الفصل 13
العواطف تقهر العواصف
بقلم نورا محمد علي
كان ينظر لها بحب وشوق ولهفة ومع ذلك لملم نفسها وقال
زياد: انت بتهزري مش كده
نهال ازدردت لعابها
زياد: انا ما عنديش اعذار عارفة يعني ايه ما عنديش اعذار يعني يبقي لازم سبب قهري اللي يخليكي مش تحضري التمرين
نهال: انا
زياد: انت ناسية ان عندك بطولة ولا اعتبرك منسحبة
نهال: لا طبعا
زياد: كنت فين وعايز سبب لعدم التزامك!
نهال : سافرت
زياد: نعم !!
نهال: كنت مضغوطة و مش مستحملة ف
زياد: اسمها هربتي مش سافرتي
كان الشباب بدأوا في التجمع
نهال: انا مش بهرب وبعدين انت ناسي انا طردتني من المحاضرة
زياد: نعم ودا ماله و مال التمرين و بعدين انت اتاخرتي عن المحاضرة يبقي لازم تتعاقبي
نهال: علي فكرة انا كنت ممكن ارد عليك واقولك لسه ٥ دقائق على ميعاد الوقت بس سكت، وعشان سكت علشان خاطرك مقدرتش افضل وانا مش عارف انا بتعاقب ليه دا انت من اقل من ربع ساعة كنت كنت
زياد: كنت ايه ؟
نهال فغرت فمها واغلقته
زياد: اتفضلي سخني
فادي: واخد بالك
عاصم: من ايه
فادي: وهو يبدأ التمرين ولا حاجة
ام هي ما إن بدأت حتى بدأ يوجهها ويعدل لها
نهال: حاجة تاني
زياد: الساعة ٥ في الجيم
نهال: حاضر
زياد: وشعرك تشوفي ليكي حل فيه مش هينفع طول التمرين يتفك انت مش بتستعرض
نهال طحنت أسنانها وهي تنظر له ولكنها هزت رأسها
دخلت الي الحمام تغسل وجهها وتضفره خرجت ترتدي قميص ابيض علي بنطلون باجي أسود وتحمل أدواتها لتخرج
نهال: سلام عليكم
زياد: الساعة خمسة
نهال: حاضر يا كابتن شكرا لحضرتك
وجدت حنان تنتظرها هي وعفاف
حنان باندفاع ممزوج بالحدة : انت يا بنتي مش معاكي ناس تقولي ليهم انك نازلة وبعدين انت مش امبارح قولت مش هتروح التمرين وانك مش عاوزة.....
