Nais kong sabihin na ikaw ang nagsilbing Sinagtala,
Sa panahong binalot ng lungkot, poot at takot ang aking puso.
Walang kupas ang liwanag na taglay mo.
Dahil ito rin ang nagbigay liwanag sa isip at magulo kong mundo.
Ang munting sinag mo ang nagsilbing pag-asa para ipagpatuloy ang mga bagay na nasimulan na.
Ipinapaalala mo na kailanman ay huwag basta sumuko sa kahit na anong laban.
Dahil katulad nga ng mga bituin,
Kakayanin ko ring makipaglaban sa gitna ng dilim.
