"إنتمائي"

(13)💛

✨رواية إنتمائي"روايات كلوفر✨
..
الحلقة(13)
..
رقيت بدون مَ نحكي ولا حتى كلمه ، لا هما يلي خلوني نحكي ، ولا أنا يلي عندي وجه نواجهم ، رقيت بخاطر مكسور وخشيت داري وأنا في حاله مش مفهومه مصدومه وطحت ع سريري وانا حتى دمعه مَ نزلت مني ، صكرت الباب ورنيت عليه هو راجل قلبي 💔🔥.
عوّن : احسن وحده
إنتماء بصوت يرجف : احسن واحد
عوّن : ها يابكايه كنك من ضايقك ؟
إنتماء بخاطر مكسور : هلي هلي ضايقوني 💔🔥
عوّن: إنتماء احكي شنو في شغلتيني ؟
إنتماء إبتسمت ابتسامة قهر : عوّن متذكر يوم المزرعه يوم كنا صغار ؟
عوّن ابتسم : حبيبي جايته ع الذكريات اليوم ؟
إنتماء شافت للسقف عشان دموعها مَ ينزلنش : إي ذكرياات شن عندنا نحنَ غير الذكريات عوّني ؟
عوّن مش فاهم : متذكره يوم المزرعه ويوم الحوش ويوم حوشكم ويوم الشارع تي انا السنين يلي انتِ بعيده عليا تحسابيني عايش ع الاكسجين ؟ تي لاااا عايش ع ذكرياتك إنتمائي ❤️🔥
..
يوم المزرعه من سنين مضت ✨

جواد : ردوا بالكم ياعيال تمشوا شور الخيول غادي من غيري انا ولا أحمد .
عوّن وإنتماء و إياد: حاضر.
إيلاف كانت صغيره في العمر.
إنتماء : نبوا نلعبوا غميضه
عوّن ضحك : انا يلي نعد
إياد : لا انت غشاش اطلعني انا يلي نعد وانت وإنتماء تطمروا زي كل مره.
عوّن انحرج : لالا هو هك حظ هيا
وصفوا إياد وإنتماء ع الساس
وعوّن بدا يعد : ....... تسعه ، عشره.
إياد : تي مش هكي ديمه انا يلي نغمض.
إنتماء: هكِ اللعبه يا إياد وانت طبت عليك العشره يعني انت يلي تغمض
إياد : باهي نعرف نعرف امشوا اطمروا ( وغمض وبدا يعد للعشره وبعد كمل ) ويلي نحقه نقوله بابيس
..
كلوفر : أكيد تعرفوها لعبة الطفوله + مش متأكده بابيس ولا وابيس ، بس انا نقوللها بابيس ولعند توا نلعب فيها 😂💛
..
ولما كمل إياد عد كانوا عوّن وإنتماء طامرين مع بعضهم ❤️
عوّن بصوت واطي : ماتحكيش ولا اتحركي يشوفنا يفرقنا يخلي واحد منه هو يلي يغمض وانا مَ نبش نطمر معاه خوكِ البارد .
إنتماء ضحكت بهدوء : معش تقول ع خويه بارد ، بس حتى أنا مانبش نطمر معاه.
عوّن : هيا هيا نجروا للمكان يلي كان يعد فيه هو مشا بعيد لازم نوصلوا للمكان قبل مايشوفنا عشان نفوزوا.
وصبا عوّن وإنتماء تطلقها عيطه
عوّن انخلع : شنننن فييي ؟
إنتماء تبكي : شعري قطعته يابارد كله منك
عوّن شاف انه ساعته كانت عالقه في شعره وشعرها تقطع وعلق في الساعه
عوّن يهدي فيها : اسف إنتماء انا اسف والله ما بقصدي
إنتماء تبكي بصوت عالي وهو يأنب فيه ضميره ويهدي فيها.
وطلعوا وشالها لأمها
أحلام انخلعت : حي شن في شن صاير.
إنتماء تبكي :ءءء هو هو منه هو.
عوّن بتأنيب ضمير : ماكانش قصدي
أحلام : خلاص تعالي قعمزي جنبي معش اتحركي
وإنتماء كملتها تبكي وعوّن ضميره يأنب فيه وكل شوي يجيها ويقوللها انا اسف مزلتي اتحسي فيها 💛🔥.
..
Klo0ver_novels
..
في الوقت الحاضر ✨
عوّن : ياااااه كان تعرفي شن صار فيا يومها
إنتماء ابتسمت بقهر : كرهتك وقتها وتميت نبكي ونبي نروح كنت م نبش نشوفك ، كنت غبيه
عوّن ابتسم : وتوا ؟ تحبيني ؟
إنتماء شافت للسقف : شن الفايده من الحب ؟ انا توا مستعده تقطع شعري كله ولا نتكلم او نبكي بمقابل نقعد معاك ، بس قولي شن فايدة الحُب يلي يخلينا هكِ ؟
عوّن بقلة فهم : ممكن تحكي بوضوح ؟
إنتماء : الحُب يلي لا يخلينا مع بعضنا ولا يسيبنا في حالنا شن فايدته ؟ الحُب يلي يخلي هلنا معش يوثقوا فينا ويجبرونا ع حاجات نحنَ مانبوهاش شن فايدته ؟ الحُب يلي يدمر البنت شن فايدته ( وبدت تبكي وتعيط بصوت مسموع لعوّن بس ) عوّن قولي شن فايدته كيف انتخلص منه عوّن قولي انا معششششش نببببييييي نحححببببك نبي ننساااااااك قولللللي 💔🔥
عوّن: تي شنو كلامك هذااا ازح فهميني شن فييييي ؟؟؟؟؟
إنتماء اكتفت بأنها تبكي بحرقه وبس 💔🔥
عّون : احكي يا بنت الناس م تكسرينيش .
