"إنتمائي"

(8)💛

✨رواية إنتمائي"روايات كلوفر✨
..
الحلقة(8)
..
جواد شافلها : لكِ سنتين تفتحي مع عوّن نفس الموضوع ويقولك مزال
انوار : خلاص ساده راه مش صغير عوّن والعمر يجري نبي نشوف صغاره قبل م نموت
جواد : بينك وبينه ي انوار ، بس في وحده في بالك ؟
انوار : اها في وحده ...
...
ومرّ يومهم بدون اي احداث تُذكر وجا الليل 🌸❤️
في غرفة جواد وانوار ⬇️
جواد : فتحتي مع عوّن الموضوع ؟
انوار ترطب في يديها : لالا نبيه يشوفها قبل
جواد : من هي ؟ ووين بيشوفها ؟
انوار : تو تعرف لقدام ، عوّن بيدير حفله لخوه بعد بكره نعزمها ونخليهم يتلاقوا 😌
جواد هز راسه وضحك ورفع غطا السرير عشان يرقد : انتِ يسترالله منك 😂
...
عند إنتماء :
كنت في داري نطبق في الحوايج وشارده وجنبي إيلاف تكتب ، تصدقوا رايفت عليه ؟💔 ، بس خلاص لازم ننساه انا وعدت ماما
شوي وخشت علينا ماما وصكرت وراها الباب
احلام : نبي نقوللكن موضوع وياريت تفهمني
نحنَ : شنو ؟
شفنا لبعضنا انا واختي وابتسمنا ع اللقطه
احلام : لو إياد فتح معاكن موضوع الزواج مَ تناقشناش تمام ؟
إنتماء انصدمت : لالا ماما م نبش انا م نبش نزوج شوفي إيلاف
إيلاف : عنجد هك انا صغيره
احلام : اسكتن بس تو نحكي مع باتكن يتفاهم معاه بس انتن م تناقشنش شي ولا تحكن شي فكني من المشاكل
هزيت راسي انا واختي عشان ماما وفي داخل كل وحده مننا عدم إرتياح ، إياد لما يحط حاجه في راسه ح يديرها يعني ح يديرها 💔
..
Klo0ver_novels
..
ثاني يوم الصبح
عوّن في مكتبه ويحكي بتليفون : جهزلي فنجانين قهوه جايني ضيف
وصكر الخط ع خشت الضيف
عوّن صبا وعدل جاكته ومد يده بِثقه : شرفت أُستاذ رِفعت
رِفعت مد يده : اهلاً يا باش مهندس ليا الشرف الصراحه اني شوفت حضرتك
عوّن ابتسم بثقه واشرله يقعمز وقعمز من بعده : اخر مره شفتك فيها كانت من 11 سنه تقريباً ؟
رِفعت : هو الصراحه موش فاكر بس كنت لسه صغير وكنت بتيجي مع الأستاذ جواد للشركه .
عوّن : كان يجيب فيا معاه عشان انتعلم الشغل بدري حتى اليوم لما قلتله انه عندي إجتماع مع الأستاذ رفعت فرح وقالي نوصلك سلامه .
رِفعت : يبئى لسه فاكرني ؟ طب ليه هو مش في شركه ؟ هو عيان ولا في إيه ؟
عوّن : الوالد دار حادث وحالياً هو عنده شلل في رجليه عفانا الله وإياكم
رِفعت انصدم : إزاي كده ؟ الأستاذ جواد يستاهل كُل خير ولسه صغير ده انا أكبر منه ب5 سنين
عوّن وجعه راسه من ثرثرته وفتح السماعه عشان القهوه ويكمل شغله معاه بدري 🤦🏻‍♂️
بدا إجتماعهم مع بعض استغرق ساعتين من ثرثرت رِفعت وانتهى أخيراً واتجه عوّن لِمُنسق حفلات بمناسبة نجاح مُعين ، كان عوّن بطبعه يحب يدعم مُعين حتى في نجاحاته البسيطه والصغيره 💛.
..
Klo0ver_novels
..
روحت للحوش لقيت مُعين مقعمز وخايف من النتيجه
انا خشيت وتعمدت نعقد حواجبي عشان نخوفه : النتيجه مَ كنتش متوقعها يا مُعين ؟
مُعين بدا يبكي : والله هو سؤال واحد بس في الرياضيات كان واعر مَ عرفتش انحله وهذا كله حاولت فيه ، انا أسف 😭
عوّن إبتسم : مش لما روحت من امتحان الرياضيات قلتلي حليته كله ؟ ، طلعت تكذب ؟
مُعين يبكي ، وجواد وأنوار فاهمين الموضوع يلي كل سنه يدير فيه عوّن بطريقه مختلفه 😂💛
عوّن ضحك وطبس ع خيه : امسح دموعك عيب الرجاله مَ يبكوش ، عارف نحكيلك حاجه ؟
مُعين يمسح في دموعه : شنو ؟
عوّن: لو انك سيبت السؤال يلي مَ عرفتاش فاضي ومَ حاولتش فيه مَ كنتش جبتها الأول ع مدرستك 💛✨
مُعين إستغرق ثواني عشان فهم أنه ناجح وتما يضحك وينقز ويعيط : انا نجحت انا نجحت
أمه وباته يضحكوا معاه وعوّن صبا وفي خاطره : فرحته فرحة واحد متخرج من الطب مش من الصف الرابع إبتدائي 🤦🏻‍♂️💔 ، وهو راقي ع الدروج ضبحتله أمه : مَ اطولش ع الغداء
هز راسه بإيجاب بدون م يلتفتلها .
