<Unicode>
တစ်နေ့မှာ
Piglet လေးက pooh ကိုမေးပါတယ်
အချစ်ဆိုတာ ဘယ်လို စာလုံးပေါင်းရသလဲတဲ့။
Pooh က ပြန်ဖြေတယ် ။
' Piglet အချစ်ဆိုတာ စာလုံးပေါင်းရတာ မဟုတ်ဘူး ၊ ခံစားကြည့်ရတာ "...တဲ့ ။
🍓🍓🍓
အစာမကြေလို့ ရင်တွေခံပြီး
ပျို့အန်ချင်တာကို ကြိတ်မှိတ်သည်းခံကာ ရိပေါ် ဟိုပြေးဒီပြေးလုပ်နေရတယ် ၊ ဝန်ထမ်းနည်းပါးတဲ့ ဆေးရုံဆိုတော့လဲ ပင်ပန်းတာ သိသိသာသာ ။
လယ်တောထဲမှာ ငုတ်စူးခဲ့တာကို
ဆေးရုံတန်းမလာပဲ ကြားဖူးနားဝ ဆေးရွက်တွေနဲ့ အနာကို ကျပ်စည်းထားတဲ့ ဦးလေးကြီးက ရောင်ရမ်းပြီး လမ်းမလျှောက်နိုင်မှ
ရိပေါ်တို့ဆီ ရောက်လာတယ် ၊ စဖြစ်တဲ့ ဒဏ်ရာက သိပ်မဆိုးပေမဲ့ ဆေးရွက်တွေကို သေချာမသန့်ရှင်းပဲ. သုံးလိုက်တဲ့အဖြစ်က ခြေထောက်ကို ပိုးဝင်စေတော့တာပါပဲ ၊ အနာကို ပြန်သန့်ရှင်းပေးပြီး ကျန်နေခဲ့တဲ့ သစ်ချွန်အပိုင်းအစလေးတွေကို ဖယ်ရှားပေးပြီးတဲ့နောက် ရိပေါ် တော်တော် ပြိုင်းနေပြီ ။
အနာ သက်သာတဲ့ဆေးထိုးပြီးတဲ့နောက်
ဆေးပုံမှန်သောက်ဖို့ နဲ့ ဘယ်နည်းလမ်းတွေက မှားကြောင်း မှန်ကြောင်း
HE* ပေးရတယ် ၊ ဦးလေးကြီးကလဲ ဟုတ်ကဲ့ ဟုတ်ကဲ့ နဲ့တော့ နားထောင်ရှာပါတယ် ၊
တအေ့အေ့ နဲ့ ကြို့ တွေထိုးပြီး
နားနားပြောနေရတဲ့ ရိပေါ်ကို
သနားလို့လားတော့ မသိ... ။
(Health Education)
Reception ဘက်ကို ထွက်လာလိုက်တော့
ကလေးလေးတစ်ယောက်က ဗိုက်ကို ဖိပြီး
အော်ငိုနေတယ် ၊ ဘေးမှာ မအေ ပါပုံရပေမဲ့
ဆရာဝန်တွေ သူနာပြုတွေ တစ်ယောက်မှ မတွေ့လို့ ထင်တယ် ၊ အဲ့ဒီနားလေးမှာပဲ ထိုင်လို့
ကလေးကို ချော့နေရှာတယ် ။
ဒီနေ့ ကလေးတွေကိုကာကွယ်ဆေးထိုးပေးဖို့ဆိုပြီး ဆရာဝန်နှစ်ယောက်နဲ့ သူနာပြု ငါးယောက်က ရွာတွေဘက်ကို ဆင်းသွားကြတော့
ဆေးရုံမှာက ဆရာရှောင်းရယ် သူရယ် နောက်ထပ်သူနာပြုတစ်ယောက်ပဲ ကုသပိုင်းမှာ ကျန်ခဲ့တာ ၊ ဒီလိုရက်မှ လူနာတွေကလဲ များလိုက်တာ သူတို့ သုံးယောက်နဲ့ ဘယ်လိုမှ
မြန်မြန်ဆန်ဆန် မလုပ်နိုင် ။
