الحلقة الثالثة والعشرين
العواطف تقهر العواصف
بقلم نورا محمد علي
كان يتكلم مع اخوه عندما دخلت امه تستمع الي كلامه وهو يقول
فتحي متقدم لنهال
الجدة لا طبعا
فتحي لا طبعا ليه يا حاجة
الجدة نهال لسه صغيرة وبعدين انا مش عاوزة اخوك يستعجل نهال حلوة والف مين يتمناها
حسين مالك يا حاجة مش نسمع الأول ونشوف الراجل دا مناسب ولا لا
الجدة انا شايفة انه
فتحي انا موافق عليه يا حاجة وبعدين انا لو غربلت البلد. مش هجيب احسن منه
عالية وهي تضع العصير علي الطاولة اتفضلوا
حسين يا ام ناجي انت شايفة نهال صغيرة
عالية هي صغيره علي الجواز بس اللي سمعته من ابو ناجي انه عنده استعداد يستني هو عاوز يخطب بس
فتحي فعلا عاوز ياخد خطوة رسمي عشان الأصول مش اكتر هو دكتور عليها في الجامعة وكمان المدرب بتاعها وعاوز لو وقف معاه او اتكلم معاها يبقي في حاجة رسمي وممكن يصبر سنة او اثنين
حسين والله عداه العيب
فتحي وكمان اللي مشجعين ان نهال بتتكلم عنه كويس
الجدة انا بس كنت شايف ان ابن عمها اولي بيها يعني من العيلة ومش هتطلع بره
حسين ابن عمها مين
عالية اذدرت لعابها ببعض القلق
الجدة ابنك مراد
فتحي نظر لأخيه منتظر رده
حسين حرام عليكي يا حاجة دا مراد لو متقدم لبنتي انا ارفضه
الجدة ايه
حسين يا حاجة بعد اللي حصل ليه مع البنت اللي كان عاوز هيتجوزها من ٥ سنين وهو كل يوم مع واحدة واجي اكلمه بقولك انا راجل وحر
الجدة لا
حسين زي ما سمعتي
الجدة قالي هتغبر وقال إن نهال زي الجنيه الدهب عارف كويس انها١١ اطهر من الندي
حسين وصدقتيه
الجدة وماصدقوش ليه الراجل عاوز يتوب ويستقر
حسين لان ديل الكلب عمره ما ينعدل اول امبارح كان معاه استغفر الله العظيم ربنا يهديه
الجدة ايه اخس عليك يا مراد
فتحي اه يا حاجة هو انت فاكرة اننا مش عارفين وبعدين دا ابن اخويا يعني زي ابني ونهال زي اخته
