9-12-2019. (Monday)
မေမြို့လက်ဆောင်ကုမ္ပဏီ အစည်းအဝေးတွင်....................................
မြတ်သော - "အားလုံးကို အသိပေးစရာ တစ်ခုရှိပါတယ်။ ဒီလ စတုတ္ထ အပတ်ထဲမှာ ကျွန်တော်တို့ ကုမ္ပဏီ USက ကုမ္ပဏီတစ်ခုနဲ့ ကုန်သွယ်ဖို့ကိစ္စ ရှိပါတယ်။ အသေးစိတ်အစီအစဉ်တွေကိုတော့ ကိုရှင်းသန့်က သက်ဆိုင်ရာဌာနက ကြည့်ကြပ်သူတွေကို ပြောပြပါလိမ့်မယ်။
အခု ကုန်သွယ်မယ့် ပစ္စည်းတွေကို ပုဂံ-ညောင်ဦးဖက်က လက်ရာတွေကို အသုံးပြုပြီး သူတို့နိုင်ငံဖက်မှာလည်း သုံးရတာအဆင်ပြေတဲ့ပုံစံမျိုးဖြစ်အောင် Modified လုပ်ပြီး တင်ပို့မှာ ဖြစ်ပါတယ်။ အဲ့ကိစ္စအတွက် မနက်ဖြန်ကို ကျွန်တော် ပုဂံဖက်ကို ခရီးထွက်ပြီး လိုတဲ့ပစ္စည်းတွေနဲ့ သိကျွမ်းသူတွေကို သွားတွေ့မှာပါ။ မေးစရာများ ရှိကြပါလား။"
"........................................."
မြတ်သော - "မေးစရာမရှိဘူးဆိုရင် ကိုယ့်အလုပ်ဌာနကို ပြန်သွားနိုင်ပါပြီ။ ကိုရှင်းသန့်နဲ့ကိုခွန်းသစ် ခဏနေခဲ့ဦးနော်။"
ကျန်တဲ့သူတွေ ကိုယ့်အလုပ်ရှိတဲ့နေရာကို ပြန်သွားကြသည်။
ခွန်းသစ် - "မြတ်သောက ဘာပြောစရာရှိသေးလို့လဲ။"
မြတ်သော - "ကျွန်တော် မနက်ဖြန်ထွက်မယ့်ခရီးမှာ အသစ်ကို လိုက်ခဲ့စေချင်တယ်။ ဘာဖြစ်လို့လဲ ဆိုတော့ ပစ္စည်းထုပ်ပိုးတဲ့နေရာမှာ စက်ထဲကို Designဆွဲပြီး ထည့်ရမှာမို့လို့ စက်ပိုင်းဆိုင်ရာ အကြီးဆုံးဖြစ်တဲ့အနေနဲ့ လိုက်ခဲ့စေချင်တာပါ။"
ခွန်းသစ် - "အသစ်လိုက်ခဲ့ပါမယ်။"
မြတ်သော - "ကျွန်တော် ခရီးထွက်နေတုန်းမှာ ကိုရှင်းသန့်က ကျွန်တော့်ကိုယ်စား ကုမ္ပဏီကို ကြီးကြပ်ထားပေးပါ။"
ရှင်းသန့် - "စိတ်ချပါ မြတ်သော၊ တခုခုဆိုရင် မြတ်သောကို အစ်ကို ချက်ခြင်း လှမ်းအကြောင်းကြား ပါမယ်။"
10-12-2019. (Tuesday)
Myat Thaw's POV:
ဒီနေ့ ပုဂံဘက်ကို ခရီးထွက်ရမှာမို့လို့ ကျွန်တော်စိတ်လှုပ်ရှားမိနေပါတယ်။ ခရီးထွက်တာကို စိတ်လှုပ်ရှားတာမဟုတ်ပါဘူး။ ကျွန်တော့်ကုမ္ပဏီရဲ့ ပထမဆုံးသော လုပ်ငန်းအကြီးစားကို လုပ်ရတော့မယ်ဆိုတာရယ်၊ ကျွန်တော်ချစ်ရတဲ့သူနဲ့ ၃ရက်လောက် ခရီးထွက်ရတော့မယ် ဆိုတဲ့ အတွေးတွေးကြောင့်ပါ။ ဒီခရီးမှာတော့ ကျွန်တော် အသစ်ကို ဖွင့်ပြောတော့မယ်လို့ ဆုံးဖြတ် ထားပါတယ်။ ပြောရရင် "ဘုရားလည်းဖူး လိပ်ဥလည်းတူး" ဆိုသလိုပေါ့ဗျာ၊ အလုပ်ကိစ္စလည်းလုပ်၊ နှလုံးသားကိစ္စလည်းလုပ်ပေါ့။
DU LIEST GERADE
Love-Eco ဂေဟအချစ် (Completed)
Romantikကျွန်တော်တို့လူသားတွေအတွက် ဂေဟစနစ် (Ecosystem) ဟာ မရှိမဖြစ် အရေးပါပါတယ်။ ပြီးတော့ ဂေဟစနစ်ကို ထိန်းသိမ်းပြုပြင်ဖို့အတွက်ကြပြန်တော့ လူသားတွေက မရှိမဖြစ် လိုအပ်လာပြန်ပါတယ်။ အဲ့လိုပါပဲ၊ အခုဇာတ်လမ်းမှာ အချစ်ဆိုတာ တဖက်သက်အချစ်ဟာ ကြင်နာခြင်းထက် နာကျင်ခြင်းတ...
