روايه "لما نحب"

البارت التاسع ( غموض)🖤

البارت التاسع..

رجعت شهد مع اختها الي المنزل والقت التحيه علي والديها.. ثم ذهبت الي غرفتها..
دخلت شهد غرفتها واوصدت الباب خلفها واذا و فجأه جعلت تبكي وتبكي ولا تستطيع التوقف عن البكاء..
جلست شهد علي سريرها ودفنت وجهها بوسادتها حتي لا يسمع احد نحيبها و....

شهد بداخلها: يارب يارب انا مش معترضه علي قضاءك يا رب.. بس محدش حاسس بيا.. بيحكموا عليا من ضحكتي وبس.. يعني مجرد اضحك في وش الكل ابقي بخير.. محدش حاسس بالي جوايا.. ومحدش فاهم حاجه.. وانا مش عارفه اقول..

ثم قامت من مكانها بحثا عن تلك الاجنده الخاصه بها.. بحثت بكل مكان ولكن هيهاات ف لم تجدها ابدا..
ابدلت شهد ملابسها ثم جلست علي سريرها والدموع بعينيها..

شهد بداخلها: هتكون راحت فين يعني هي اختفت مره واحده كده ليه.. ثم اضافت خلاص انام دلوقتي علشان الكليه وبكره هبقي ادور عليها تاني..
توسدت شهد وسادتها وهي تفكر في شيء ما او ربما في شخص ما.. حتي غلبها النوم..

( يا تري شهد حالتها كده ليه وايه الي وصلها للمرحله دي.. و ايه الي شاغل تفكيرها .. وياتري هتلاقي الاجنده ولا لا.. ويا تري الاجنده دي فيها ايه؟!! .. كل ده هنعرفه بعدين)

.....

في صباح اليوم التالي..

استيقظ حمزه من نومه علي صوت منبه هاتفه المزعج كما يطلق عليه..

اغلقه حمزه بغضب: يووووه بقي..قايم قااايم

اتت والدته علي صوته العالي..

الأم بقلق: في ايه يا حمزه صوتك عالي كده ليه..

حمزه وقد لانت ملامحه قليلا: مفيش يا سوسو انا كويس يا حبيبتي..المهم انتي خدتي الأدويه بتاعتك ولا لا..

الأم: اه يا حبيبي اخدتها الحمد الله

حمزه بحنان: بالشفا يا حبيبتي يارب.. انا هقوم بقي علشان الحق اروح الكليه وبعدين هطلع علي الشغل..اه ونسيت اقولك انا انهارده مطبق هناك..يعني هرجع علي واحده اتنين كده..

الأم بحنيه: يا ابني ربنا معاك..انا عارفه انك بتتعب كتير ومن الكليه للشغل ومفيش راحه بترجع الفجر ومبتلحقش تنام ساعتين علشان تصحي لليوم الي بعده..ربنا يريح قلبك يا ابني ويسترها عليك..

حمزه بإبتسامه جذابه وهو يربت علي يديها: طب بذمتك في حد بعد الدعوتين الحلوين دول يبقي محتاج حاجه تانيه

الأم: ايوه في.. انا محتاجه..

حمزه بحنان : محتاجه ايه يا ست الكل اديكي عيوني

الأم برجاء: محتاجه تخلي بالك من نفسك ومتبقاش مهمل في نفسك كده..العمر مش بعزقه يا ابني..

حمزه بضحك: حاضر يا امي من عنيا..

الأم: يلا البس كده وانا هقوم احضر الفطار ليك ولأخوك