"إنتمائي"

(11)💛

✨رواية إنتمائي"روايات كلوفر✨
..
الحلقة(11)
..
عوّن صبا : اهدي اهدي ، تو نشوف الباب انتِ خليكِ هنا.
إنتماء هزت راسها بسرعه ووخرت ، ومشا عوّن يشوف في الباب.
عوّن بعد مافتح الباب : نعم ؟
أنوار وعيونها في الدار : لا شي غير نسأل عليك ناقصتك حاجه ؟
عوّن: لالا الجو تمام ، مَ ناقصكم شي لوطه ؟
أنوار : لا الحمدلله مستوره ، خليني انخش كنك واقف ع الباب أنت.
عوّن حك راسه : لا غير حايس ملفات الشركه وتعديلات ومصاريف وقصه ، شوفي حفلتك انتِ بعدين نحكوا.
أنوار بِشك : امم تمام ، تبي حاجه رن.
عوّن : تم
وصكر الباب وألتفت ع إنتماء يلي كانت ترجف مع بعضها
عوّن ضحك : هذا كله خوف ؟
إنتماء من الخوف تمت تبكي : مش ح تفهم شعوري لو حد شافني معاك شن ح يصير فيا ، عوّن خليني ننزل خلاص.
عوّن بجديه : غير اهدي بس امسحي دموعك وأنا معاك والله مَ نسيبك ، احكيلي موضوعك بعدها انزلي تعالي قعمزي قدامي واهدي.
إنتماء: بعد قعمزت قدامه ومسحت دموعها : عوّن جاي واحد لِ إياد وطالب يدي
عوّن رفع حاجبه : باهي ؟
إنتماء: إياد جابرني ويهدد فيا إلا مَ ناخذه.
..
كلوفر : عمرك مَ تخلي أختك تحتمي بحد ثاني غيرك ، خليك أنت السند والظهر لها ، وخليها فخوره لما تقول (هذا خيي) 💛
..
عوّن : وعمي شن قال ؟
إنتماء مطبسه راسها وتحكي : بابا قال عادي يعني الموضوع ع راحتي لو نبي باهي ولا مَ نبي نعطيه سبب مقنع يقوله ليش لا ، وقال انه م في شي بالغصب وخاصتاً الزواج.
عوّن تغيرت نبرة صوته : خلاص خليها شوري ، انزلي انتِ توا
إنتماء: شن تبي ادير ؟
عوّن بصوت عالي شوي: خلاص قلنا انزلي وخليها شوري
إنتماء هزت راسها: تمام
وجت بتصبي لو انه الباب مش دقش دقه قويه شافت لعوّن طول ، وعوّن صبا يشوف في الباب وكانت
إيلاف داهشه : إنننتماء حي عليك اطلعي بسرعه
إنتماء صبت بتطلع وتشوف أمها وأنوار جايات ووجوهن مَ يبشرنش بالخير 💔
هنا إنتماء جمدت في مكانها والعالم ألتف بيها ، كانت تشوف في نهايتها 💔.
أنوار: عرفتك مَ تقعدي إلا هنا
أحلام بتفنيص : اطلعي قدامي بسرعه ، إيلاف خوذي تليفوني كلمي باتك ولا إياد يجي يروح بينا.
عوّن: غير بشويه ياعمتي ، بكره بنطلبها من عمي بشكل رسمي.
أنوار : لا والله مَ تصير ، ناسي القصص القديمه بينك وبين إياد ؟
أحلام بعد مَ شافت ل أنوار وبعدها ال عوّن : بنتي انخطبت ربي يتمم عليها ان شاء الله ، مَ فيش نصيب سامحنا
عوّن بعصبيه : كلام الصبايا أنا مَ نمشيش بيه ؟؟؟ كلامي مع باتها أنا.
أحلام شافت لإنتماء : باتها بعد يعلم بِ هذا كله يلي بيناتكم والله م يعطيها.
..
إنتماء : كانوا يحكوا ويتناقشوا ومره نفقد الأمل من كلام امهاتنا ويحييه ليا عوّن من جديد ومره العكس ، الدنيا تبرم بيا قاعده ، انا مَ درتش حاجه غلط ، أنا حبيت ونيتي في الحب هذا نظيفه وربي 💔🔥
..
وروحنا مع بابا وماما طول الطريق ساكته وانا وإيلاف ماسكين ايدين بعضنا من الخوف ، أول ما وصلنا للحوش رقينا لدارنا طول ونحنَ خايفين وبنموتوا خوف ، حتى إيلاف يلي م دخلها بشي خايفه 💔🔥
..
عند عوّن :
فضت الحفله وتمت الحوسه بسرعه ، وعوّن حكا مع باته في هالموضوع وباته مَ عارضش بالعكس فرح ، وامه كانت بتنفجر ، رقا فوق لداره بعد مَ خطط مع باته انه بكره يمشوا ويطلبوها رسمي ، خش خذا دوش سريع وهو فرحان انها بتكون له ، ولما طلع وهو يجفف في شعره شاف بوكس فيه شكلاطات إنتماء يلي دستهن له ابتسم وقعمز ع السرير ياكل فيهن ❤🔥
..
عند إنتماء :
كان الخوف سيد الموقف ، مش حاسه بِحاجه غير الخوف ، بدلت ملابسها سريع وتوضت وصلت ركعتين وتمت تدعي ، وبعد سلمت خذت شنطتها بتفضيها وهنا كانت صدمتها 💔🔥...يتبع✨
..
كلوفر : 700 متابع و50 لايك بس مش حرام 🙂😭؟
يلا توقعاتكم إنتماء شن لقت في الشنطه ؟ ، لو لقيت تفاعل حلو ح انزل الحلقه 12 بسرعه ع الأقل 100 لايك ع الحلقه ، مع العلم انه معش مزال ع الحلقه الأخيره الا ممكن 3 حلقات او هكِ.
..
Klo0ver_novels💛
..