من رجعنا للبيت ما لگینا ولا واحد لأن متعودين يروحون لكربلاء من صار الليل خابرتنا أمي قالت أبوية ميگدر يجي ياخذني لأن رجع تعبان كلش.. خالتي گالت :
حيدر ياخذج باچر هو وزهراء .. اليوم هم تباتين يمنا..
اني اصلا چنت بعالم ثاني كل شوية وارجع أفتح العلاقة واشوف العباءة واشتم ريحتها وارجعها .. مثل الطفل اليفرح بالالعاب اللي تجيبهن أمه ..
زهراء شافتني وسألتني :
-ها زينب شقررتي ؟
ما فهمت شتقصدين ؟
راح تلبسينها لا؟
-هااا .. مادري ..
- انت مو فرحانة بيها ؟
-اي اي طبعا اصلا احسها هدية من صاحب الزمان ..
لعد بعد شكو؟
مادري زهراء أحس أحتاج قوة وطاقة حتى اتخذ هذا القرار !!
احس لازم اقتنع بيها حتى البسها عن حب وقناعة .. العد انت يحتاج علي ينطيج محاضرة هههه
ليش يعني شمعتي علي ؟
-لأن هو اللي قنعني وخلاني احب العباءة واحب كل شي يتعلق بالسيدة الزهراء والسيدة زينب .
ها ، مادري خليني افكر شوية .. براحتچ زنوبة ..د
صدگ صار الليل ورجع علي من كربلاء .. خالتي چانت تسوي كيكة وزوج خالتي جاب عصاير وحلويات ونسائل و هواي اشياء للاحتفال الكل إجتمع وچنا منتظرين على .
بس ما نزل من غرفته ! راحت زهراء تصيحه .. رجعت تگول لگيته يبدل يريد يطلع واحد من أصدقاءه عازمه .
اني ما صدگت حسيت بسببي .. لأن هو صاير كلش يتجنب يشوفني !
نزل علي ، سلم وأخذ چوکليته وطلع .. شگد تمنيته بيقى .. چنت اريده يقنعني ع العباية ..
حسيت محتاجه شخص مثله لأن آني مثل التايهة ما اندل الطريق منين .. ضجت شوية بس ما خليت احد يحس بية
الله سبحانه وتعالى اذا شاف صدق نية من العبد ، راح يرزقه بس مو أي رزق !
لا.. فوگ ما يتوقع الواحد اصلا !
خالتي مثل امي هم گالت اطلبوا مرادكم ..
اني سمعت حیدر گال :
قبل كل شي اقروا دعاء الفرج لأن وحده يقضي 70 حاجة .. صدگ اني على نيتي طلبت تعجيل الفرج بگلب صافي و روح نقية..
و وراها طلبت أوصل وأصير مثل علي .. يعرف كل شي وقريب من الله وصاحب الزمان وطلبت هم الله يهديني واصحح حجابي والبس العباية ...
كمل الاحتفال وراح كل واحد لغرفته واني رحت لغرفة زهراء صلينا صلاة الليل ونمنا ..
وورة دقایق شفت ضوة يدخل من الشباك !
نور فظيع .. گمت من دون ما أحس ومديت ايدي لهذا النور .. شي بداخلي يگول هذا نور صاحب الزمان شفت هذا شي چبير عليه فجأة حسيت إن طلع منام ... گعدت ميتة عطش .. ومخروعة ما اعرف شسوي ؟
حطيت حجاب على راسي ورحت للمطبخ حتى اشرب ماي ..
شفت باب المطبخ الخارجي مفتوح .. صار عندي فضول اعرف منو طالع برة ..
