سم عسلك لعنة

الفصل الثالث

(الفصل الثالث)

*------------*

في صباح اليوم التالي بعمارة *عائلة خباب*
أستيقظ معمر علي ثقل خفيف علي ظهره وهو نائم تململ قليلا وجاهد بأن يفتح عينيه ثم التفت برأسه لذلك الشيء

أبتسم تلقائيا هو يرا قطه المختلط باللون الأبيض والأسود جالس عليه أمسكه معمر ثم قال بنوم : في حد يصحي حد كده

أصدر القط صوت مواء لينهض معمر ويقول بجدية : شكلك ما فطرتش يا سكار

ثم نهض من الفراش وحمله وقال موجها حديثه له بشرود : متشوق وأشوف أخت نوح

خرج من غرفته وترك قطه في الصالة وتوجه الي المرحاض ، في ذلك الوقت خرج بشير وهو يصيح علي والدته : عاوز أفطر بسرعة عشان الحق الشغل

خرجت طاهرة وهي ممسكة بصنية الطعام وتبادله نظرات حنق : ياخي انت لازم تسمع الجيران الموال ده كل يوم .. والله لو أبوك قاعد دلوقتي كان طين عيشتك

لمح ذلك القط فأكفهر وجهه بسخط : أعوذ بالله قط سم

وضعت طاهرة الصنية علي المائدة فجلس بشير وشرع في الأكل في حين خرج معمر من المرحاض وهو يجفف شعره

تكلمت طاهرة بهدوء : تعالي يا معمر أفطر

رد عليها بتأكيد : هغير هدومي الأول

ثم دلف مجددا لغرفته لم يأخذ وقت كثير في أرتدائه ثيابه ورش بعض من عطره علي ثيابه ثم خرج مجددا وجلس بجوار شقيقه

بشير بنبرة مزاح : أفطري يا طاهرة

رمقته بنفاذ صبر وهي ترتشف كوب من الشاي : فطرت مع أبوك

لاحظ بشير بأن أخيه يأكل وهو شارد فقال بصوت عالي له : مين اللي واخد عقلك

رفع عينيه تجاهه ثم قال بسخرية : يخربيت صوتك .. هو ماينفعش إنك تتكلم بصوت واطي

هز بشير رأسه بمزاح : لساني يتشل

ثم نهض بشير علي عجالة : أنا رايح المنحل .. سلامو عليكم

خرج بشير من شقته ووجد أولاد عمه متجمعين علي السلم أبتسم بتلقائية وهو يستطرد الحديث : مش معقول .. ايه التجمع العائلي اللي علي السلم ده .. فادي وفداء وأسماعيل وبرلنتي .. مش معقول تاني

رمقه فادي بأبتسامة ثم أردف بمزاح : انت شارب حاجة علي الصبح

تكلم إسماعيل بأقتضاب : والنبي يا بشير انا مش فاضي لهزارك ده

ثم نزل من درجات السلم وهو يفرك في رأسه ، أستأنف فادي الحديث بحب وهو ينظر لبرلنتي : وأنا كمان مش فاضي لجنانك .. انا عندي شغل يلا يا برلنتي