الفصل 16
العواطف تقهر العواصف
بقلم نورا محمد علي
أنهت ما طلبته منها بأكبر سرعة ممكن كانت تطرق الباب في الوقت الذي كان فيه زياد يجلس باسترخاء وهو يتكلم مع أياد
نهال دخلت وهي تسأل: ممكن ادخل
زياد: انت دخلتي.. وهو ينظر لها بحدة
نهال: آسفة
زياد: انت شايفة اسفة كفاية
نهال: لا بس هو اللي غلط حتى اساله انا حاولت اسكت كتيير بس هو مستفز، وبعدين بدل قال يا فلاحة يبقى عارف ان الفلاحين اغلي حاجة عندهم شرفهم
أياد: يا انسة انا اللي غلطان، انت واقفة قدام الجامعة تحضـ ني وتبوـسي
نهال: ده أبويا
أياد: .حتى لو الحلال بين والحرام بين وبينهما متشابهات فاتقوا الشبهات كام واحد في الألف دي يعرف انه ابوكي
نهال: ممكن بس
أياد: علي العموم انا آسف عشان خاطرك بس يا أسطورة رغم انك عارف اني صعب اعتذر
زياد نظر له كأنه يقول ايه هتفضحنى، روح قولها أحسن ثم نظر لها وقال
زياد: خلصتي
نهال: اه
زياد: الساعة خمسة في الجيم
نهال: مممم
زياد: عندك حاجة مهمة
نهال: زي
زياد: انت ادري
نهال: والله يا كابتن انا مفيش عندي اهم من التمرين والدراسة واهلي، بس مش عارفة ليه بحس انك بتلمح على حاجة مش موجودة
زياد: انا
نهال: اعتقد
زياد: ابدا بس كل الحكاية انك عارفة ان عندك بطولة كمان شهرين فلازم يكون أولوية وقتك لتمرين عشان كده الساعة 5 تكوني في الجيم
نهال: هو حضرتك لسه بـ تعاقبني ولا فاكرني الاسطورة انا بشر مش آلة
أياد ضحك بصوت مرتفع وهو يقول: يعني الأسطورة آلة
نهال: انت عايز تغلطني وخلاص لا طبعا انا مقصدش اللي انت فهمته
أياد: امال تقصدي ايه
نهال: اقصد اني أضعف من الكابتن بكتير كده العضلات ترهق
أياد: بصراحة انا مش شايف عضلات بس فعلا المظاهر خادعة يا نهال، مش اسمك برضوا
زياد نظر له
نهال: انسة انا مش صاحبتك عشان تناديني باسمي يا استاذ
