روايه "لما نحب"

البارت الثامن (كلمات مؤلمة)🖤

البارت الثامن..

مازن: في إيه يا احمد مالك؟!

احمد: مفيش يا سيدي قلقان علي عمار شويه

مازن: عمار عاقل وعارف بيعمل إيه..المصيبه في دول وأشار بعينيه إلي عبد الرحمن وحمزه

احمد بإستغراب : مالهم؟!

مازن: انت مش شايفهم مبحلقين ازاي

احمد بضحك: اه شايفهم بس هما عاملين كده ليه..

مازن بضحك مماثل: مش عارف والله..

احمد بتركيز : استني مش يمكن مركزين علي حاجه معينه؟!

وأخذ ينظر بدوره إلي ما ينظر إليه حمزه وعبد الرحمن..
ووجدهم ينظروا إلي طاوله ما يجلس عليها مجموعه من الفتيات..

احمد وهو يدقق النظر جيدا..حتي صدم مما رأي

احمد بخبث شديد بداخله: كده الفار دخل المصيده برجليه..

احمد موضحا له مشيرا إليهم : ياعم دول بيبصوا علي البنات الي هناك دي

مازن وهو ينظر حيث اشار له صديقه

مازن: مش معقووول..

احمد مستغربا : في ايه ياض انت شوفت عفريت خضتني!!

مازن مستفهما: مش.. مش دول البناات بتاعه الجامعه

احمد بخبث: اااه هما

مازن بتوتر : مم.. طب.. وايه الي جابهم هنا

احمد بخبث وهو ينظر إليهم : مش عارف الصراحه بس ممكن أعرف..

مازن مستفهما: هتعرف ازاي؟!

احمد وهو يقف: هتعرف دلوقتي..

مازن: إنت رايح فين؟!

أحمد بتلقائيه: رايحلهم

مازن وهو ينظر إليه وكأنه يتمني أن يذهب هو الأخر

احمد وهو ينظر لصديقه وقد فهم ما بداخله.. فقد كانت عينيه حائرتين وكأنه يخفي شيئا ولكن احمد فهمه من نظرته و...

احمد بخبث: تحب تيجي معايا؟!

نظر مازن له بفرحه وكأنه كان ينتظر تلك الكلمات

مازن بخبث : اه.. اه طبعا هاجي معاك هو أنا هسيبك تروح لوحدك.. ده انت بتاع مشاكل ومحتاج الي ياخد باله منك ويلم وراك.. امري لله..

احمد بضحك وخبث هو الأخر فهو يفهم صديقه جيدا: اه ما هو باين يلا بينا..

مازن بفرحه: ماشي يلا..

اتجه مازن واحمد إلي طاوله الفتيات و وقفوا امامها..

احمد موجها كلامه لفيروز : يا مرحبا يا مرحبا جايه برجليكي ولحد هنا ده انتي قلبك ميت بقي..

فيروز بغضب وصدمه وهي تنظر إلي من يحدثها: هو انت تاني يا بوز الإخص انت؟

منه وهي تنظر إلي مازن : هو إيه القمر الي دخل علينا ده..