روايه "لما نحب"

البارت العاشر ( القلب لا يحتمل)🖤

البارت العاشر..

في نهايه اليوم الجامعي لجميع ابطالنا..

شهد بتعب : ياااااه اخيرا خلصنا..

فيروز وهي مبتسمه: انا مش تعبانه خالص..بالعكس انهارده احلي يوم ف حياتي

شهد باستغراب: وده من ايه انشاء الله من دكتور اشف الرغاي ولا من دكتور بوحسن الي فقع مرارتي من اول ما دخلتله المحاضره..

فيروز بضحك: اشف وبوحسن!! لا من ده ولا من ده..عادي يعني فرحانه..ايه مفرحش؟؟!..

شهد باستغراب اكبر: لا يا اختي ربنا يديم فرحتك بس برضه من ايه ما انا لازم اعرف..اوعي تكوني مخبيه حاجه عليا والمصحف اشرحك..

فيروز باصطناع: سوافاااش!

شهد بفم مفتوح: ها.. سو ايه يا حبيبتي..
واكملت بخبث: ده الي يشوفك دلوقتي ميشوفكيش امبارح وانتي بتهزقي الجدع اسمه ايه ده مش فاكره؟!

فيروز باندفاع: تقصدي احمد..

شهد بضحك وبنظره ذات معني: ايووووه هو ده..
قولتيلي بقي اسمه احمد مممم..هو ده الي مخليكي فرحانه كده؟!..

فيروز بدون وعي وهي تنظر للزهور: اوي اوي يا شهد..

شهد بضحك: يالهووووي وقعتي ولاحدش سما عليكي يا بيضه..

فيروز بانتباه: في ايه يا شهد ايه الكلام الي بتقوليه ده؟!..

شهد بضحك وهي تقلدها: هو ايه الي في ايه انتي مش شايفه نفسك وانتي بتقوليلي اوي اوي يا شهد هييييح..
وبعدين وريني الورد ده كده اشوفه..

فيروز وهي تمنعها من لمس تلك الزهور : لا لا سبيه متلمسهوش..

شهد باستغراب: مالك؟!

فيروز بحب وهي تنظر لتلك الزهور مره اخري : انا خدت عهد علي نفسي محدش يلمسه غيري..

شهد بضحك: للدرجادي.. طب قومي قومي ..علشان نروح..قوومي..

فيروز وهي تقف: علي فكره انتي فاهمه غلط..

شهد بضحك اكبر: من الناحيه دي متقلقيش انا فهماكي صح جدا..يلا يا ماما قدامي..

فيروز بضحك: ماشي يلا..

...

امام الجامعه

شهد: بقولك ايه يا ريري ما تروحي انتي وفيروز وانا ورايا كده مشوار هعمله وبعدين هبقي اروح..

ريهام: رايحه فين؟!

شهد بتوتر: ها..هروح اعمل شوبينج كده واجيب لبس يعني..

فيروز بصدمه: انتي بتستهبلي يا شهد ما انتي روحتي جبتي لبس امبارح..

شهد بتوتر: م.. ما هو.. ما هو انا في حاجات م الي جبتها مطلعتش مقاسي ف انا هروح ارجعها او استبدلها وكده يعني..