"إنتمائي"

(5)💛

✨رواية إنتمائي"روايات كلوفر✨
..
الحلقة(5)
..
طلع عوّن يشوف شن في وشن سبب الاصوات العاليه يلي برا ؟

جواد معصب : عيب عليك يا إياد حلفت انا والله مانهن طالعات من باب المزرعه
إياد ماسك اعصابه عشان عمه : سامحني فيها يا عمي خواتي مانحبهنش يطلعن من الحوش وساد لهن قريب 4 ايام قاعدات (وبحت في خواته ) غيرتن جو ولا ؟
إنتماء وإيلاف هزن راسهن بإيجاب من الخوف
إياد : سادكن ولا مش سادكن ؟
خواته بصوت واحد يرجف : سس سادنا
جواد : تكلم يا احمد قول حاجه عيب الكلام هذا
احمد : شن ب يدي ندير يا جواد هذا راسه مصكر
عوّن بِمقاطعه : خلاص إياد خواتك ما لهنش طلعه من هنا انا اساساً كنت ماشي عندي شغل تهنى
جواد بِصدمه : قصدك عشان عوّن ماتبيهنش يقعدن ؟
احمد : خوهن راه احن منك عليهن
إياد بعصبيه : خلاص صدعتوني احن منك احن منك الراجل يا يقعد حرش مافيهش حن يا اما ما يسماش راجل ( طبعاً هذي هي عقليت البعض ➡️)
عوّن فار دمه ومسكه من ماليته : شن قصدك انت ؟
أنوار واحلام يتعايطن : حي علينا فكوهم
جواد : خلاص يا وليد انت وهو (بحكم انه مقعد ماقدرش يدير شي غير انه يهزب )
احمد جا بينهم وفكهم من بعضهم : هذا وانتوا ضنا عم وهكِ حالتكم ؟ عليش نلوموا ع الغريب هاااه ؟ ، إياد خلاص امشي .
عوّن معصب : مايمشيش انا يلي ماشي
..
Klo0ver_novels
..

وفضت الحكايه يلي دارها إياد ع صبح ، اعتذر احمد من جواد وعيلته ع الشي يلي داره إياد
اما إياد فَ مشا ع قولته عنده شغل وما قدرش يشيل خواته معاه ، الصبايا خشن يديرن في الغداء وهنّ متنكدات او بشكل ادق الكل تنكد بعد يلي صار والجو كان مكركب ، إيلاف مع مُعين يلي كان خايف ومش متعود ع الصوت العالي ويبكي وكانت إيلاف عيونها يدمعن وتمسح فيهن .

اما إنتماء :⬇️✨
خشيت عليه وعيوني ع شوي ح ينزلن دموع ما فكرتش في شي لا في هلي ولا هله بس حبيت نشوفه لما خشيت ما التفتش كان معطيني بظهره وشنطته قدامه ويلم في دبشه همست بصوت يادوب ينسمع وقلت : عوّن 💔
التفت عليا وملامح بارده : نعم ؟
هنا حسيت بروحي تماديت وقلت في خاطري ليش جيته هنا واساساً ما عنديش موضوع برمت نبي نطلع وانا واجعتني روحي بكل ، لكن وقفني صوته لما قال وبصوت عالي إلا شوي : كييف تبيني نعاملك بالله ؟ وجعاتك كلمة نعم لما جت من راس خشمي ؟ ، إنتماء نحنَ خووت الكل يشوف فيناا خوت
قاطعته بحركه لا إراديه : إلا نحنَ ، انا وانت نعرفوا انه مشاعرنا مش مشاعر اخوه ابداً
ضحك عوّن بإستهزأ وقال : هه وين تعرفيهن انتِ مشاعر الأخوه ؟
انصدمت من كلمته وحسيتها في وسط قلبي معقوله يا إياد يعايروا فيا بيك تموا ؟
تميت نشوفله لثواني وانا مش قادره نحدد موقفي ولا لاقيه حاجه نرد عليه بيها ، طلعت نجري قبل ما دمعتي تخوني وتنزل ، وانا ناويه ندير حدود بيني وبينه .

عوّن ✨⬇️
ما تسألونيش ليش تصرفت معاها هكِ ظلّمت عندي وجت فشت الغل فيها هي ، لما شافتلي هكِ تمنيت الارض تنشق وتبلعني
تنهد وقال بصوت مسموع : شن اندير يا إنتماء تميت بين نارين 💔🔥
..
Klo0ver_novels
..