مُتلازمة حُب

الفصل السادس والعشرون

_أشرقت الشمس لتداعب السماء بجرأه بينما كان ينتظرها هو أسفل البنايه ،لتخرج منها برفقه داليدا متجهين نحوه لـ تهتف بتساؤل:-
_أتأخرنا
عابد بابتسامة جريئه:-
_وحشتيني
_حمحمت داليدا بحرج وهي تقول :-
_اي يا عم روميو ، احنا هنا
عابد بضجر :-
_اما نوصل هتنطلقي انتي ويارا بعيد بما يرضي الله أتفقتا
أسمهان:-
_اما نوصل نبقي نشوف يلا
_أستقلوا جميعاً سيارته ليقودها هو نحو أحدي جبال سيناء ،هتفت يارا بتساؤل:-
_الكامب ده تبع الوفد الاجنبي اللي جاي بكره
عابد:-
_ايوه بس النهارده ملهوش علاقه ،بمعني ترتيبات غير بتاعت بكره خالص
_واصل الطريق وسط صمت تام تاركين لعقلهم العنان وسط الموسيقي الصاخبه التي اختارها
________
_وانتي بقا هتوافقي علي العريس اللي جاي من ، ولا حيلنا اتقطع ف التنضيف علي الفاضي
_قالتها سنيه بإرهاق وسط ترتيبها للمنزل بعدما انتهت من تنظيفه بمساعده اروي ، لتتفوه اروي بجديه :-
_ايوة هوافق نعمل خطوبه واشوفه مناسب ولا لا
_تسائلتها مريم صديقتها التي كانت تجلس برفقتهم منذُ بدايه اليوم:-
_حضرتي لسته من الاسئله التقليديه ولا لسه ياحلوتي
أروي بضيق:-
_تصدقي انتي رخمه ، وبعدين انا مش هسأله علي حاجه اما نتخطب هعرف كل حاجه بالتدريج ، مش هحضر حاجه
_تنهدت سنيه بنفاذ صبر لتُتمتم :-
_كل واحد حر ف شخصيته يا مريم ، مش وقت خناق ده
مريم بتفهم:-
_علي رأيك ، هروح أجيب الميكب بتاعي من البيت عشان اظبطك
_هزت رأسها بـ الرفض لـ تهتف بحزم:-
_مش هحط حاجه ف وشي ، دي طبيعتي وهو لازم يبقي عارفها
مريم :-
_خليكي كده لحد ما يطفش
أروي بلا مبالاه :-
_ما يطفش عادي ، حقه
_لم تُدرك سبب لا مبالاتها بـ الأمر لربما كان السبب أنها لم تنتظره من الاساس ،لا مبالاتها طبيعيه بالنسبة لعدم معرفتها به و بشخصيته ،أنتشلها صوت والدها من ضياع عقلها الشارد بـ قوله :-
_ماده بوزك شبرين ليه
_إبتسامه خافته أحتلت ثغرها لـ تهتف بـ النفي:-
_لا ابداً، سرحت شويه بس
_إبتسم بـ لُطف وهو يرتب علي كتفها لـ يهتف بنبره جاده :-
_مش عايزك تقلقي ،مش دايما بتقولي كل حاجه بتحصل خير ، أهو خير تكسرتي جه بفايده وجالك نصيبك
_قال جملته الاخيره بسخريه لـ تهتف هي:-
_شكلك متحمس اكتر مني
صابر:-
_يابنتي وانا عندي مين غيرك أفرحله ، وهو دوغري وجاي البيت من بابه
أروي بهدوء:-
_ربنا يقدم اللي فيه الخير
_______________
_دلفت من خلفه بـ أمر منه ،كانت ترتجف خوفاً من هيئته التي لم تراها من قبل ، جلس علي مكتبه ليخرج بعضً من النقود من درج مكتبه وهو يهتف بعدما ألقاهم أمامها:-
_ده بقيت حسابك يا نهي ، أتفضلي انا مستغني عن خدماتك
_حدقت به جيداً لتهتف بنبره هادئه:-
_سوري يا مستر عمر بس انا معملتش حاجه
عمر بجديه :-
_مش هقولك اني همشيكي عشان مشكله بسببك مع خطيبتي لا ، انا بمشيكي دلوقتي حفاظاً علي سُمعة المكتب ده ، وياريت تتفضلي عشان مش عايز أوضح أكتر من كده
