"إنتمائي"

(10)💛

✨رواية إنتمائي"روايات كلوفر✨
..
الحلقة(10)
..
مُعين بحركه بريئه شاف يمين ويسار وبعدها قال : قربي وذنك إينمي عشان محد يسمعنا
إنتماء ابتسمت وقربت وذنها : هيا احكي
مُعين: عوّن يبيكِ في موضوع مهم فوق في جناحه ، بس هو قالي ما نقولش لحد غيرك انتِ لأنه سر.
إنتماء ( الحق خفت وتلبكت بس كان ضروري نرقا ونحكيله ع يلي ح يصير فيا كان ضروري نشجع ونرقاله 💔) : تمامم مُعين بس اوعدني انك م تقولش لحد لأنه لو حد عرف اممم يعني قصدي ح تخرب الحفله بتاعتك وهك فهمتني ؟
مُعين : هئه مستحيل نحكي لحد اصلاً انا وعدت عوّن ، وعادي حتى انا وإيلاف نحكوا في أسرار مانبوش حد يعرفهن (وأبتسم بِ عباطه)
إنتماء ابتسمت ع البراءه : شطور 💛
وسيبته ومشيت قعدت مع ماما شويه وشيرت لإيلاف بمعنى ألحقيني .
وبعد دقايق كنَّ انا وياها ع الدروج.
إيلاف تاكل في المارشيملو : شن في ؟
إنتماء : اسمعِ انا عندي موضوع فوق مع عوّن نبي منك تخلي عيونك ع ماما ولو سألت عليا تقوليلها في الحمام المهم مَ تخليهاس تشك.
إيلاف بنظرة شك : شن في بيناتكم ؟
إنتماء : حاضر ح نفهمك ع كل حاجه بس الله يربحك ياخيتي لو تبيني نفتك من العريس يلي جايبه ليا إياد ديري يلي قلتلك عليه.
إيلاف بدون تردد : تمام حاضر عدي بسرعه وكوني هانيه من ناحية ماما.
إنتماء شفتلها بنظره كأني انقوللها كنت عارفك انك مش ح تخذليني وسيبتها ورقيت .
..
كلوفر : حرفياً الأخت كتف ثابت لا يميل 💛
..
Klo0ver_novels
..
صبيت قدام باب الجناح وكنت متردده نخش ولالا ؟ وبعد تفكير سمعت اصوات من ورا الباب استغربت ولما سمعت صوت المفتاح رديت للغرفه يلي جنبها ، شفت سُهى طالعه من باب الجناح وعوّن وراها مصبي فم الباب ، شافتله سُهى يلي كانت لبستها عار 💔⬇️ ، وابتسمتله ونزلت.
وأنا مُمتنى لها لأنها ذكرتني نلبس حِجابي ، طلعت من الدار بخاطر مكسور بعد ما خش عوّن جناحه ، وتوجهت لفرفة الضيوف خذيت حِجابي وطلعت وانا ناويه نمهزل بيه ، كيف يلعب بيا هكِ ؟ ، مريت جنب لمرايا شفت روحي وابتسمت ع غبائي ، يعتي يبي يسيب سُهى ؟ ويجيني أنا ؟ في الأخير هو راجل والراجل يحب نوعيات سُهى مهتمه بنفسها زياده وتحب تبين نفسها مش كيفي أنا كل تفكيري في الكُتب والقرايه 💔 ، شفت لروحي كويس للمرايا واختفت الإبتسامه من وجهي وتما فيه علامات حقد بس في وجهي لفيت الحِجاب كويس ومشيتله .
..
Klo0ver_novels
..
دقيت دقتين ع الباب انفتح طول وكان عوّن وراه يشوفلي بعيون مبتسمه ، ياربي من هالعيون مره يحكن ومره يبتسمن 💛🔥.
شفتله كويس وقلتله : مش مطوله معاك واجد بس حبيت نقولك أنا مش كيفها ؟ ، (ورفعت صبعي ) ولا نسمحلك تحطني معاها في نفس المستوى في لعبتك هذي ؟
عقد حواجبه وهز راسه كأنه يقولي شنو ؟
إنتماء بعيون مليانه دموع : كنت تستغل فيا عشان تقهر إياد ؟💔
عوّن : تي شن تخرفي أنتِ ؟
إنتماء مسحت دموعها : لالا شفت بعيوني أنا شفت ، م تكذذبببششش علليااا
عوّن بتفنيص : تي وطي صوتك ازح ، في شنو تحكي انتِ بس ؟
إنتماء خافت وتمت تبكي : أأنت يا عوّن استغليتني 💔.