إنتماء: خلاص عوّن نحنَ انكسرنا ربي يهنيك مع غيري ادعيلي بس انتهنى في حياتي وننسى قصة الحُب هذي يلي طلعت منها بكسرة قلب بس بعد ما تمنيت نطلع منها بزواج و بعويله وبنات💔🔥
قاطع كلامهم صوت الباب يلي انفتح وهنا الصدمه اي يلي فتح الباب كان إياد وكان مصدوم وعيونه شرار ويشوف للتليفون🔥 ، بس الغريب انه كان هادي قدم شوي وخذا التليفون طبعاً انا اول ماخش صكرت الخط وعزقت التليفون من الخوف ، وشوي وشفت ماما وإيلاف جايات ورا إياد ، كان موقف صعب بس انا كنت تعبانه وعارفه نهايتي أيهم ولد خالتي كل تفكيري كان بس اني ع الأقل نقعد نشوف فيه حتى من بعيد لبعيد لأني انا ادمنت عوّن حرفياً 💛🔥
اياد بتهديد:وربي يا إنتماء يطلع يلي ف بالي صح مَ تلومي إلا نفسك فاهمه؟؟!
انتماء ترجف :مش هو واللهِ ماهو، الله يربحك إياد م تجيش شوره
إياد بعصبيه:وتحلفي آخرى؟تحلفي ي كذابه؟ ،وخايفه عليه زياده ي قليلة الرباية؟
احلام و إيلاف يبكن و خايفات من يلي صار ويلي ح يصير!!
...
اما انا إنتماء كنت خايفه بس مش من الموقف أو عياط خويا عليا لا ابداً ولا كنت خايفه ع روحي ولا عليه هو لأني عارفه روحي حبيت "راجل"
راجل مَ ينخافش عليه ولا نخاف على روحي وأنا معاه❤.
بس يلي كان مخوفني شي ثاني ، كنت خايفه يحرموني شوفته يحرموني منه💔
..
تنهدت بخوف بعد مَ طلع خويا "إياد" معصب وعيونه شرار بعد مَ خذا التليفون
وبدت ماما وأختي يهزبن و يهدن فيا في نفس الوقت اما أنا كان كل تفكيري عنده هو عارفته مش ح يسكت لو يعلم يلي صار
يااارب إياد م يعلمش من هو يلي جابلي التليفون ع الأقل يكون في أمل نتلاقوا آخرى!
..
كلوفر : بعد كل شي داراته إنتماء في روايتنا وقصة حبها يلي دامت سنين بدون لقاء والتضحيات والمخاطرات يلي ذكرتهن في الرواية النصيب لعب لعبته وهبت الرياح من حيث لا تشتهي السُفن ، مانقولوش عوّن مادارش شي عوّن استناها وحبها من هي وصغيره ولعند وقتنا هذا لكن برضوه غلطته كانت انه ماجاش من الباب وممكن هذا يلي سبب في فراقهم وفي خطأ ثاني هو التليفون يلي من ورا الأهل يلي في هالزمن صار موضوع عادي وهو اكبر غلط ممكن البنت اديره اتجاه نفسها وعيلتها ، وحالياً معش في قرار ثاني بعد م شافهم إياد بالجرم المشهود غير انها تزوج ولد الخاله او تموت من الذل يلي ح تشوفه عند هلها ، وتوا خلونا نكملوا روايتنا #إنتمائي 💛🔥
..
عوّن نزل يشوف في يلي يعيط برا فتح الباب لقا إياد معصب ويعيط ويبي يهد ع الفيله والحارس ماسكه ويمنع فيه واول ماشافه.
إياد معصب ويحاول يبان هادي رفع صبعه : فهمني انت كيف تتجرأ بس ؟ كيف تتجرأ تتواصل مع اختي وبِ هالطريقه فهمني تكلم
عوّن ببرود وهو أعصابه تالفه 💔 ، شير للحارس بِ معنى كل شي تمام شوف شغلك ، ومشا الحارس ، وخلا نارين مشتعلات 🔥 ، وكل نار تقول للثانيه انا أحر منك 🔥.
عوّن: بالله كم مره طلبتها اختك ؟ من امتى وانا انترجا عشانها ؟ تي من يوم كنا صغار وانا نبيها وانت عارف هالشيء كويس ؟ قلتلك يا إياد ناوي حلال لكن انت جاهل ومتخلف ضيعتنا.
