من الفرح والقاعة كانت مليان بالزغاريط والهتاف وخرج يوسف من الزنزانه وحضن أمه واخته كآنه مسافر من زمان ورجعلهم
فايزه : حمدلله علي السلامة ي حبيبي
يوسف باس أيد امه وقال الله يسلمك ي ست الكل
فرح : حمدلله علي السلامة ي يوسف
يوسف : الله يسلمك ي اجمل فرح
بسمه : البيت هيرجع ينور من تاني
يوسف : حبيبتي ي بسمه
سيف : يلا عشان أوصلكم
في شركه شريف تحديدا في مكتبه
رن تليفون شريف وكان هشام
شريف : خير في حاجه
هشام : الواد اللي حضرتك قولت اعملوا معاه الواجب عقبال لما اجي بيموت
شريف : انا عايز الواد دا عايش هاتلوا دكتور بسرعه واديله اكل وانا اخلص شغل وجاي
هشام : امرك ي أفندم
قفل مع هشام وقال ياترا يوسف عمل ايه النهارده في المحكمة
في بيت يوسف
البيت مليان زغاريط وفرح والجيران بييجوا يباركوا ليوسف علي البراءة والفرحة رجعت للبيت مره تانيه
سيف : حمدلله علي سلامتك ي بطل
يوسف : الله يسلمك ي سيف وشكرا علي وقفتك جنبي
سيف : لو حد غيري كان عمل اللي انا عملته
فايزه : دلوقتي انا بقي عندي ولدين وبنت
سيف : دا الشرف ليا ي طنط بعد اذنكم عشان لازم امشي
فايزه : تمشي تروح فين انت لازم تتغدي معانا
وفجاه جرس الباب رن ففتحت بسمه
بسمه : مين حضرتك ؟
شريف : انتي بسمه مش كدا ؟
شريف : ايوه انت مين وعرفت اسمي منين ؟
يوسف جه من جوه ورحب بشريف وقال
يوسف: شريف باشا معقول في بيتي
شريف : مبروك ي يوسف علي البراءه
يوسف : الله يبارك في حضرتك اتفضل جوه
دخلوا  في اوضه الضيوف
شريف : اذيك ي سيف اخبارك ايه
سيف : الحمدلله ي عمي يعني حضرتك مش بتيجي عندنا زي زمان
شريف : ما انت عارف ضغط الشغل
فايزه : حضرتك تشرب ايه
شريف : لا ملوش لزوم انا جاي ابارك ليوسف وأمشي علطول
يوسف : طب ليه الاستعجال دا حتي حضرتك اول مره تيجي بيتي
شريف : مره تانيه عشان عندي مشوار مهم بعد اذنكم
وبعدين شريف راح المخزن اللي فيه نادر
شريف : الواد لسه عايش
هشام : ايوه ي أفندم عايش
شريف : طب كويس
وبعدين دخل الاوضه اللي فيها نادر وكان وش نادر مشوه من الضرب
شريف : شوفت اللي يقرب من حاجه تخص شريف الدالي يحصله ايه انا اقدر اموتك وادفنك مكانك ومحدش يعرف
نادر : كفايه كفايه انا غلطان
شريف : بص ياد انت هتتجوز بنتي وهتطلقها في نفس الوقت انت فاهم
نادر : بس ازاي ؟
شريف : انت هنا متسآلش انت هنا تنفذ وبس مفهوم
نادر بخوف : مفهوم
عند نسمه ونيرمين
نسمه : تفتكري هيقبطوا علي عمر
نيرمين : اكيد عشان النيابه هتجيب صاحب التسجيل وهتتعرف علي هويته وساعتها هيقبطوا علي عمر
في فيلا مراد مختار
مراد : مالك ي ابتسام حاسه انك مش فرحانه ليوسف ومن ساعه ما جيتي من المحكمة وانت متغير
ابتسام بتوتر : لا مفيش حاجه بس انا تعبانه شويه اروح نام شويه وبعدين طلعت اوضتها
مراد بشك : اشك ي ابتسام انك مخبيه حاجه بس هييجي يوم واعرفها
في فيلا شريف
شريف جاب المأذون وتم زواج نادر من فيروز والطلاق في نفس الوقت عشان بنته مش تتفضح وفجاه جرس الباب رن وفتحت الداده
الداده : فيه ايه ي باشا
الظابط : شريف باشا موجود
شريف جه من وراه وقال : ايوه موجود في حاجه
الظابط : في إذن من النيابه بالقبض علي عمر ابن حضرتك
Nora Zakaria