الحلقة الخامسة
كانت تدخل إلى قاعة وهي تضحك مع عفاف وحنان، لكن نبرة صوتها تعد الأعلى بينهن، رفعت وجهها لتتلاقى عينها بعينه الغاضبة، لاحظت حنان نظرتها ونظرته المستنكرة لها
نهال همست لهن:
_ انا حظي دكر
حنان: حظك بس ولبسك كمان لازم تغيريه، بالطريقة دي مش هتلاقي حد يتجوزك.
عفاف: هو انت دماغك شغال علي جهه وحدة، يلا المحاضرة هتبدأ، انت مش عملتي حاجة غلط عشان تخافي
دخلت لتجلس مكانها بجوارها حنان وعفاف، القي السلام وبدأ يشرح كان حاد جاد، كانت تكتب ما يقول كما يكتب البعض منهم، لكنها لم تفهم فسألت
نهال لو سمحت يا دكتور
زياد اتفضلي وقفت وقالت
نهال يعني ايه .....
من يجلس خلفها: ممكن تقعدي
الأخري تدعى ميرفت صديقة رامي قالت:
ميرفت: بعدين ضفيرتك دي مضايقاني كل ما تتحركي تخبط في حاجة، وانا معنديش استعداد تكسري ايدي انا كمان
نهال: المفروض اعمل فيها ايه
ميرفت: اتصرفي
نهال: اسفة
أمسكت الصغيرة لتلفها علي بعضها وجلست وهي تقول:
_ كده كويس ولا تحبي اسيب مكانى كله
زياد ابتسم وأكمل ما كان يقوله _فهمتي
نهال ناقشته في نقطة، شرح باستفاضة
زياد رجع لم يقوله قبلها وما ان انتهت المحاضرة
عفاف: انت ليه سكتي ليها
نهال: متشغلش بالك هي بتستفزني
حنان: يعني انت عارفة
نهال: طبعا، بس انا مش ماشية اتخانق مع الناس، اللي عملته مع رامي دا كان رد فعل لغلطته، لكن مش ده اسلوبي ولا بحب الناس اللي تستعرض قوتهم كانت تخرج معهم
زياد: نهال
نهال: افندم
زياد نظر لمن معها
عفاف: هنستناكى بره يلا يا حنون
انتظر الى ان خرجوا وقال
زياد: أنت ازاى تضحك بالطريقة دي ازاي تمشي تهزرِ انت وصاحبتك وصوتكم يبقي عالي كده
نهال: انا
زياد: انت المفروض تبقى قدوة
نهال: اسفة
زياد: انا مش بتساهل في نفس الغلطة مرتين متتكررش
نهال: حاضر سيادتك
زياد: لولا ردك علي مش عارف اسمها ايه دى، كان هيبقى ليا رد يزعلك اتفضلي، بس لازم تفهمي ان رجالتي ليهم نظام مختلف في الجامعة، لا صوتهم بيلعب ولا ضحكتك بتوصل الشارع التاني، ولا بيتخانقوا مع اي حد
