"إنتمائي"

(المُقدمه)💛

رواية "إنتمائي" مُقدمة

✨للكاتبة:كلوفر✨

اياد بتهديد:وربي يا إنتماء يطلع يلي ف بالي صح مَ تلومي إلا نفسك فاهمه؟؟!
انتماء ترجف وتبكي:مش هو واللهِ ماهو، الله يربحك إياد م تجيش شوره
إياد بعصبيه:وتحلفي آخرى؟تحلفي ي كذابه؟ ،وخايفه عليه زياده ي قليلة الرباية؟
احلام و إيلاف يبكن و خايفات من يلي صار ويلي ح يصير!!
...
اما انا إنتماء كنت خايفه بس مش من الموقف أو عياط خويا عليا لا ابداً ولا كنت خايفه ع روحي ولا عليه هو لأني عارفه روحي حبيت "راجل"
راجل مَ ينخافش عليه ولا نخاف على روحي وأنا معاه❤.
بس يلي كان مخوفني شي ثاني ، كنت خايفه يحرموني شوفته يحرموني منه💔
..
تنهدت بخوف بعد مَ طلع خويا "إياد" معصب وعيونه شرار بعد مَ خذا التليفون
وبدت ماما وأختي يهزبن و يهدن فيا في نفس الوقت اما أنا كان كل تفكيري عنده هو عارفته مش ح يسكت لو يعلم يلي صار
يااارب إياد م يعلمش من هو يلي جابلي التليفون ع الأقل يكون في أمل نتلاقوا آخرى!
...مستغربين صح؟ليش هذي النقطه الوحيدة يلي شاغلتني في الموضوع؟

~~~~~~~~~~~~~~
✨Klo0ver_Novels✨
~~~~~~~~~~~~~~

✨خلينا نردوا واجد شوي ومن البدايه✨..

إنتماء مِن عائلة متوسطه مادياً مواليد 98 تقرا في اللغات بناءاً على رغبة خوها المُتسلط🤷‍♀️
،خوها إياد م.90 شاب صعب في طبعه جنتل وحلو
عندهم أخت "إيلاف" مواليد 2000 ،امهم "احلام" إنسانه مصاحبه بناتها وعندها عيالها بدنيا💞 ،و بوهم "أحمد" راجل طيب بس لو مَ يأثرش عليه إياد🤦‍♀️
..وهذي هي عائلة إنتماء عندها خالة وحده اسمها نعيمه عندها بنت من جيل إيلاف وشابين واحد من جيل إياد والثاني م 96 .. ح نتعرفوا عليهم في الرواية أكثر وأكثر، اما من ناحية أهل بوها ف معنداش خوت أو خوات بس عنده أخ بالرضاعه اسمه "جواد" ومرته "أنوار" كان عندهم بنت توفت في حادث سيارة مع بوها جواد يلي حالياً مُقعد .. وعندهم شاب "عون" اسمه م.91 .. عون اسم على مسمى ف هو عون لي بوه حالياً، وآخر شي مُعين في الصف الرابع.. حالتهم الماديه كويسه بكل بكل ...
..
ممكن لخبطتكم شوي بس معلش ح تفهموا كل شي في الرواية خلوكم معايا أول بأول❤
هذي روايتي الأولى يلي قررت ننشرها، عندي روايتين قبلها بس فضلت نحتفظ بيهن لنفسي ونقراهن انا🙃
..والرواية هذي ((إنتمائي)) كانت مهدده بأنه يكون مصيرها مصير الروايات يلي قبلها بس وبفضل الله ثم بفضل ناس لهم مني كل الإحترام والحُبْ على تشجيعي ،قررت ننشرها❤
...
أول شي أنا ليا حرية النشر وأنتم لكم حرية إلغاء المتابعه
ثاني شي لايك+كومنت منكم والله ح يكون حافز كبير وتشجيع ليا أني نكمل نشر
ثالث شي وربي رأيكم يهمني ك مقدمة
رابع شي والآخير😂 مَ فيش تفاعل معناها م حبيتوهاش و ح نوقف نشر لذلك تفاعلوا عشان نستمر نشر
إستعدوا للحلقة الأولى..
✨Klo0ver_Novels✨
..