إياد بصوت عاالي : هييييييي عوّن افطن الكلامك راه والله نقتلك هنا وقدام حوشكم وانت عارف هالشيء.
عوّن ضحك ضحكة قهر : انت مشكلتك مش مع إنتماء ، أنت تغار مني يافاشل.
إياد هجم عليه : تي من يلي يغار من من يا//// قولي بس.
زاد عوّن ضرب فيه وإياد يهجم وكل مره حد قادر ع الثاني لعند تدخلوا شباب من الجيران وحزوا بيناتهم.
إياد وهو يمسح ع فمه يهدد والشاب ماسكه : انا لعند توا ساكتلك ياعوّن تي كان م نسيتك اسمك.
عوّن فك روحه من الشاب وهجم ع إياد من جديد : تي انت يلي ح نوريك نجوم الظهر يا//// تي وربي ماني مسامحك يا إياد يا//// .
حاولوا الشباب يحزوا بيناتهم من جديد بس ماقدروش لعند ...
..
Klo0ver_novels
..
إنتماء تبكي : قلبي نااار نااار
إيلاف : الله يربحك اسكتي لو تسمعك ماما ولا بابا ح يمسحوا فيك الوطا
إنتماء وهي تبكي : مش قادره إيلاف مش قادره انتِ بروحك قلتيلي انك دورتي المسدس يلي في درج إياد ولقيتيه مش قاعد خايفه خايفه قلبي نار
خشت أحلام ومسكت إنتماء من شعرها : انتِ شن تبي اديري فينا بس إنتماء يامصيبه احكي شن تبي اديري فينا ؟
إنتماء ماسكه شعرها ومنهاره دموع : اااه يا ماما 💔🔥
أحلام فكت شعرها و تبكي : ياريتني لا جبتك ولا شفتك حسبي الله ونعم الوكيل ، شن تبي اديري فينا ؟
إنتماء مسحت دموعها وبقوه : انتوا يلي شن تبوا اديروا فياا وفي عوّن ؟ تبوا تزوجوني لحد مانحباش ؟ جاكم من الباب وناوي الحلال ورفضتوا وانتوا عارفين انه سعادة بنتكم معاه لييشش ياماما لييشش ، ليش تخلوا فيا اندير حاجات من وراكم ليش 💔🔥
أحلام : تي انتِ يلي دسيتي علينا كان بديتي معايا من الأول وقلتيلي كل حاجه كنت ساعدتك ع الأقل وحكيت مع باتك وخوك وراك توا ع ذمته بالك ، لكن انتِ شن درتي يا أبله ؟ مشيتي وبِ كل جرأه مره سارقه تليفوني وتبي تكلميه ومره في داره ومره جايبه تليفون بالسر طبعاً هذا يلي نعرفه الله اعلم ع يلي م نعرفاش وتبينا نوافقوا ؟ من جدك انتِ ؟
إنتماء تبكي : كنت خايفه نحكي عشت عمري كله مع ولدك في خوف يا ماما 💔🔥
..
Klo0ver_novels
..
إياد موجه المسدس ع راس عوّن : موضوع بين عيال العم انتم اطلعوا منه كل حد يمشي لحوشه.
واحد من الشباب : غير وسع بالك ياراجل الكلام هذا عيب وانتم عيال عم
إياد طلق فوق : تعرفوا تمشوا ولا نصفيكم كلكم ؟
عوّن بدون اي تعابير ع وجه : خلاص ياشباب خلوها بيناتنا.
وانسحبوا الشباب بدون مايقدروا يديروا اي شي .
عوّن شاف لإياد : ها يا إياد ؟
إياد بحقد : ها يا عوّن ، شن تبيني اندير فيك توا ؟
عوّن ضحك ع جنب : قصدك انت مزلت مَ درتش فيا ؟ تي انت داير فيا ومن زمان اخرى ، انااا ااااختتتككككك نبببيييييهااااا و نننبيهاا من زمااننن مش من تووواا بكككل وانت يلي تبيه صصارر اختك انخطبت وكل شي درته انا مشا ع الفاضي ومااانيش خاييف
إياد : تي اسكت اسكت وطي صوتك احسن مَ نفضي المسدس هذا في راسك.
انفتح باب الفيله وطلع مُعين يجري : عوّن شنو في ؟
عوّن : مُعين خش جوا
مُعين يبكي ويشوف لِ إياد : مجرم انت مجرم
عوّن بعصبيه : مُعين نبصروا نحنَ مع بعضنا انت خش جوا
مُعين حضن كرعين خوه ودفن وجه فيهن وهو يبكي : لالا عوّن بنقعد معاك ، مش انت عوّني وانا مُعينك ؟
إياد تنهد بقلة حيله : بتخشي خوك ولا نصفيك قدامه ؟
عوّن بعصبيه : إيااااد انا مانيش خااايف افففهم ، اختك فرحها بعد شهر بس يعني خلاص كان ماقتلتني توا ح نموت بروحي بعد شهر 💔🔥
إياد ضحك ووجه المسدس بين عيونه بالضبط ...يتبع✨
..
كلوفر : تواقعاتكم للحلقه الآخيره 💛🔥
..
Klo0ver_novels 💛
..