..
Klo0ver_novels
..
في المربوعه عند أحمد
إياد : باتي الله يربحك م تناقشني فيه الموضوع عطيت للراجل كلمه
أحمد معصب : كيف م اناقشكش فيه وكيف تعطي للراجل كلمه بدون م تشاورني ؟ رجل كرسي انا في الحوش ؟
إياد : حشاك يا باتي لكن الراجل نعرفه كويس وح توافق عليه انت بروحك وح يعجبك
أحمد تنهد بقلة حيله : من هو ؟
إياد : مُنتصر ولد عبدالرازق لعيت @###.
أحمد : صاحبك المليان هذا ؟
إياد اتكا : بالضبط
أحمد تنهد : طالب وحده منهن بالإسم ؟
إياد عقد حواجبه : سايبه هي يعرف أسامي خواتي ؟ ، أكيد لا ، بس قال يبي يناسبنا وطبعاً أكيد مش ح نعطوه إيلاف ونسيبوا إنتماء بحكم انها هي الكبيره ؟
من ورا باب المربوعه كانت أحلام تصنت وتخبط في خدها بالراحه حي عليا دزيته يغير راي ولده هو لي غير رايه 🤦🏻‍♀️
بختك يا إنتماء 💔.
..
ع سفرة الغداء
عوّن: ليش مُصره تكلميهم ؟
أنوار تاكل وببرود : لأنهم عيت عمك الوحيدين عيب م نكلموهمش وخاصتاً انهم عمرهم م حضروا حفله انت عارف ضروفهم لا يديروا لا يحضروا
جواد : كلام أمك صاح شن فيها كان عزمناهم ؟
عوّن : هي حفله صغيره راه ؟
أنوار : ليش صغيره ؟ لجنان لكبار وقاعدات والفلوس وقاعدات وهي حفلتين راه راك تنسا انه برضوه يوم ميلاده خيك ؟
عوّن تنهد ومسح ع وجه : ديري رايك ( وصبا )
جواد : وين ماشي ؟
عوّن: بنشوف مُعين فوق
..
ع العصر :
أنوار : جواد انت كلم أحمد لأن لو انا كلمت احلام مش ح يقتنعوا لكن أحمد ح يتحشم منك
جواد : تمام تو نكلمه
..
في جنان حوش احمد لصغير كانوا يشربوا في قهوتهم لعند مَ رن تليفون أحمد
أحمد : يامرحبا بِبو عوّن
إنتماء (ياربي من الرجفه يلي تجي بعد ذكر اسمه 💔)
أحمد : بخير الحمدلله تسلم ، كيف حالكم انتم ؟... ان شاء الله ألف مبروك ونشوفوه في اعلى المراتب ي رب ... اها امتى هي ؟ ... والله م نعرفش شن انقولك بس ... تمامم تمامم ان شاء الله ح نوصللهم الدعوه ... لالا بأذن الله كلهم ... خلاص عيب عطيتك كلمه انا ... ههههه هيا سلام سلم ع هلك .
احلام حطت الفنجان: إن شاء الله خير ؟
أحمد: ...
......
وقدر احمد يقنع إياد بالمشيه رغم أنه كان معارض ومصكر راسه انه البنات م يمشنش بس في الأخير اقتنع بالمشيه
...
في ليل كان عوّن ع سريره يفكر ... لو أنه الرقم يلي رنت عليه إنتماء في هذك المره كان رقمه راه م صارش هذا كله ، كيف حالها توا خاطري نعرف متأثره ب يلي صار ولا عادي ؟ بكره ح تجي ولالا ؟ مش ح نطلع بكره لازم نشوفها ضروري
..
إنتماء ع سريرها وتفكر برضوه
ح نشوفه بكره ؟ ، ولو شفته كيف نتعامل معاه بعد ما وعدت ماما ؟ ، مش في خاطري المشيه بس بجد نبي نشوفه حتى من بعيد 💔.
..
Klo0ver_novels
..
ثاني يوم من الصبح طلعت مع بابا عشان الهدايه ، رغم ضروفنا الماديه بس نفهموا في الذوق ، حطني بابا عند محل هدايه وهو يستنا في السياره نزلت ودورت وانا مستغربه الوضع ، يعني انا في السوق وبروحي ؟ ضحكت بإستهزأ وعدم إستيعاب ورقيت للدور الثاني من المحل يلي هو قسم الهدايا ، فكرت شنو الشي يلي ح يحبه طفل يقرا صف خامس ؟ اووف موضوع يحير كيف بنعرف كيف يفكروا الأطفال وخاصتاً الذكور ، شفت سياره لعبه قربت نشوف فيها وسمعت صوت ورايا يقول : فوتيها مش ح تعجبه ...يتبع✨
..
كلوفر: تتوقعوا من يلي سمعت صوته إنتماء ؟ ياترا عوّن ولا عريس الغفله ؟
-وتتوقعوا من البنت يلي اختارتها انوار لولدها هل هي إنتماء ولا بنت مزالا م طلعت في الحلقات ؟
-وفي الحفله ح يصيرن أحداث اكيد بس شن هنَّ ؟
توقعاتكم للحلقه الجايه في كومنت + لايك 💛✔️
واستنوا الحلقه ال9 يلي وعد اني مش ح نطول فيها 🤦🏻‍♀️💛
..
Klo0ver_novels 💛
..