سم عسلك لعنة

الفصل التاسع عشر

(الفصل التاسع عشر)

*----------------*

أحتدت ملامح معمر عند رؤيته للشابين الذين أزعجوا أنفال وضربوه وضربهم ، قبض معمر علي شاب منهم بغضب : أنتو مش حرمتوا .. جايين لقضاكم من تاني

ركض الشاب الأخر ولم يلتفت للخلف علي صديقه ، تعلثم الشاب وهو يتحدث له : آآآ .. اهدي بس

شدد معمر من أمساكه بملابسه وتحرك به الي الأستوديو ودفعه علي الأرض بحدة ثم أغلق الباب خلفه وركله بقوة في بطنه وهو يصرخ به بعنف : أنا هخلص عليك

تأوه الشاب بألم ثم تكلم بسرعة وهو يتفادي الضربات : والله راشد اللي قال اعمله كده

توقف معمر بصدمة ثم رفعه إليه من ثيابه وهتف بنبرة وعيد : قالك ايه ؟!! .. ماتنطق

تراجع الشاب بألم للخلف وأجابه بنبرة متألمة : آآآه .. راشد دفعلي فلوس انا والحيوان اللي هرب أننا نعاكس البت اللي بتشتغل معاك ونضايقها وهو مراقبنا ويجي يضربنا عشان يكبر في نظرها .. بس انت جيت وخلصتها مننا

أمسكه معمر مجددا من ثيابه بغضب وصاح به : وجاي ليه تاني هنا

تعلثم في الحديث وحاول تخليص قبضة معمر ولكنه لم يقدر ليجيب بنبرة هلع : آآ .. أصل راشد قالنا اعملوا الحركة دي تاني .. بس أحنا بقالنا 3 أيام كل يوم بنيجي هنا ومافيش حد منكم بيجي الأستوديو

لكمه معمر في فمه ، فتحدث الشاب بتوتر ممزوج بخوف : آآ .. بص انا مش هعمل كده تاتي

رفع معمر حاجبيه ثم رد عليه بسخرية وهو يشمر أكمام قميصه عن ساعديه : مش هتعمل كده تاني .. يعني زي العيال الصغيرة اللي في المدارس

أقترب معمر إليه بعنف ليضربه بغضب حاول الشاب تفادي الضربات وأستمر معمر بضربه الي ان توقف عنه وهو يقول بوعيد : لو راشد عرف بحاجة مش هيحصلك خير

ليجذبه معمر من ثيابه ويكمل تهديده : ولو شوفتك صدفة قدامي أو عقلك وزك إنك تعمل حاجة لأنفال .. يبقا اترحم علي نفسك .. أنت فاهم يا حيوان

أومأ رأسه بألم وقال بتعلثم : آآآه .. حاضر حاضر

فتح معمر الباب وقام بدفع الشاب بسخط للخارج وأغلق الباب خلفه بتهكم ، أقترب معمر من الأريكة وجلس عليها بضيق : مش هعديهالك علي خير يا راشد

جز علي أسنانه بحدة وشرد بأنفال وما حدث أخر مشادة كلامية معهم زفر الهواء علي مهل وهمس لنفسه : هروحلها البيت بصفتي ايه بعد ما زعقت فيها

*----------------*

في شقة *نوح عبد التواب*
وضعت أنفال اللمسات الاخيرة علي حجابها بعد ان أرتدت ثياب الخروج قبل أن تخرج من غرفتها أرتدت بعض ألاكسسوارات منها السلسلة المحببة لقلبها وخاتم فضي ، خرجت من الغرفة الي الصالة لتري والدتها جالسة تشاهد التلفاز أبتسمت لها نوال ثم قالت : القمر اللي طل عليا رايحة فين