مُتلازمة حُب

الفصل الخامس و الثلاثون

_تسارعت الاحداث ببطئ ليمر أسبوع وسط أستعداد لعقد قران بشرى وأخر لزفاف أسمهان ...

_أستمع ما يكفي من المباركات بعد عقد القران ، لينظر بالاخير إليها وهو يبتسم بعفويه لم يشهدها قلبه من قبل ،وقفت بجانبه وهي تُحمحم بحرج لتهتف :-
_هتفضل باصصلي كده
_إبتسم وهو يهز رأسه بإستنكار :-
_مستغربك ، حاسس انك قلقانه من حاجه
_ازاحت خصلاتها بيدها لتتنهد وهي تهتف بخفوت :-
_أبداً بفكر ف اللي جاي يا عمر
_صدح صوت الموسيقي الهادئه ليغمر المكان بالهدوء التام ، داعها للرقص معه بمنتهي اللباقه لتستجيب لدعوته بإبتسامه هادئه ، وضع يديه علي خصرها وهو يهمس في أذنها :-
_بتفكري ف اي بقا
_تمايلت معه بهدوء علي تلك الالحان الهادئه وهي تهتف:-
_انت دلوقتي مبسوط ،عشان مبهور بشكلي وطريقتي و جوازنا اللي لسه هيبدأ ، ياتري بعد كام سنه هشوف نفس اللمعه ف عينك يا عمر
_حدق بعينيها بدهشه وكأن رمقته تُعاتبها ليُتمتم بهدوء:-
_لو بجري ورا الحلو وبس مكنتش حاولت معاكي ، انا مكنتش ف دماغك يا بشرى ، ده غير تعبي ك راجل من اول ما واجهتك لحد دلوقتي ولحد ما تبقي ف بيتي او لحد ما اموت كمان انتي بقيتي مسؤوله مني فاهمه يعني اي
_أومأت إليه بتفهم وهي تبتسم لتجتاحها الحيره التامه لتتلاعب بها الرهبه ويلاحقها الأمان لتهمس بخفوت وهي تضع رأسها نحو صدره :-
_انا بحبك يا عمر ، و مطمنه جنبك لكن..
_قاطعها وهو يهتف بحزم:-
_مفيش لكن ، انا مش شايف غيرك ومهما أتغيرتي مش هشوف غيرك
_عانقته في تلك اللحظه ليضمها بقوه تعبر عن صدقه إليها وأنه كان يتوق شوقاً لتلك اللحظه

_كانت تُتابعهم من بعيد وهي تقف بجانبه إبتسمت بتلقائيه ليهتف هو :-
_انا شايفك متحمسه نتجوز بقا
_هزت رأسها بـ لا وهي تبتسم رغماً عنها لتهتف:-
_مفيش فايده فيك ، عموماً هانت يا حبيبي
_قطع حديثهم تصفيق الجميع بحراره فور أنتهاء رقصتهم ليهمس في أحدي أذنيها:-
_هنقضي اليوم كله هنا ولا اي ، يلا عاملك مفاجأه
بشرى:-
_حاضر نستأذن بابا الاول
_أتي نحوهم يوسف ليهتف بإبتسامه :-
_الف مبروك يا صحبي ، اعقبال ما تعقل يارب
عمر بتساؤل:-
_انت ماشي ولا اي
يوسف:-
_مش كتبنا الكتاب وشهدت علي جوازك ، ملكش قبول عندي تاني النهارده بقا
_غمز إليه بطرف عينه وهو يهتف بسخريه:-
_طب روح معادك يكش خُط الصعيد يطب عليكو

_أما هي أتجهت نحو والدها لتعانقه بقوة ليهتف هو:-
_الف مبروك يا بنتي ربنا يتمم بخير
_حمحمت بحرج وهي تهتف بتساؤل:-
_ممكن انا وعمر نخرج شويه
_أومأ إليها بالموافقة وهو يهتف بحزم:-
_تعدو عليا اما تخلصو عايزكم ف موضوع

______________
_ها ألبس ده ولا حاجه فورمال ولا البس حاجه بسيطه ، اعمل اي
_تفوهت بها بضجر لتهتف رغد بتساؤل:-
_ايوه انتي خارجه معاه بصفته اي
موج:-
_يكونش ده ديت
_صاحت رغد بغضب:-
_يلاااااهوي ، في واحده تبقي مش عارفه هي خارجه ليه
_جلست بجانبها وهي تهتف بضجر:-
_مش عارفه بقا ، هو بيكلمني كتير و بقينا صحاب وأما قولتلو زهقانه عرض عليا نخرج
رغد بحزم:-
_بقولك اي ياقطه ، ألف به شياكه غوامق
موج ببلاهه:-
_يعني اي
رغد بنفاذ صبر:-
_يعني البسي فستان غامق يكون لا كاچوال ولا فورمال ف النص كده ويكون مكتوم بلاش لعلطه مش رايحه حنه شيماء
موج بهدوء :-
_ماشي وبعدين
رغد :-
_ولا اي حاجه هيلز محترم ،شنطه صغيره ،ميكب خفيف وبلاش روچ احمر مش هيقابل دراكولا علي المسا هو
موج بغضب:-
_يخربيت ألفاظك ، ماشي يا ستي حاجه تاني
رغد:-
_اها أفردي شعرك وخرجي الأنثي اللي جواكي يا فوزيه
موج بسخريه:-
_وهو اللي يقعد معاكي هيشوف ريحه الانوثه فين
رغد بغضب:-
_بتنكري فايده معلوماتي طب انا ماشيه
_كادت أن تنهض من مكانها لكن أوقفتها الاخرى وهي تشد ذراعها بقوه لتهتف:-
_أترمي هنا ، عشان تساعديني
_هزت رأسها بـ النفي وهي تهتف:-
_لا انا أوجه اها أساعد لا ، أطير انا بقا