<Unicode>
(Past)
ရိပေါ့် အသည်းကို
ယုန်စားသွားပြီးတဲ့နောက်မှာ
စာသင်ခန်းထဲက အရိုးခြောက်က အစ
ကဗျာဆန်ဆန်လှပနေပါတယ် ။
ရှောင်းကျန့်ဆိုတဲ့ နာမည်လေးကို ခပ်ဖွဖွရွတ်လို့ အားနေတိုင်းလဲ ဘာရယ်မဟုတ် x-i-a-o-z-h-a-n ဆိုပြီး တစ်လုံးချင်းစီ စာလုံးပေါင်းနေတတ်ပြန်ရော ။
ကျောင်းကို ဘွဲ့လွန်လာတတ်တဲ့ စီနီယာလဲ
ဖြစ်နေနိုင်တယ်ဆိုပြီး မဟာတန်းတွေဘက်ကို
အူလည်လည်နဲ့ ရောက်ရောက်သွားတာလဲ
တစ်ပတ်လောက်ရှိပြီ ၊ သူကတော့ သူမဟုတ်သလို ပျောက်နေတုန်းပါပဲ ။
စီနီယာအမကြီးတွေကလဲ သူတိုဘက်ကို
အားတိုင်းရောက်လာနေတဲ့ ရိပေါ်ကို စကုန်ကြပြီ ၊ အရင်ကလည်း presentation တွေအတွက် အကူအညီလာတောင်းရင်း ရောက်နေတတ်ပေမဲ့ အခုက ချောင်းပေါက်နေပြီဆိုတော့ သူတို့လဲ မသင်ကာတော့ဘူး ထင်ပါရဲ့ ။
ဘဝကြီးက မျက်လှည့်ဆန်ပါတယ်...
မီးခိုးငွေ့တွေထဲကနေ ဝှီးခနဲ နှင်းဆီပန်းလေးပေါ်လာတတ်သလိုမျိုး
အဲ့ဒီလူကလဲ ရိပေါ်ရှေ့ကို တံခါးကို ဝုန်းခနဲ ဖွင့်လို့ ရောက်လာခဲ့ပါတယ် ။
လက်တွေ့ပိုင်းကို ပို့ချပေးမဲ့ Assistant professor ပါဆိုတဲ့ မိတ်ဆက်မှုကို ကြားပြီးတဲ့နောက် ရိပေါ် ကြက်သေ သေ သွားခဲ့ရပါတယ် ၊ တကယ်ကတော့ သူတစ်ယောက်တည်းမဟုတ်ပဲ တစ်ခန်းလုံး အံဩသွါးခဲ့ရတာပါပဲ ၊ ဆရာအသစ်ရောက်မယ်ဆိုတဲ့ သတင်းကြားပေမဲ့ ထုံးစံအတိုင်း မျက်မှန်ထူထူတက်လို့ vocal ကောင်းကောင်း နဲ့ ဆူငေါက်တတ်မဲ့လူလို့ ထင်ထားခဲ့ကြတာကိုး ။
အခုတော့ ရောက်လာတဲ့ဆရာက
ကြည်စင်နေတဲ့ မျက်ဝန်းတွေအပြင်
ရှည်လျားတဲ့ အရပ်အမောင်း ခပ်ပြုံးပြုံး နဲ့ နူတ်ခမ်းသားတွေက စာမသင်ချင်ဘဲ တစိမ့်စိမ့်ထိုင်ကြည့်နေသင့်တဲ့ ရုပ်ရည်မျိုးနဲ့ ။
ခဏအကြာ တိတ်ဆိတ်နေပြီးတဲ့နောက်မှာ
ကျောင်းသူတွေဘက်က ဟေးခနဲ အသံထွက်လာလို့ မင်္ဂလာပါ ဆရာဆိုတဲ့ နူတ်ဆက်သံတွေ ဆူညံသွားတော့တယ် ။
ရိပေါ်ကတော့ မိန်းကလေးတွေဘက်ကို ခပ်ကျိတ်ကျိတ် မျက်စောင်းခဲရင်း နှမြောလို့ နေပါတယ် ၊ သူရဲ့အဖိုးတန် ဒီလူသားကို ဒီကြောက်စရာကောင်းတဲ့ မိန်းကလေးတွေကြားမှာ မရှိစေချင်ဘဲ တစ်နေရာမှာသာ ဝှက်ထားလို့ နေချင်တယ် ။