عوّن مسح ع لحيته بنرفزه : باهي خشي نحكوا جوا وفهميني ، احسن ما يشوفنا حد.
إنتماء خافت : هئه لالا انا مش كيفها انخش لعند جوا دارك
عوّن بعصبيه : إنتمااااء ؟؟؟ (بعدها خذا نفس بعد م فهم عليها شن تحكي) قصدك ع سُهى ؟
إنتماء هزت راسها وهي تبكي وقالت : حرام عليك تستغلني هكِ 💔.
عوّن بصوت عالي : تي مزززاللت تتقولل اسسستغغللييتتها
إنتماء برمت تبي تنزل لكن لما شافت أنوار ع الدروج ردت لعوّن وهي مرتبكه.
عوّن : شنو تبي تزيدي كلام اخرى ؟
إنتماء بخوف : أمك عوّن أمك.
عوّن شاف وراها بحركه لا إراديه مع أنها م كانتش باينه عليه أمه : خشي خشي.
..
Klo0ver_novels
..
صكر باب الجناح وانا كنت خايفه ومش واثقه الحق بس المهم مَ تشوفنيش عميمه أنوار
عوّن قعمز ع الصالون وأنا كنت مصبيه فم الباب خاشه في بعضي وخايفه.
..
عوّن شيرتلها عشان تقعمز مقابلتني ، واضح في وجهها قلة الإطمئنان والخوف ، نكره روحي لما تقعد معايا وهي مش متريحه ، بعد تردد جت قعمزت قدامي وهي ساكته وتشوف للأرض ، قاطعت الصمت هذا بِ : ضعيفه
شافتلي بعيون مليانه دموع ونزلت راسها من جديد وقالت : حاولت نقعد قويه بس كل حاجه تصير تخلي فيا نضعف 💔.
ابتسمت بهزوه : للدرجه هذي مَ عندكش فيا ثقه يا إنتمائي ؟
إنتماء رفعت راسها : شفت بعيوني أنا شن تبيني أندير ، كنت جايتك نبيك تحل مشكلتي ولقيت بنت طالعه من دارك وتبتسم ؟
عوّن : تي دقت عليا الباب وأنا كنت مستنيك نحسابها انتِ فتحتلها وانصدمت فيها وخشت بروحها وتقولي في كلام نبيك ومانبيك ووزعتها قبل مَ تجي انتِ ، إذا هي بنت رخيصه شن ذنبي أنا ؟
إنتماء طبست راسها : وأنا شن تشوف فيا إذا هي رخيصه ؟
عوّن تنهد بقلة صبر : إنتماء أنتِ قبل مَ تقعدي البنت يلي حبيتها ويلي نبيها مراتي وأم عيالي انتِ بنت عمي وعارف تربيتك كويس كويس ، خوكِ هذا يلي متعبكن عارفه في المقابل شن معطيكن ؟ ، معطيكن سُمعه طيبه محد في الشارع يقدر يغلط فيكن ، معطيكي اني انا رغم كل هالسنين يلي غبتيهن عليا متأكد انك مش مكلمه غيري ولا حبيتي غيري ، صدقيني إنتماء البنت هذي نشوف فيها من زمان وديمه نشوف فيها وديمه تجينا أكثر حتى منك ، بس هي مش كيفك انتِ يلي خشيتي عليا مستوره وبِحجابك وهي يلي خشت عليا كاسيه عاريه ، انتِ يلي بطبيعتك وهي يلي تتصنع ، انتِ يلي بأخلاقك وهي يلي بقلة آدبها مستحيل تاخذ قلبي ولا تخليني نفكر فيها كَ زوجه ولا حتى حبيبه ، مَ نسمحلكش تقارني روحك بيها لأنك انتِ غيييييرر ، فهمتي ياحماره ؟
إنتماء : آسفه لأني شكيت فيك
عوّن ابتسم : تي أنتِ مَ تعتذريش بكل مستحيل نزعل منك ، تي انتِ إنتمائي ومكاني وحوشي ، معيشتي كلها واقسم بالله
إنتماء ابتسمت وانحرجت : اسكت اسكت ديمه نقولك معش تحكيلي هكِ
عوّن ضحك : وجهك تما زي الطماطم حبيبي 😂
إنتماء تبكي بدلع : تي اسكت اسكت وااااك منك 😭😂
عوّن يضحك : هاااه خلاص ، هيا احكيلي شن في ؟
إنتماء اختفت الإبتسامه من ع وجهه لما سألها عوّن وصبت بخوف لما سمعت صوت الباب...يتبع✨
..
كلوفر : نعرف أنها قصيره بس ع قد تفاعلكم 🙂💛
..
Klo0ver_novels💛
..