_غادرت إلي الخارج لتلحق بها زميلتها وهي تهتف بتساؤل علي سبب بُكائها:-
_مالك يا نهي في اي
نهي بصوت منبوح:-
_انا أترفدت ، بعد إذنك
_غادرت المكان بأكمله لتتنهد الاخرى بأسف علي ما حدث ،اما هو فـ خرج إليها ليُتمتم بجديه:-
_من بكره الصبح تبدأي تدوري علي حد يمسك شغلها ويفضل يكون شاب ،مش عايز وجع دماغ
_أومأت إليه بالموافقه ليعود هو إلي مكتبه من جديد
__________
_ظلت جالسه بجواره في السياره وهي تحدق إليه غير مباليه لمن معهم ليدور ف خاطرها بعض الكلمات:-
_هو ليه مهما كانت الحاله اللي بنعيشها حلوه بنخبي أضعافها جوانا
_لم تتلقي اي إجابه من عقلها ، لربما الخوف سيظل السور الوحيد الذي يُخبئ خلفه أسراراً لا حصرة لها ، لماذا يبقي البوح هو القرار المستحيل في مجتمعنا الشرقي خصوصاً لو كانت صاحبته فتاه ، ولما وصلنا لحد الإستهانة بمشاعر الاخرين برغم أنها أبسط حقوقهم وأن كانت لا تروق لنا ، لكن مشكلتها هي تختلف ،فَـ هو أيضاً يُخبئ الكثير لها لكن لازال وقت البوح بالنسبة له لم يأتي بعد ..
_وقفت السياره ليقول هو بنبرته الرجولية الهادئه التي سلبت عقلها إليه بدلاً من أفاقتها من شرودها :-
_يلا يا أسما ، وصلنا
_خرجت من السياره وأتبعها هو ومن خلفهم الفتاتان ليُشير إلي المُخيم الكبير وهو يقول :-
_ارتاحو هنا شويه أعقبال الغروب
_وافقوه الرأي ليذهبون ، ثم أتجه هو إلي مُخيمه
_دلفت داليدا من قبلهم لتتأمل تلك الخيمه المُصممه علي التُراث البدوي بإتقان لتجد عُلبه كبيره ، أتجهت نحوها لتخرج منها ثلاثة فساتين يدخل بها الصناعه اليدويه مزخرفه ببعض النُقوشات البدويه البسيطه ،وكان جميعهم باللون الاسود لتتحمس وهي تُناديهم :-
_يا بنات
_ألتفتت أسمهان إليها وخلفها يارا لتهتف أسمهان وهي تنظر إلي الفساتين التي كانت بدون أكمام فقط حملات عريضه لتقول بضجر :-
_وبعد كده يقول لبسك مفتوح
داليدا:-
_تلاقيه قصده علي الشبابيك الكتير اللي ف لبسك يعني ده طويل ، انتي كنتي بتلبسي قصير ومفتوح
_وكزتها يارا وهي تهتف بحزم:-
_بس بقا بلاش لماضه ، احنا نرتاح شويه و نشوف هنعمل اي
______________
_دلفت إلي منزل والدها لتتسائل بدهشه:-
_طنط زينب فين يابابا
أيمن:-
_بتزور اخوها ،هتيجي بكره
_نظرت إليه بمكر وهي تهتف:-
_شكلك انت اللي موزعها
_وضع يده علي كتفها وهو يهتف بتوسل:-
_ارجوكي بلاش السيره دي ، انا عايز أقضي يوم حلو مع سي عمر بتاعك ،ولا هو رجع ف كلامه ومش جاي
بشرى بابتسامة هادئه:-
_زمانه علي وصول ، بس مش فاهمه ليه ميجيش يتقدم علي طول
أيمن بهدوء:-
_لازم اتعرف عليه الاول ، وبعدين هو شخص كويس انتي قلقانه ليه
_نظرت إليه بتوجس لتكتفي بالصمت لعله يستطيع أن يُخفي قلقها ، القلق ذلك الشعور اللعين الذي لطالما كان يُعكر صفو لاحظاتها السعيدة وأن لم يكن هناك سبباً ،لربما هو بمثابه صديقً مُخلص لها ولو كان مزعجاً لم يُفارقها أبداً..